Ya 4:2 - Sơ̆p Hlabơar Nơ̆r 'Bok Kei-Dei

² Iĕm hưch kơ tơdrong âu, 'nhĕng kơ tơdrong to, mă-lei ưh kơ đei kơ iĕm, na iĕm jing tơhil areh dih băl, tơgar sa băl, truh tơ wă pơlôch băl mơ̆n. Iĕm ưh kơ đei tơmam kăl yua noh, kơlih kơ iĕm ưh kơ krao khan apinh 'Bok Kei-Dei.

Ya 4:2 Iomraidhean Croise

I Pot 21:6

Sư tơl: “Yua kơ inh khan kơ Nabôt bơngai Jêsreel: ‘Tĕch ăn kơ inh mir hơmu ih 'noh inh gô ăn jên dah mă tơplih băl hăm mir hơmu inh nai kư̆m bưh, mă-lei sư khan: ‘Inh ưh kơ gơh ăn kơ ih mir hơmu inh.’ ”

Tơdrông Pơđơk 1:19

Noh boih trong lu bơngai ham kơ pơm kơnê̆ wă chă sa lơi; Tơdrong plah tơgar gô hiong tơdrong arih lu bơngai bu đei iŏk tơmam noh.

Bôk Bơthô 4:8

Thoi minh 'nu bơngai hơdrô̆, ưh kơ đei kon hơ'lơ̆p kư̆m ưh kơ đei 'nhŏng oh; mă-lei nŏng kơ jang adrin gleh hrat ưh pă pơdơh, măt sư lăng tơ mŭk tơmam ưh kơ đei layơ bơ̆l hăl; sư ưh kơ lah tơchĕng khan inh jang gleh hrat, yua kơ bu ơ̆t kơ sŏng sa jơnap hrŭk hơnĭl tơpă jơ̆ tơdrong kơ đei, chăl arih hiơ̆k bơngơ̆t gleh pơmat-tat, tơdrong arih răm-'băm pă kĕ.

Êsai 7:12

Ahas tơl khan: “Inh ưh kơ apinh, inh kư̆m ưh kơ pơlong lăng Kră Yang.”

Habakuk 2:5

Lu bơngai mă hơmui tơdrô, pơm tơdrong hơlĕnh păng ưh kơsŭk oei minh anih, pơih jơhngơ̆m ham sư thoi anih bơsat, thoi tơdrong lôch mă ưh kơ đei phĭ hrăp; sư pơpôi lu dêh char păng pơgơ̆p khŭl kon pơlei sư wă plah tơgar iŏk.”

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Ya 5:6

Iĕm jâu lu bơngai 'lơ̆ng pơm kơnê̆ na pơlôch hloi lu sư, mă-lei lu sư ưh kơ pơjăng ôh.

I Yo 3:15

Bơngai bu hil areh kơ 'nhŏng oh sư, 'noh dang sư wă pơlôch 'nhŏng oh sư mơ̆n. Iĕm băt mơ̆n lu bơngai chă pơlôch đe, ning-mônh sư ưh kơ đei arih ling-lang ôh.