Yo 1:38 - Sơ̆p Hlabơar Nơ̆r 'Bok Kei-Dei

³⁸ Yêsu hue tơ rŏng 'bôh bre ei kiơ̆ Sư, na Sư jet: “Biĕm chă kiơ?” Bre sư khan: “Ơ 'Bok Thây, Ih oei tơ yơ?”

Yo 1:38 Iomraidhean Croise

I Pot 10:8

Pŭn hiôk tih tơpă kơ lu đĭch đam ih bơngai mă oei hơdai ih! Lu bơngai mă oei awih awăn 'bơ̆t anăp ih ling-lang păng kơtơ̆ng dôm tơdrong gơh hơgei ih.

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 3:18

Tơdrong gơh hơgei sư jing minh tơnơm 'long arih kơ bơngai bu đei rôp sư; Bơngai bu đei rôp sư kơjăp jô̆ bơngai pŭn hiôk tơpă.

Tơdrông Pơđơk 8:34

Pŭn hiôk dêh bơngai bu mơ̆ng kiơ̆ nơ̆r Inh; Oei lăng măng năr 'bơ̆t 'măng jang Inh, gô răp 'bơ̆t 'măng hnam Inh.

Nhom 5:19

Ơ Kră Yang, Ih pơgơ̆r oei đei ling-lang, Tang-dŏ pơtao Ih đơ̆ng chăl âu truh tơ chăl nai.

Luka 10:39

Mathê đei minh 'nu oh drŏ-kăn anăn sư Mari. Na Mari tơoei 'bơ̆t jơ̆ng Yêsu mơ̆ng Sư bơtho.

Luka 14:25

Đei tơpôl lơ tơpă yak kiơ̆ Yêsu. Na Yêsu hue tơ lu sư păng khan:

Luka 15:20

“Klaih kơ noh sư iung brŏk hloi. Tam mă truh tơ hnam, oei ataih, mă-lei 'bă sư tơmang 'bôh sư boih. 'Bă sư lăng 'brơ̆k mơnat, na tơkan chŭm kuăr sư.

Luka 19:5

Lăp Yêsu truh tơ noh Yêsu ngơk lăng tơ kơpal 'long na khan: “Ơ Sachê, ih jur tĕnh, Inh wă mơ̆t pơdơh tơ hnam ih năr âu.”

Luka 22:61

Na Kră Yang Yêsu hue lăng Pêtrôs, na Pêtrôs 'blŏk hơdơ̆r kơ nơ̆r Kră Yang Yêsu pơma pơkă lê̆ hơdrol hei khan: “Măng kơnh boih hơdrol kơ iĕr wă ŏ ih gô sơngah kơ Inh pêng 'măng.”

Luka 8:38

Lăp Yêsu tŏk tơ thŏng-nan na bơngai mă 'nao klaih kơ wơnh ei apinh kiơ̆ oei păng Yêsu. Mă-lei Yêsu ưh kơ anhăk ba ôh. Sư khan:

Yo 1:37

'Bar 'nu bơngai mă pơhrăm păng Yôhan kơtơ̆ng sư khan thoi noh, bre sư năm kiơ̆ Yêsu hloi.

Yo 1:39

Yêsu khan kơ bre sư: “Lei bĕ biĕm kiơ̆ năm lăng anih Inh.” Na bre sư kiơ̆ năm lăng 'bôh tơpă anih hnam Sư. Kơplah ei dang puăn jơ kơsơ̆. Bre sư oei hơdai Sư lăm năr 'noh đĕch.

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 12:21

Lu đe ei năm tơ Philip bơngai đơ̆ng Pơlei 'Betsaiđa lăm dêh Galilê. Lu sư năm apinh Philip: “Ơ 'bok, nhôn wă tơ'bơ̆p Yêsu.”

Yo 18:4

Yêsu băt boih tơdrong wă truh kơ Sư, mă-lei Sư năm găn anăp lu đe ei păng jet: “Lu iĕm chă bu?”

Yo 18:7

Yêsu jet dơ̆ng: “Iĕm chă bu?” Lu đe ei khan: “Nhôn chă Yêsu, Pơlei Nasaret.”

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Yo 3:26

Lu bơngai pơhrăm păng Yôhan năm tơ Yôhan păng khan: “Ơ 'bok thây, 'Bok mă oei hơdai hăm ih pah to krong Jôrđăn, bơngai mă ih khan Sư Kon 'Bok Kei-Dei, dang ei Sư kư̆m pơm kơ đe 'batem. Đĭ-đăng bơngai năm kơdih kơdih tơ Sư.”

Yo 4:31

Kơplah lu sư oei nơnăm rok trong tam mă truh tơ Yêsu, na lu bơngai pơhrăm păng Sư khan kơ Sư thoi âu: “Ơ 'Bok Thây, sŏng sa bĕ.”

Yo 6:25

Lu sư tŏk hloh pah âu dơsĭ boih, na lu sư 'bôh hloi Yêsu na jet hloi: “Ơ 'Bok Thây, Ih năm tơ âu layơ?”

Jang 10:21

Na Pêtrôs jur tơ lu sư khan hloi: “Inh boih bơngai iĕm chă, iĕm wă tơdrong kiơ?”

Jang 10:29

Thoi noh na lăp iĕm krao inh, inh năm hloi. Apinh iĕm roi kơ inh iĕm đei tơdrong kiơ na iĕm krao inh âu.”

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;