Yo 1:51 - Sơ̆p Hlabơar Nơ̆r 'Bok Kei-Dei

⁵¹ Yêsu khan kơ lu sư: “Inh khan kơ iĕm tơpă, ning-mônh iĕm gô 'bôh plĕnh tơpơih na iĕm 'bôh lu linh jang 'lơ̆ng 'Bok Kei-Dei jur tơ Inh Kon Bơngai păng iĕm kư̆m 'bôh lu sư tŏk tơ plĕnh.”

Yo 1:51 Iomraidhean Croise

Bl 28:12

Na sư đei apo 'bôh minh pôm kung đơ̆ng teh âu truh tơ plĕnh, lu linh jang Kră Yang 'Bok Kei-Dei jur tŏk rok kung noh.

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Mathiơ 26:24

Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Mathiơ 3:16

Hlôi Sư iŏk 'batem boih, lăp Sư iung đơ̆ng đak, na Sư 'bôh hloi plĕnh tơpơih păng 'bôh Yang Bơhngol 'Lơ̆ng thoi sem kơtơp jur oei tơ Sư.

Mathiơ 4:11

Satan kơdâu weh hloi đơ̆ng Sư, na blư bla kơ linh jang 'lơ̆ng năm tơgŭm Sư.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Mathiơ 9:6

Na dang ei Inh wă pơklaih jĭ sư, wă tơbăt ăn kơ iĕm băt kơ Inh Kon Bơngai gơh pơklaih tơdrong yoch kon bơngai ala teh âu.” Na Yêsu khan kơ bơngai hơwen hơwo ei thoi âu: “Iung bĕ, chĕp anhŭn ih brŏk tơ hnam.”

Markôs 1:10

Lăp Yêsu tŏk đơ̆ng đak, Sư 'bôh hloi plĕnh tơpơih păng Yang Bơhngol 'Lơ̆ng thoi lĕ sem kơtơp jur oei tơ Sư.

Markôs 14:62

Yêsu tơl: “Inh boih Krist. Ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin, na đơ̆ng noh jur đơ̆ng plĕnh hăm hơmơ̆l.”

Luka 2:13

Klaih kơ noh lu sư 'bôh blư bla linh jang 'lơ̆ng lơ tơpă dơ̆ng hơdai păng buăl sư mă jur hơdrol. Lu sư hơri bơnê kơ Kră Yang 'Bok Kei-Dei thoi âu:

Luka 2:9

Minh 'nu linh jang 'lơ̆ng Kră Yang năm tơ'bôh kơ lu sư. Tơdrong mơsêh mơyang pơchrang hơdah tăp dăr kơ lu sư. Lu sư hli tơtey.

Luka 22:43

Na đơ̆ng noh blư kơ minh 'nu linh jang 'lơ̆ng đơ̆ng plĕnh jur tơ Sư wă tơgŭm Sư.

Luka 22:69

Đơ̆ng âu truh tơ ning-mônh Inh Kon Bơngai gô oei gah 'ma kơ 'Bok Kei-Dei mă mơsêh mơyang tơpă na pơgơ̆r.”

Luka 24:4

Lu sư 'bôh tơdrong noh na lu sư sơleng kơ đon. Lăp pă 'biơ̆ kơ 'nei 'bôh blư hloi kơ 'bar 'nu linh jang 'lơ̆ng dơ̆ng jê̆ lu sư. Bre sư hrŭk ao kok rang hơdah.

Luka 3:21

Kơplah đe tam mă phak Yôhan sơ̆ sư pơm 'batem kơ lu kon tơring tơrang. Đơ̆ng noh sư kư̆m pơm kơ Yêsu 'batem mơ̆n. Lăp Yêsu iŏk 'batem đang boih na Sư krao khan kơ 'Bok Kei-Dei, na plĕnh tơpơih.

Yo 1:50

Yêsu khan: “Đon ih lui thoi noh kơlih kơ Inh khan kơ ih Inh 'bôh ih ngôi 'bơ̆t tơm 'long hơra. Mă-lei ning-mônh ih gô 'bôh lơ tơdrong mơsêh mơyang tih hloh loi kơ 'noh dơ̆ng.”

Yo 10:1

Yêsu oei pơma kơ lu sư thoi âu: “Inh khan kơ iĕm tơpăt tơpă, bơngai bu mơ̆t tơ hơdrong triu mă ưh kơ mơ̆t trong 'măng tơm, na hao trong war, bơngai 'noh sư chă tơtông.

Yo 10:7

Thoi noh Yêsu bơtho kơ lu sư thoi âu dơ̆ng: “Inh khan kơ iĕm tơpăt, triu wă mơ̆t lăm hơdrong, sư athei mơ̆t trong 'măng. Na Inh thoi 'măng hơdrong, lu bơngai wă oei păng 'Bok Kei-Dei, lu sư athei mơ̆t trong Inh, noh wă khan athei lui kơ Inh.

