Yo 1:46 - Sơ̆p Hlabơar Nơ̆r 'Bok Kei-Dei

⁴⁶ Na Nathanel khan: “Lơliơ? Tam mă biơh đei bơngai bu pơm tih đơ̆ng lăm Pơlei Nasaret ôh.” Na Philip khan dơ̆ng kơ sư: “Na ih jah năm lăng Sư deh wă kơ ih băt kơ Sư thoi yơ.”

Yo 1:46 Iomraidhean Croise

Mathiơ 10:3

Đơ̆ng noh lu đe Philip hăm 'Barthôlêmi; Thôm hăm Mathiơ, bơngai mă iŏk jên thuê̆ sơ̆; Yakơ kon Alphê hăm Thađê;

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Luka 12:57

“Liơ iĕm ưh kơ gơh tơchĕng kơdih wă kơ băt tơdrong trŏ, tơdrong glăi?

Yo 1:44

Philip sư bơngai đơ̆ng Pơlei 'Betsaiđa. Andrê hăm Pêtrôs kư̆m pơlei 'noh mơ̆n.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 12:21

Lu đe ei năm tơ Philip bơngai đơ̆ng Pơlei 'Betsaiđa lăm dêh Galilê. Lu sư năm apinh Philip: “Ơ 'bok, nhôn wă tơ'bơ̆p Yêsu.”

Yo 14:8

Philip khan: “Ơ 'Bok, tơ'bôh kơ nhôn 'Bă Ih bĕ, dôm noh boih nhôn wă.”

Yo 4:29

“Bĕ bơ̆n năm lăng bĕ. Bơngai ei hlĭch dêh roi 'blep dôm tơdrong inh pơm tơpă. Na iĕm tơchĕng bơngai 'noh hăm trŏ kơ 'Bok Krist tơpă dah ưh?”

Yo 6:5

Lăp Yêsu ngơk lăng na Sư tơmang 'bôh bơngai tơpôl lơ luh năm tơ Sư. Na Yêsu khan kơ Philip: “Bơ̆n răt tơmam sa đơ̆ng yơ wă kơ mah 'me bơngai dôm noh?”

Yo 6:7

Philip khan: “Mă 'bar-hrĕng hlak jên hu kư̆m tam mah 'mơ̆i răt tơmam sa kơ lu sư, rim 'nu sa pơgia đĕch kư̆m ưh tam mah mơ̆n.”

Yo 7:52

Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

I Tes 5:21

Iĕm athei tơchĕng lăng tôm tơdrong, dôm tơdrong trŏ iĕm chhŏ iŏk.