Ya 5:16 - Sơ̆p Hlabơar Nơ̆r 'Bok Kei-Dei

¹⁶ Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

Ya 5:16 Iomraidhean Croise

Bl 19:29

Na, kơplah Kră Yang 'Bok Kei-Dei pơrăm lu pơlei lăm thŭng, wă khan pơlei mă Lot oei, na Sư oei 'blŏk hloi kơ Abraham păng sư pơklaih hloi Lot đơ̆ng anih mă pơrăm tih noh.

Bl 20:17

Abraham krao apinh Kră Yang 'Bok Kei-Dei, na sư pơklaih ăn tơdrong jĭ pơtao Abimêlek, akăn sư hăm lu đam sư, thoi noh na đĭ-đăng lu sư đei hơ'lơ̆p ngăl dơ̆ng.

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

II Sam 19:19

Sư khan kơ pơtao: “Apinh yŏng tơ'ngla inh, 'nĕ kơ jô̆ tơdrong yoch kơnê̆ inh, păng 'nĕ kơ 'blŏk tơdrong đĭch đam ih mă đei pơm yoch boih lăm năr ih yŏng tơ'ngla inh lĕch đơ̆ng pơlei Jêrusalem. Apinh ih 'nĕ pă 'blŏk răk tơdrong noh.

I Pot 13:6

Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

II Ho 30:20

Kră Yang kơtơ̆ng bơih nơ̆r Hesekia krao khan, na pơklaih kon pơlei.

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Le 17:11

Wă Môis yơ̆r ti tơ kơpal, lei jei kon pơlei Isơrael wă tơjruh ti sư jei kon pơlei Amalek.

Le 9:33

Môis lĕch đơ̆ng Pharaôn, năm tơ 'nguaih pơlei; sư yơ̆r ti tơ Kră Yang, grơ̆m glaih păng 'mi prĕl pơdơh na đak 'mi kư̆m prăng hloi ưh pă kơtoh tơ teh dơ̆ng boih.

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Jo 11:2

Kon pơlei krao apinh Môis; Môis krao khan apinh Kră Yang, na ŭnh păt.

Mathiơ 21:22

Mă tơdrong kiơ kiơ iĕm krao khan apinh 'Bok Kei-Dei, dah iĕm lui kơ Sư gô ăn tơdrong iĕm apinh noh, lei iĕm gô đei tơpă.”

Mathiơ 3:6

Lu sư roi tơdrong yoch lu sư kơ 'Bok Kei-Dei, na Yôhan pơm kơ lu sư 'batem tơ krong Jôrđăn.

Markôs 1:5

Đĭ-đăng bơngai đơ̆ng dêh Juđê hăm đĭ-đăng bơngai lăm Pơlei Jêrusalem năm tơ Yôhan. Lu sư roi kơ 'Bok Kei-Dei tơdrong yoch lu sư, na Yôhan pơm 'batem kơ lu sư tơ krong Jôrđăn.

Luka 9:6

Lăp Yêsu bơtho lu bơngai pơhrăm păng Sư đang boih, na lu sư năm jơ̆p kơ pơlei chă bơtho tơdrong 'nao 'lơ̆ng păng pơklaih bơngai jĭ jăn.

Yo 9:31

Dah Sư bơngai yoch, 'Bok Kei-Dei ưh kơ ăn Sư pơm tơdrong mơsêh mơyang ôh, yua kơ bơ̆n băt 'Bok Kei-Dei ưh kơ wă mơ̆ng lu bơngai yoch ôh. Sư mơ̆ng dôm lu bơngai mă lui kơ Sư.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Jang 19:18

Thoi noh na đei lu bơngai lui ưh kơjăp năm tơ Pôl. Lu sư ră roi kơ Pôl tơdrong yoch lu sư năm tơ pơjâu.

Jang 8:24

Na Simôn khan kơ bre sư thoi âu: “Apinh biĕm krao khan kơ 'Bok Kei-Dei tơgŭm inh; apinh Sư mơnat kơ inh 'nĕ ăn kơ inh hiong lăm dơnâu ŭnh thoi ih khan hei.”

