Ya 3:3 - Sơ̆p Hlabơar Nơ̆r 'Bok Kei-Dei

³ Bĭ đe tah tơlei tơ lăm 'bơ̆r aseh, đe kư̆m wă kơ sư chu, gô mơ̆ng kơ tơ'ngla sư wă weh, tơ 'ma bưh tơ 'ngiĕo bưh.

Ya 3:3 Iomraidhean Croise

II Pot 19:28

Yua kơ ih hil blĕk kơ inh păng yua kơ nơ̆r ih pơang, kơtơ̆ng truh tơ đon Inh bơih, sĭt Inh gô tôt gơwang 'bơ̆t muh ih, Inh tah dam bơsei pơhơ̆p 'bơ̆r ih. Đơ̆ng noh Inh pơm kơ ih wơ̆t brŏk kiơ̆ đêl trong mă ih hlôi năm bơih.

Jop 41:13

Hăm đei bu pơ̆n 'bet klĕch ao tai sư 'bar tăl? Hăm đei bu pơ̆n năm jê̆ kang sư đei 'bar tŏ dam?b

Horiso 32:9

'Nĕ kơ thoi aseh păng aseh iĕ, ưh kơ đei đon tơchĕng, Iŏk bĕ dam pơhơ̆p, tơlei pơhơ̆p 'nao na gơh pơhơ̆p 'bơ̆r lu sư. Tơdah ưh, lu sư ưh kơ năm jê̆ Ih.

Horiso 39:1

Inh khan: “Inh gô bơwei tơdrong arih sa inh, Wă kơ inh yua hơpiĕt inh, huay kơ pơma yoch, Kơplah lu bơngai kơnê̆ oei dơ̆ng 'bơ̆t anăp inh, Inh gô iŏk 'bông pơhơ̆p lê̆ 'bơ̆r inh.”

Êsai 37:29

Yua kơ tơdrong ih hil iung wă blah Inh, nơ̆r ih pơma tơan kơnê̆ kơtơ̆ng truh tơ đon Inh bơih, na Inh iŏk gŏp tôt lăm muh ih păng iŏk dam pơhơ̆p 'bơ̆r ih, pơm kơ ih brŏk kiơ̆ đêl trong ih năm.

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

Ya 3:4

Duk đe wơ̆r tơ đak dơsĭ kư̆m lei-lăi. Akâu sư tih tơpă phŏ đei kial hơbŭt, bơ̆n lăng rŏ kơ kiơ̆ hloi kial, mă-lei ưh ôh, sư kư̆m kiơ̆ kơ tơ'ngla wơ̆r sư mơ̆n, mă khan 'long wơ̆r sư iĕ.