Ya 3:6 - Sơ̆p Hlabơar Nơ̆r 'Bok Kei-Dei

⁶ 'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

Ya 3:6 Iomraidhean Croise

II Sam 16:20

Apsalôm khan kơ Ahithôphel: “Ih chă pơđâu lăng, lu bơ̆n athei pơm kiơ̆.”

II Sam 19:43

Bơngai Isơrael tơl bơngai Juđa: “Lu nhôn hăm hnam pơtao 'bơm hloh kơ lu iĕm mơjĭt wơ̆t, na gah Đawit lu nhôn jê̆ hloh kơ lu iĕm; na liơ mă lu iĕm klai kơ lu nhôn? Lu nhôn boih pơđâu adrol wă sơng pơtao brŏk dah kiơ?” Mă-lei nơ̆r pơma lu bơngai Juđa tơl; oei trăp hloh kơ nơ̆r pơma bơngai Isơrael.

II Ho 13:17

Abija păng lu linh sư blah pơrăm đĭ lu bơngai Isơrael tih dêh đei pơđăm-hrĕng rơbâu linh nuih kơtang Isơrael lôch,

Horiso 140:3

Lu sư pat hơpiĕt suĕng thoi hơpiĕt 'bih. Đei bih hơkăm 'bih dong lăm hơkŭng lu sư. Sêla

Horiso 64:3

Lu sư pat hơpiĕt thoi pat đao. Lu sư prah 'brơ̆m wă khan nơ̆r pơma jĭ.

Tơdrông Pơđơk 15:1

Nơ̆r tơl rơngơp chhơp ngach tơdrong hil. Nơ̆r pơma arăng pơdrŭt tơdrong blĕk.

Tơdrông Pơđơk 16:27

Bơngai kư̆ kă chă pơm tơdrong kơnê̆ kơ đe; 'Bơ̆r nơ̆r pơma thoi pla ŭnh soh chhông sa.

Tơdrông Pơđơk 6:19

Bơngai pơm kơdranh hơlĕnh pơma plêl, Bơngai chă tơdrong tơhil tơduă 'nhŏng oh.

Tơdrông Pơđơk 7:5

Wă kơ sư wei ih huay kơ hlŭ kơ drŏ-kăn đi, Drŏ-kăn đi ngăl pơhlŭ hơgei đei nơ̆r 'ngam.

Êsai 30:27

To Anăn Kră Yang truh đơ̆ng ataih, tơdrong sư hil khơ̆ng thoi ŭnh 'nhui ŭnh bluh găm suek puăn pah, hơkŭng Sư 'bĕnh kơ tơdrong hil, hơpiĕt Sư thoi kơ ŭnh dơhlông sa.

Êsai 50:11

'Nâu, đĭ-đăng lu iĕm bơngai tơkuh ŭnh păng tơ̆k ŭnh hơchô̆ hơpaih. Năm rok bĕ gah hơdah ŭnh hơchô̆ hơpaih mă iĕm tơ̆k, Tơdrong 'nâu lu iĕm gô pŭ iŏk đơ̆ng ti Inh, lu iĕm gô 'bĭch lăm tơdrong pơmat-tat!

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 28:16

Thoi noh, Kră Yang khan: 'Nâu; Inh gô ba ih weh đơ̆ng kơpal teh âu; sơnăm âu ih gô lôch; yua kơ ih đei pơma iung blah hăm Kră Yang.”

Lêwi 24:11

Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Jo 25:2

Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.

Jo 31:16

To, lu sư noh boih mă kiơ̆ đon hơlĕnh Balaam pơhlŭ kon pơlei Isơrael pơm yang kơkuh kơ Pêôr păng yoch tih 'bơ̆t anăp Kră Yang; đơ̆ng tơdrong yoch noh boih pơm ăn kơ kon pơlei Isơrael đei tơdrong gleh truh,

Mathiơ 12:24

Lu bơngai Pharisi kơtơ̆ng thoi noh, lu sư khan: “'Noh đơ̆ng yang Belsêbul yŏng yang kơnê̆ tơgŭm Sư na Sư gơh pơpuh lu yang kơnê̆ noh.”

