Yo 1:41 - Sơ̆p Hlabơar Nơ̆r 'Bok Kei-Dei

⁴¹ Na Andrê năm chă 'nhŏng sư Simôn, roi kơ 'nhŏng sư khan: “Nhôn 'bôh boih 'Bok Mêsi.” 'Bok Mêsi wă khan 'Bok Krist mă 'Bok Kei-Dei wơh wă pơgơ̆r kon bơngai.

Yo 1:41 Iomraidhean Croise

II Pot 7:9

Kơplah ei, lu sư pơma dơnuh băl khan: “Bơ̆n pơm thoi âu ưh kơ trŏ; năr âu đei tơdrong 'lơ̆ng tơdrong 'nă hal, dah bơ̆n wă thĕng đĕch, dĭng 'brưch pơgê hơdah, lei lu bơ̆n gô glăi, bĕ bơ̆n jah năm roi tơdrong 'nâu kơ pơtao.”

Horiso 2:2

Lu pơtao lăm teh đak iung blah, Lu kră pơgơ̆r pơđâu chă đon wă blah Kră Yang, păng Tơ'ngla mă Kră Yang đei rơih tuh đak rơmă

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 89:20

Inh chă 'bôh boih Đawit, đĭch đam Inh, Tuh boih kơ sư đak rơmă 'lơ̆ng rơgoh Inh.

Êsai 11:2

Yang Bơhngol Kră Yang gô oei kơpal Sư, Yang Bơhngol ăn kơ sư đei đon gơh hơgei păng mơsêh mơyang, Yang Bơhngol ăn kơ sư hlôh băt păng hli yom kơ Kră Yang.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Luka 2:17

'Bôh thoi noh boih lu bơngai wei triu ră roi đêl tơdrong linh jang 'lơ̆ng tơbăt kơ lu sư gah kon nge 'noh.

Luka 2:38

Na sư kư̆m năm tơ mĕ 'bă Yêsu mơ̆n. Sư bơnê kơ 'Bok Kei-Dei păng roi lê̆ hơdrol gah tơdrong Yêsu kơ đĭ-đăng lu bơngai mă chang gô 'Bok Kei-Dei pơklaih lu kon pơlei Jêrusalem.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 4:25

Duch ei khan kơ Yêsu: “Inh băt kơ 'Bok Mêsi mă đe anăn 'Bok Krist Sư gô truh wă pơgơ̆r kon bơngai, mưh Sư truh boih Sư roi ăn kơ nhôn tôm tơdrong.”

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.