Yo 13:16

Inh khan kơ iĕm tơpăt, đĭch ưh kơ lah tih hloh kơ yŏng sư. Bơngai mă đe wơh, ưh kơ lah tih hloh kơ bơngai wơh sư.

Yo 13:38

Yêsu khan: “Ih khan wă chu lôch kiơ̆ Inh hă? Inh khan kơ Ih tơpă, hơdrol kơ iĕr ŏ pơgê dơning, ih gô sơngah kơ Inh pêng 'măng, ih khan ih ưh kơ băt kơ Inh.”

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Yo 16:20

Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.

Yo 16:23

“Hơtai ei kơnh iĕm huay pă kăl jet Inh dơ̆ng boih mă tôm tơdrong kiơ kiơ. Inh khan kơ iĕm tơpăt, kơlih kơ iĕm bơngai lui kiơ̆ Inh na 'Bă Inh gô tơgŭm ăn kơ iĕm dôm tơdrong iĕm apinh Sư.

Yo 21:18

Inh khan kơ ih tơpă wă kơ ih băt: Hơtai ih oei moh sơ̆ ih gơh hrŭk hơbĕn ao ih năm tơ yơ yơ mơ̆ng kơ ih wă. Mă-lei lăp ih kră ning-mônh ih gô plaih ti ih, na đe nai gô chô̆ ti ih dui ih tơ anih mă ih ưh kơ wă.”

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

Yo 5:19

Yêsu khan kơ lu bơngai Juđê ei: “Inh khan kơ iĕm tơpăt, Inh Kon Sư ưh kơ gơh jang kiơ̆ kơ Inh ôh. Inh athei jang kiơ̆ kơ Sư đĕch. 'Bă Sư jang thoi yơ Kon Sư jang thoi noh mơ̆n.

Yo 5:27

'Bă Sư ăn kơ Kon Sư sek tơlang kon bơngai, yua kơ Kon Sư jur jing bơngai.

Yo 6:26

Yêsu khan kơ lu sư: “Inh khan tơpăt kơ iĕm, iĕm chă Inh ưh kơ sĭ yua kơ iĕm 'bôh Inh pơm tơdrong mơsêh mơyang wă tơbăt kơ iĕm Inh đơ̆ng 'Bok Kei-Dei ôh. Iĕm chă Inh yua kơ iĕm sŏng sa phĭ mah đơ̆ng Inh ăn kơ iĕm tơmam sa.

Yo 6:32

Yêsu khan tơwih kơ lu sư: “Inh khan tơpăt wă kơ iĕm hlôh: Tơmam sa đơ̆ng plĕnh noh sơ̆ ưh kơ trŏ kơ Môis ôh ăn. 'Bă Inh ăn tơmam sa noh sơ̆. Păng 'Bă Inh ăn kơ iĕm tơmam sa, mă tơmam sa ei pha, tơmam sa ei kăl hloh tơpă gơh arih kon bơngai ling-lang,

Yo 6:47

“Inh khan tơpăt tơpă kơ lu iĕm, bơngai bu lui kơ Inh sư gô arih ling-lang păng 'Bok Kei-Dei tơpă.

Yo 6:53

Yêsu khan kơ lu sư: “Inh khan kơ iĕm tơpăt, dah iĕm ưh kơ sa sĕch akar Inh Kon Bơngai păng ưh kơ huch sa pham Inh, lei iĕm ưh kơ đei arih ôh, iĕm dang lĕ lôch đĕch.

Yo 8:34

Yêsu khan kơ lu sư: “Inh khan kơ iĕm tơpăt, iĕm ưh kơ rơngei ôh, yua bơngai bu pơm yoch ling-lang, bơngai 'noh sư dang đĭch mơ̆n yua kơ tơdrong yoch sư.

Yo 8:51

Inh khan kơ iĕm tơpăt, bơngai bu răk nơ̆r Inh bơtho, bơngai 'noh huay kơ lôch ôh.”

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

Jang 7:56

Na Êtien khan kơ lu 'bok sek tơlang ei khan: “Iĕm lăng, plĕnh tơpơih ti, inh 'bôh Kon Bơngai oei gah 'ma kơ 'Bă Sư 'Bok Kei-Dei.”

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 4:1

Đơ̆ng noh inh ngơk lăng tơ plĕnh, inh 'bôh plĕnh tơpơih thoi 'măng. Păng inh kơtơ̆ng dơ̆ng 'bơ̆r 'Bok mă pơma re jơwa dang đe hlôm keng noh hei, Sư pơma dơ̆ng kơ inh dang ei khan: “Apinh ih tŏk tơ âu, Inh wă tơ'bôh kơ ih dôm tơdrong mă gô đei păng gô 'bôh ning-mônh.”