Yo 1:13 - Sơ̆p Hlabơar Nơ̆r 'Bok Kei-Dei

¹³ Lu sư jing kon 'Bok Kei-Dei, kơlih kơ 'Bok Kei-Dei ăn, ưh kơ sĭ kiơ̆ kơ krung kơtum adrĕch adrung kon bơngai ôh.

Yo 1:13 Iomraidhean Croise

Bl 25:22

Mă-lei yua kơ anăp kơmar nhen tơjrot băl lăm klak, na sư khan thoi âu: “Tơdah đei tơpă thoi noh, tơdrong thoi âu wă pơm kiơ?” Sư apinh Kră Yang tơdrong noh.

Bl 25:28

Isăk lăp đon kơ Êsâu, yua kơ sư ngăl 'maih sa 'nhĕm bri; mă-lei Rê'bêka lăp đon kơ Jakôp.

Bl 27:33

Isăk kơtơ̆ng thoi noh sư 'brơ̆k lăm jơhngơ̆m dêh na khan: Thoi ei, bĭ bu mă chă lua 'nhĕm bri hei đei hơmet pôk ăn kơ 'bă sa boih? 'Nao adrol 'biơ̆ kơ e brŏk. 'Bă sa đĭ boih păng sơkat ăn boih kơ sư đei tơdrong pŭn hiôk, lei pŭn hiôk noh đei kơ sư boih.

Bl 27:4

Na hơmet ăn kơ inh sŏng sa 'nhĕm mă 'lơ̆ng kiơ̆ kơ hơlŏng inh lăp, na pôk ăn kơ inh sŏng sa đơ̆ng noh inh gô sơkat kơ e đei tơdrong pŭn hiôk adrol kơ inh wă lôch.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Yo 3:3

Na Yêsu khan kơ sư: “Inh wă khan kơ ih tơpă, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh.”

I Kor 3:6

Inh pơtăm găr sư boih, na Apôlê pruih đak, mă-lei 'Bok Kei-Dei ăn kơ tơmam noh gơh wơ̆ tih.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Tit 3:5

Na dang ei Sư pơklaih bơ̆n đơ̆ng tơdrong yoch tơpă. Sư pơklaih bơ̆n, ưh kơ sĭ bơ̆n pơm tơdrong 'lơ̆ng 'mơ̆i na Sư pơklaih. Sư pơklaih bơ̆n bơngai yoch yua kơ Sư 'mêm mơnat kơ bơ̆n tơpă. Yang Bơhngol 'Lơ̆ng 'nhao rơgoh jơhngơ̆m bơ̆n đơ̆ng tơdrong yoch. Sư ăn kơ bơ̆n hŭt đĭ dôm tơdrong so păng ăn kơ bơ̆n jing bơngai 'nao.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

I Pet 1:23

Tơdrong bơ̆n tơpŭ ming 'nao ưh kơ sĭ đơ̆ng kon bơngai pơjing ôh, yua kơ kon bơngai nŏng kơ lôch; tơdrong tơpŭ ming 'nao đơ̆ng 'Bok Kei-Dei pơjing, 'Bok Kei-Dei ưh kơ layơ lôch. Sư pơjing bơ̆n jing bơngai 'nao yua kơ bơ̆n lui kơ nơ̆r Sư pơma, nơ̆r Sư ưh kơ layơ tơplih. Yua kơ nơ̆r Sư, na bơ̆n gơh arih ling-lang.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

I Yo 3:9

Bơngai bu kon 'Bok Kei-Dei, bơngai 'noh sư ưh pă pơm yoch khŏm khŏm dơ̆ng ôh kơlih kơ sư tơpŭ ming 'nao jing kon 'Bok Kei-Dei boih. Sư kon 'Bok Kei-Dei na sư ưh kơ gơh pơm yoch kư̆m thoi 'Bă sư 'Bok Kei-Dei ưh kơ pơm yoch.

I Yo 4:7

Ơ lu 'nhŏng oh mă juăt păng inh, bơ̆n athei 'mêm mơnat dih băl yua kơ 'Bok Kei-Dei ăn kơ lu bơngai mă khŭl kon Sư athei 'mêm mơnat dih băl. Bơngai bu 'mêm mơnat kơ 'nhŏng oh sư, bơngai 'noh sư kon 'Bok Kei-Dei păng sư băt kơ 'Bok Kei-Dei tơpă.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

I Yo 5:4

Kơlih kơ dôm tơdrong lĕch đơ̆ng ala teh âu jei lu kon 'Bok Kei-Dei ngăl. Dôm lu tơdrong lĕch đơ̆ng ala teh âu thuơ kơ bơ̆n kơlih kơ bơ̆n lui kơjăp.