Yo 1:6 - Sơ̆p Hlabơar Nơ̆r 'Bok Kei-Dei

⁶ Thoi noh na 'Bok Kei-Dei wơh minh 'nu bơngai, anăn sư Yôhan,

Yo 1:6 Iomraidhean Croise

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Mathiơ 11:10

Yua kơ Yôhan boih na đe mah chih lăm sơ̆p hla bơar 'Bok Kei-Dei sơ̆ thoi âu: 'Bok Kei-Dei khan: ‘Âu Inh wơh minh 'nu bơngai pơtruh nơ̆r Inh hơdrol, wă kơ sư hơmet trong kơ Ih.’

Mathiơ 21:25

Bĭ tơdrong Yôhan pơm kơ đe 'batem noh sơ̆ đơ̆ng bu ăn, đơ̆ng 'Bok Kei-Dei dah đơ̆ng kon bơngai?” Na lu sư pơđâu băl khan: “Bơ̆n wă khan kơ Sư thoi yơ? ‘Dah bơ̆n khan đơ̆ng 'Bok Kei-Dei,’ lei Sư khan: ‘Iĕm kuă kơ kiơ lui kơ Yôhan bơtho?’

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Luka 1:76

Ơ dăm, gah ih âu đe gô anăn ih bơngai pơtruh nơ̆r 'Bok Kei-Dei mă Kră Yang Tih Hloh, yua kơ ih gô năm hơdrol kơ Kră Yang wă hơmet ming kon bơngai hơdrol kơ Sư truh.

Yo 1:33

Hơdrol kơ 'noh ki inh kư̆m tam mă băt kơ Sư mơ̆n, sơmă 'Bok Kei-Dei wơh inh pơm kơ đe 'batem păng đak păng Sư đei khan kơ inh thoi âu: ‘Ih gô 'bôh Yang Bơhngol 'Lơ̆ng jur oei kơpal minh 'nu bơngai, bơngai 'noh boih pơm kơ đe 'batem phara yua kơ Sư ăn Yang Bơhngol 'Lơ̆ng oei hơdai păng kon bơngai.’

Yo 3:28

Iĕm kư̆m kơtơ̆ng boih tơdrong inh khan kơ iĕm ki, inh ưh kơ sĭ kơ 'Bok Krist ôh. Inh bơngai 'Bok Kei-Dei ăn truh hơdrol wă hơmet trong kơ 'Bok Krist.

Jang 13:24

Hơdrol kơ Yêsu wă truh Yôhan bơtho kơ đĭ-đăng bơngai Isơrael athei sư tơbral kơdih tơdrong yoch na pơm 'batem hloi.