Ya 5:5 - Sơ̆p Hlabơar Nơ̆r 'Bok Kei-Dei

⁵ Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

Ya 5:5 Iomraidhean Croise

Horiso 17:14

Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Horiso 73:7

Măt lu sư pơ'ngeh yua kơ tơdrong kơnê̆; jơhngơ̆m lu sư 'bĕnh kơtul kơwao.

Tơdrông Pơđơk 17:1

Sa minh pôm 'bĕng mi kro tơhiôk băl, 'lơ̆ng hloh kơ đei 'nhĕm soi sa 'bĕnh kơ hnam mă-lei đei tơdrong tơhil băl.

Tơdrông Pơđơk 7:14

Inh đei tơmam soi pơyơ̆r bơnê tơ hnam inh, Năr 'nâu inh pơyơ̆r pơkeh boih kơ nơ̆r đêl pơkă.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Êsai 22:13

Mă-lei lăng to lăm lu iĕm đei tơdrong chơt hiôk kư̆ kă 'bet sa rơmo, 'buh sa triu, sa 'nhĕm, et tơdrô: “Et sa bĕ yua kơ dơning bơ̆n gô lôch!”

Êsai 3:16

Kră Yang khan: “Lu kon drŏ-kăn Siôn pơrŏ yak toh hơko, măt lu sư lăng cheng hơ'nhưp wă kơ đe hưch, lu sư yak nơnăm mơtuĭ mơtuă, mơgriu re kong jơ̆ng.

Êsai 47:8

“Thoi noh, ơ lu bơngai 'maih hiôk đĕch. Tơchĕng khan ưh pă đei tơdrong anat kiơ đơ̆ng âu tơ anăp, mơ̆ng bĕ âu: Ih khan lăm jơhngơ̆m. ‘Inh âu, adrĕch yŏng mơng ưh pă đei bơngai bu dang inh, inh gô ưh kơ đei layơ sơ'ngon thoi yă adro kư̆m ưh kơ đei nhơ̆m hmoi thoi bơngai hiong kon hơ'lơ̆p.’

Êsai 56:12

Lu sư khan: “Năm bĕ, inh gô iŏk tơdrô, bĕ bơ̆n et tơdrô kơtang mơ̆ng kơ wă; Năr dơning kư̆m gô lei-lăi thoi năr 'nâu, et sa rai tih hloh dơ̆ng.

Je 12:3

Mă-lei, ơ Kră Yang, Ih băt boih kơ inh, Ih 'bôh inh, Ih pơlong lăng păng băt jơhngơ̆m inh hăm Ih, Apinh Ih dui lu sư tơ 'nguaih thoi đe dui triu wă 'bet pơlôch, Apinh Ih lê̆ lu sư pha 'măn kơ năr wă 'bet pơlôch!

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Êsêkiên 16:49

'Nâu tơdrong yoch oh drŏ-kăn ih Sôđôm: Sư păng lu kon drŏ-kăn sư pơang, sŏng sa phĭ jơnap, tơmam sa rơkah rơkai, mă-lei ưh kơ tơgŭm lu bơngai dơnuh hin pơmat-tat.

Êsêkiên 39:17

Gah ih, ơ kon bơngai, Kră Yang khan: Khan bĕ kơ lu sem păr păng lu sem bri akŭm đơ̆ng puăn pah, athei năm akŭm đĭ tơ minh anih pơm phĕt mă inh đei hơmet boih kơ lu iĕm, noh anih pơm yang tih tơ kơpal kông groi Isơrael; lu iĕm gô sa 'nhĕm păng huch pham.

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Luka 16:19

Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

I Tim 5:6

Dah đei drŏ-kăn adro pơm đi chă mơdro akâu sư kơ lu bơngai drŏ-nglo, mă sư oei arih ră mă-lei lăng sư dang lĕ kơ lôch đĕch 'noh.

II Tim 3:4

Năr ei kơnh đei lơ bơngai plơ̆ plĕch kơ đe. Sư bơngai kư̆ kă. Sư 'maih pơhuơ̆ akâu wă chă ngôi đĕch, sư ưh kơ băt 'mêm kơ 'Bok Kei-Dei.

II Pet 2:13

'Bok Kei-Dei wă phak lu sư tơpă, yua kơ lu sư pơm kơnê̆ dang ei. Lu sư lăp đon kơ tơdrong ngôi kư̆ kă kơ'năr kư̆m bưh ưh kơ băt mơlâu kơ đe. Năr iĕm sŏng sa tih, lu sư kư̆m năm sŏng sa hơdai iĕm. Mă-lei lu sư sa dư dêh, wă kơ mă hrăp kơ hơlŏng klak kơdih, ưh kơ băt kơ mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao mă sư mơgrĭ.

Ju 1:12

Kơplah iĕm sŏng sa tih, iĕm sa hơpong wă tơbăt kơ đe tơdrong iĕm 'mêm băl, lu sư kư̆m sŏng sa hơdai iĕm mơ̆n, mă-lei lu sư sa dư dêh wă kơ mă hrăp kơ hơlŏng klak lu sư kơdih, ưh kơ băt mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao, mă sư mơgrĭ. Lu sư jing bơngai ưh kơ yua, thoi hơmơ̆l păr tơ rơwơ̆ng ưh kơ đei 'mi, kial thu jơ̆p-jang; kư̆m thoi 'long ưh kơ plei, trŏ bơyan plei mă sư jing thoi 'long lôch, jing tơbuch đĭ rơh sư hloi.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’

I Sam 25:36

Wă Abigail brŏk truh tơ Nabal, na 'bôh Nabal oei et sa tih lăm hnam sư, et sa tih nhen thoi pơtao mơ̆n. Nabal đei jơhngơ̆m hiôk chơt păng suai dêh. Abigail ưh kơ đei roi ăn kơ sư băt dôm tơdrong kiơ tih dah iĕ, gô truh kơ pơgê.

I Sam 25:6

Lu iĕm khan: Hơpơi kơ ih đei arih sot chơt hiôk, hơpơi kơ hnam dơnŏ ih kư̆m chơt hiôk; tơm!