Rom 3:10

'Noh kư̆m thoi đe chih roi lăm sơ̆p hla bơar 'Bok Kei-Dei sơ̆ thoi âu: “Đĭ-đăng kon bơngai ưh kơ đei bu 'lơ̆ng tơpăt, hoh-hoy 'nhŏ kơ minh 'nu.

Rom 5:19

'Bok Kei-Dei jô̆ đĭ-đăng bơngai yoch yua kơ đơ̆ng minh 'nu 'bok Ađam sơ̆, sư ưh kơ chu kơ nơ̆r 'Bok Kei-Dei. Dang ei 'Bok Kei-Dei jô̆ đei lơ bơngai 'lơ̆ng, yua kơ đơ̆ng Yêsu Krist Sư chu kơ nơ̆r 'Bok Kei-Dei.

Kôlôsê 1:9

Thoi noh boih na đơ̆ng năr nhôn kơtơ̆ng tơdrong iĕm lui kơjăp, na nhôn krao khan kơ 'Bok Kei-Dei ăn kơ iĕm gơnang kơ Yang Bơhngol 'Lơ̆ng wă kơ iĕm hlôh băt tôm tơdrong 'Bok Kei-Dei, kiơ̆ thoi Sư lăp đon.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

I Tes 5:25

Ơ 'nhŏng oh păng iĕm kư̆m krao khan kơ 'Bok Kei-Dei tơgŭm lu nhôn mơ̆n hŏ.

Hêbrơ 11:4

'Bok Abel sơ̆ yua kơ sư đei đon lui, na sư soi kơ 'Bok Kei-Dei trŏ thoi 'Bok Kei-Dei lăp đon. Gah 'nhŏng sư Kain sư soi ưh kơ trŏ ôh, na 'Bok Kei-Dei ưh kơ lăp đon kơ sư. 'Bok Abel sư đei đon lui tơpă, na 'Bok Kei-Dei jô̆ sư bơngai 'lơ̆ng. Thoi noh na 'Bok Kei-Dei lăp đon kơ tơdrong sư soi noh. 'Bok Abel lôch boih, mă-lei đe oei ư-ang sư truh dang ei yua kơ sư đei đon lui.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Hêbrơ 13:18

Apinh iĕm krao khan tơgŭm nhôn hŏ, nhôn mơn kơdih nhôn pơm 'lơ̆ng păng nhôn 'maih pơm tơpăt ling-lang.

Jôsuê 10:12

Lăm năr Kră Yang jao kon pơlei Amôrit lăm ti bơngai Isơrael, Jôsuê pơma dơnuh hăm Kră Yang 'bơ̆t anăp lu kon pơlei Isơrael: Ơ Măt 'năr, dơ̆ng bĕ 'bơ̆t pơlei Gibeôn; Ơ Măt khei, dơ̆ng bĕ 'bơ̆t Thŭng Aijalôn!

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Yo 3:22

Bơ̆n gĭt tơdrong kiơ, bơ̆n krao khan apinh 'Bok Kei-Dei, Sư gô asong ăn kơ bơ̆n tơpă, kơlih kơ bơ̆n răk dôm tơdrong Sư pơkă păng pơm trŏ dôm tơdrong thoi Sư wă.

I Sam 1:12

Kơplah sư oei krao khan 'bơ̆t anăp Kră Yang, Hêli lăng 'bơ̆r sư.

I Sam 12:17

Năr âu, hăm trŏ kơ bơyan kĕch 'ba mi dah kiơ? Inh gô krao khan kơ Kră Yang tơpă đơ̆ng lăm jơhngơ̆m; Sư gô ăn 'mi grơ̆m glaih, wă kơ lu iĕm băt păng 'bôh kơdih iĕm đei pơm yoch tih 'bơ̆t anăp Kră Yang, yua kơ iĕm apinh bơih minh 'nu pơtao.

I Sam 12:18

Wă Samuel krao khan kơ Kră Yang; lăm năr noh Kră Yang ăn 'mi grơ̆m glaih; đĭ-đăng kon pơlei hli tơrơ dêh kơ Kră Yang păng Samuel.