Yo 1:27 - Sơ̆p Hlabơar Nơ̆r 'Bok Kei-Dei

²⁷ Sư boih 'Bok mă truh đơ̆ng rŏng kơ inh, Sư 'Bok tih hloh kơ inh tơpă. Mă khan athei inh yaih ăn tơlei chơkhŏ Sư, inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.”

Yo 1:27 Iomraidhean Croise

Bl 14:23

Mă tơmam kiơ gah ih, mă khan lăp minh ioi brai, dah minh dăng tơlei chơkhŏ, inh kư̆m ưh kơ đei iŏk; hli kơ pơtao gơh khan thoi âu: ‘Yua kơ đơ̆ng inh na mă pơm kơ Abram mơdrŏng.’

Mathiơ 3:11

Inh pơm kơ iĕm 'batem păng đak, wă kơ đe băt kơ iĕm tơbral kơdih tơdrong yoch boih. Mă-lei đei minh 'nu 'Bok wă truh đơ̆ng rŏng kơ inh, Sư 'Bok tih tơpă. Dah Sư athei inh chĕp ăn pôm chơkhŏ Sư đĕch, inh kư̆m ưh kơ hơnhŏ 'mơ̆i, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

Markôs 1:7

Sư bơtho đe khan: “Đei minh 'nu bơngai gô truh đơ̆ng rŏng kơ inh, Sư 'Bok tih tơpă. Mă khan Sư athei inh yaih ăn tơlei chơkhŏ Sư đĕch inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.

Luka 3:16

Mă-lei Yôhan khan kơ lu sư thoi âu: “Inh pơm kơ iĕm 'batem păng đak đĕch, mă-lei đei minh 'nu Sư gô truh đơ̆ng rŏng kơ inh noh Sư 'Bok tih tơpă, dah Sư athei inh iŏk ăn pôm chơkhŏ Sư, inh chu iŏk đĕch, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

Yo 1:15

Hơtai ei sơ̆, Yôhan bơtho tơdrong Yêsu Krist 'bơ̆t anăp đe tơpôl lơ. Sư pơma re bơtho đe thoi âu: “Gah 'Bok âu boih inh bơtho iĕm sơ̆, 'Bok mă inh khan gô truh đơ̆ng rŏng inh, Sư tih hloh kơ inh tơpă. Inh tơpŭ sơ̆, Sư đei hơdrol loi kơ inh boih.”

Yo 1:30

'Bok 'noh boih inh krô nŏng roi kơ iĕm: ‘'Bok mă truh đơ̆ng rŏng kơ inh Sư tih hloh kơ inh tơpă; inh tơpŭ sơ̆, Sư đei hơdrol loi kơ inh boih.’

Yo 10:41

Đei lơ bơngai năm tơ Yêsu tơ ei. Lu sư khan: “Yôhan ưh kơ pơm tơdrong mơsêh mơyang ôh, mă-lei sư khan tôm tơdrong gah Yêsu trŏ tơpă.”

Jang 13:25

Lăp Yôhan pơm wă jê̆ keh tôm tơdrong jang sư boih, na sư khan: ‘Iĕm ngêh kơ inh bu? Ưh kơ sĭ iĕm chang gô inh ôh, iĕm chang gô Bơngai wă truh đơ̆ng rŏng kơ inh kơnh. Sư 'Bok tih tơpă. Dah Sư athei inh yaih ăn tơlei chơkhŏ Sư, inh kư̆m ưh kơ hơnhŏ mơ̆n, mă ưh kơ pơ̆n ngơk lăng Sư ôh.’

Jang 19:4

Pôl khan gah tơdrong Yôhan sơ̆ thoi âu: “Yôhan pơm 'batem kơ lu bơngai tơbral kơdih tơdrong yoch păng sư bơtho lu bơngai Isơrael athei lu sư lui kơ minh 'nu 'Bok gô truh đơ̆ng rŏng kơ sư, wă khan Yêsu.”