Yo 1:3 - Sơ̆p Hlabơar Nơ̆r 'Bok Kei-Dei

³ na Sư kư̆m gơh pơjing tôm tơdrong. Ưh kơ đei bu nai pơjing ôh, 'Bă Sư pơjao ăn kơ Sư pơjing tôm tơdrong.

Yo 1:3 Iomraidhean Croise

Bl 1:1

Blŭng-a Kră Yang 'Bok Kei-Dei pơjing plĕnh păng teh.

Bl 1:26

Kră Yang 'Bok Kei-Dei khan thoi âu: “Bĕ lu bơ̆n pơjing kon bơngai hơbŏ thoi bơ̆n, nhen thoi bơ̆n, wă kơ pơgơ̆r lu ka lăm đak dơsĭ, lu sem păr, lu sem dơrong, lu hơdrông mơmŏ kơpal teh păng jơ̆p-jang kơ teh đak.”

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Tơdrông Pơđơk 8:30

Kơplah noh Inh oei gah cheng Sư bơ̆jang, Rim năr Inh pơhiôk Sư. Ling-lang chơt hiôk 'bơ̆t anăp Sư.

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Yo 1:10

Teh bơ̆n âu đơ̆ng Sư pơjing mơ̆n, na kơplah Sư oei tơ ala teh âu sơ̆ lu bơngai ala teh âu ưh kơ băt kơ Sư.

Yo 1:2

Kơlih kơ Sư oei hơdai păng Kră Yang 'Bok Kei-Dei đơ̆ng sơ̆ boih,

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Êphêsô 3:9

Dôm tơdrong Sư wă tơgŭm bơ̆n Sư tơbăt ăn kơ inh, wă kơ inh năm tơbăt ăn kơ đĭ-đăng bơngai. 'Bok Kei-Dei Yang mă pơjing tôm tơdrong Sư wă tơgŭm bơ̆n tơpă tơdrong noh, mă ưh tam mă tơbăt ăn kơ đe đơ̆ng sơ̆.

Hêbrơ 11:3

Na lu bơ̆n dang ei, yua kơ bơ̆n lui, na bơ̆n băt kơ 'Bok Kei-Dei gơh pơjing plĕnh teh hăm 'bơ̆r Sư sơkat. Thoi noh mă dôm tơdrong kiơ kiơ bơ̆n 'bôh dang ei tă lĕch đơ̆ng bơ̆n ưh kơ 'bôh ngăl.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu:

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”