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Markôs 7:15

Dôm lu tơmam sa kon bơngai sa, ưh kơ đei pơm kơ kon bơngai jing yoch ôh. Tơdrong pơm yoch noh lĕch đơ̆ng jơhngơ̆m kon bơngai na kon bơngai jing yoch.

Luka 16:24

Na 'bok mơdrŏng ei krao pơret Abraham thoi âu: ‘Ơ Abraham, apinh ih mơnat kơ inh 'biơ̆, ih wơh Lasarơ năm djrŭ ti sư tơ đak năm kơtoh kơ 'bơ̆r inh 'biơ̆ bĕ wă klaih rơhing 'biơ̆, yua kơ inh oei lăm dơnâu ŭnh tŏ hang dêh.’

Jang 20:30

Đơ̆ng lăm lu iĕm kơdih kư̆m gô đei bơngai bơtho tơdrong 'Bok Kei-Dei ưh kơ tơpăt wă kơ lu bơngai lui tơklah dih băl păng kiơ̆ sư.

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

Jang 6:13

Klaih kơ noh sư ăn bơngai hơlĕnh gah Êtien roi kơ lu kră sek tơlang thoi âu: “Bơngai âu ling-lang pơma kơnê̆ kơ hnam akŭm 'Bok Kei-Dei tơm âu păng pơma kơnê̆ kơ tơdrong juăt bơ̆n.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Tit 1:11

Ih athei khă lu sư 'nĕ pă pơm thoi noh dơ̆ng. Đei hnam dơnŏ mơ'nah mơ̆ng sư bơtho na đĭ kơ hnam dơnŏ sư jing hơwơ̆l kơ tơdrong 'Bok Kei-Dei na achăng lê̆ tơdrong lui sư. Lu đe ei sư bơtho tơdrong ưh kơ trŏ kơ tơdrong bơtho. Lu sư bơtho thoi noh, lu sư wă kơ gơh iŏk jên đe đĕch.

Ya 2:7

Lu sư kư̆m pơma kơnê̆ kơ Yêsu Krist Kră Yang bơ̆n mă 'lơ̆ng tơpăt.

Ya 3:7

Tôm kơ khŭl kon sem brem, mă sem păr, mă 'bih, mă ka oei lăm đak dơsĭ, kon bơngai kư̆m gơh pơjuăt pơđep. Kon bơngai bơ̆n đei pơjuăt pơđep lu sư thoi noh tơpă.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan:

III Yo 1:10

Mă-lei gô inh truh, inh gô roi tôm tơdrong kơnê̆ Diôtrip pơm. Sư pơchê nhôn păng hơlĕnh gah tơdrong nhôn. Sư oei pơm hloh kơ 'noh dơ̆ng; sư ưh kơ sơng iŏk 'nhŏng oh bơngai lui bơ̆n năm hơpong tơ hnam akŭm iĕm. Lăm hnam akŭm iĕm đei lu bơngai lui mơ'nah wă sơng iŏk ră, mă-lei Diôtrip khă ưh kơ ăn sơng iŏk lu bơngai năm hơpong păng pơpuh lu bơngai lui ei đơ̆ng hnam akŭm mơ̆n.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 18:23

Ŭnh kon pơlei pă 'bôh hơdah, 'bơ̆r đe hiĕk 'nă pơkong kơ bre klo kăn chă kơ mĕ 'bă ŏng mai kư̆m pă đei kơtơ̆ng. E hăm băt dôm tơdrong truh noh yua kơ lu bơngai đơ̆ng iĕm mơdro sa ưh kơ tơpăt pơm kư̆ kă hưch tơmam âu tơmam to? Jơ̆p teh đak ư-ang pơlei iĕm mơdrŏng tih. Dang ei jơ̆p teh đak pơm rok tơdrong kơnê̆ thoi iĕm.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.