Yo 1:9 - Sơ̆p Hlabơar Nơ̆r 'Bok Kei-Dei

⁹ Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Yo 1:9 Iomraidhean Croise

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Mathiơ 6:23

Dah măt bơ̆n hưch hanh tơdrong ala teh đĕch lei măt bơ̆n dang tol, tôm tơdrong akâu bơ̆n jang kư̆m ưh kơ 'lơ̆ng, dang bơ̆n oei lăm măng mu đĕch.

Luka 11:36

Dah akâu bơ̆n jang 'lơ̆ng, ưh kơ đei pơm tơdrong kơnê̆ tŏ sĕt, lei akâu bơ̆n dang jing hơdah 'brach, kư̆m thoi ŭnh kơđeng pơchrang hơdah kơ bơ̆n rang achal.”

Yo 1:4

Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Yo 1:7

wă kơ Yôhan pơtruh kơ đe tơdrong bơngai pơchrang hơdah ei. Yôhan pơtruh kơ đe tơdrong bơngai hơdah ei wă kơ đĭ-đăng bơngai lui kơ bơngai mă pơchrang hơdah ei.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 15:1

Yêsu bơtho dơ̆ng thoi âu: “Inh âu boih thoi lĕ tơm 'long hơmu, na 'Bă Inh thoi lĕ bơngai pơtăm.

Yo 6:32

Yêsu khan tơwih kơ lu sư: “Inh khan tơpăt wă kơ iĕm hlôh: Tơmam sa đơ̆ng plĕnh noh sơ̆ ưh kơ trŏ kơ Môis ôh ăn. 'Bă Inh ăn tơmam sa noh sơ̆. Păng 'Bă Inh ăn kơ iĕm tơmam sa, mă tơmam sa ei pha, tơmam sa ei kăl hloh tơpă gơh arih kon bơngai ling-lang,

Yo 7:12

Lu kon pơlei pơla pơma 'bơm gah tơdrong Yêsu. Lu mơ'nah khan Sư bơngai 'lơ̆ng tơpăt; lu mơ'nah khan Sư ưh kơ 'lơ̆ng ôh, khan Sư chă hơlĕnh kơ kon pơlei pơla đĕch.

I Yo 1:8

Dah bơ̆n khan bơ̆n ưh kơ đei tơdrong yoch, 'noh bơ̆n kư̆m hơlĕnh kơdih bơ̆n mơ̆n păng 'bơ̆r bơ̆n kư̆m ưh kơ gơh pơma tơpăt tŏ sĕt.

I Yo 2:8

Mă tơdrong inh chih pơkă kơ iĕm âu 'nao mơ̆n. Yêsu Krist răk tơdrong pơkă âu păng iĕm kư̆m răk tơdrong pơkă âu mơ̆n. Yua kơ iĕm tơm hmơm đơ̆ng măng mu mă-lei dang ei 'brưch rai wă jê̆ hơdah măt 'năr boih păng hơdah jơ̆p hloi.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.