Yo 1:4 - Sơ̆p Hlabơar Nơ̆r 'Bok Kei-Dei

⁴ Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Yo 1:4 Iomraidhean Croise

Horiso 49:6

Lu bơngai gơnang kơ jên tơmam lu sư, Pơư mŭk tơmam lơ, mơdrŏng lu sư.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Yo 5:21

Yua kơ 'Bă Inh gơh tơiung arih kon bơngai đơ̆ng lôch na Inh Kon Sư kư̆m thoi Sư mơ̆n, Inh gơh ăn tơdrong arih kơ kon bơngai gô mơ̆ng kơ Inh wă.

Yo 5:26

'Noh kư̆m thoi 'Bă Sư gơh pơm tôm tơdrong arih, na 'Bă Sư ăn kơ Kon Sư gơh pơm tôm tơdrong arih thoi Sư mơ̆n.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 9:5

Kơplah Inh oei ala teh âu Inh dang măt 'năr pơchrang hơdah tơ teh âu wă kơ kon bơngai băt tơdrong 'Bok Kei-Dei.”

Jang 26:23

Đơ̆ng sơ̆ sư bơtho khan 'Bok Krist khŏm đei tơdrong pơmat na lôch, klaih kơ noh iung arih đơ̆ng lôch hơdrol kơ lu bơ̆n. Na 'Bok Krist bơtho khan kơ lu bơngai Juđê hăm lu bơngai nai khan, dah lui kơ Sư na lu sư gơh klaih đơ̆ng tơdrong yoch.”

I Kor 15:45

Yua kơ thoi noh na lăm sơ̆p hla bơar 'Bok Kei-Dei đe đei chih boih thoi âu: “Bơngai kơ đĭ-đăng hơdrol sơ̆ jĭ 'bok Ađam, 'Bok Kei-Dei ăn kơ sư đei akâu đei jơhngơ̆m wă kơ gơh arih.” Na 'bok Ađam mă hơtuch âu, wă khan Yêsu Krist, Sư Yang wă anhăk đĭ-đăng kon bơngai oei hơdai hăm Sư arih ling-lang.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Kôlôsê 3:4

Tơ̆ng bơ̆n băt kơ Yêsu Krist ăn kơ bơ̆n arih thoi Sư, lei ning-mônh bơ̆n gô 'bôh Sư jur tơ bơ̆n, bơ̆n gô oei hơdai hăm Sư hiôk jơnap ling-lang.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

I Yo 1:2

Nhôn 'bôh Yêsu Krist oei tơ teh âu. Sư boih ăn kơ bơ̆n arih ling-lang păng 'Bok Kei-Dei. Kơlih kơ nhôn 'bôh Sư tơpă na nhôn gơh roi ăn kơ iĕm tơdrong Sư. Sư arih păng 'Bă Sư 'Bok Kei-Dei đơ̆ng blŭng-a sơ̆. Sư arih ling-lang ưh pă layơ lôch. Sư jur tơ ala teh âu păng tơ'bôh kơ nhôn akâu Sư.

I Yo 5:11

'Bok Kei-Dei pơma gah Kon Sư thoi âu: Sư wă kơ bơ̆n arih ling-lang păng Sư. Bơ̆n gô arih ling-lang tơpă dah bơ̆n lui kơ Kon Sư.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”