Ya 3:14 - Sơ̆p Hlabơar Nơ̆r 'Bok Kei-Dei

¹⁴ Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.

Ya 3:14 Iomraidhean Croise

Bl 37:11

Lu 'nhŏng sư blĕk kơ sư rai dêh. Gah 'bă sư răp gô lăng tơdrong noh.

Bl 38:9

Mă-lei Ônan băt tơdah đei kon kư̆m ưh kơ jô̆ kon sư na sư lê̆ đak lĕch tơ 'nguaih wă kơ Tamar ưh kơ đei kon hăm sư.

II Pot 10:16

Păng sư khan: “Năm hơdai ĭnh bĕ, lăng jơhngơ̆m ĭnh tơnăp kơjăp hăm Kră Yang.” Thoi noh, Jônadap hao gre hơdai sư.

II Pot 10:31

Mă-lei Jêhu ưh kơchăng đĭ jơhngơ̆m pơm kiơ̆ tơdrong juăt Kră Yang 'Bok Kei-Dei Isơrael, sư ưh kơ weh achăng lê̆ đơ̆ng tơdrong yoch Jêrôbôam, bơngai mă pơhlŭ lu bơngai Isơrael pơm yoch.

Jop 5:2

Lu bơngai kơtul đei jơhngơ̆m blĕk pơlôch kơdih akâu, jơhngơ̆m gar pơlôch lu bơngai kơhlôh kơwao.

Tơdrông Pơđơk 14:30

Jơhngơ̆m hiôk-hian tơkan ba tơdrong arih kơ akâu jăn. Mă-lei areh hơrĕnh pơm kơting tĕnh kơ bŭk.

Tơdrông Pơđơk 27:4

Tơdrong hil mĭl kơnê̆ tơpă, Tơdrong hil thoi đak lĕch ro blai lơ̆p, Bu kĕ dơ̆ng 'bơ̆t anăp tơdrong hil gar.

Êsai 11:13

Êphraim ưh pă hil klai dơ̆ng bơih, lu bơngai pơm kơnê̆ kơ Juđa đe gô tơhiong đĭ, Êphraim ưh pă areh kơ Juđa dơ̆ng, Juđa ưh pă pơm kơnê̆ kơ Êphraim dơ̆ng bơih.

Habakuk 1:3

Kơlih kơ kiơ Ih ăn kơ inh 'bôh tơdrong đe pơm kơnê̆ păng yua kơ kiơ Ih kuăr ti lăng đĕch tơdrong ưh kơ trŏ noh? Tơdrong pơrăm 'bơ̆t anăp inh; đei tơdrong pơjah pơjăng băl.

Mathiơ 27:18

Pilat băt hơđăl kơ lu 'bok soi tih ơh klai jao wă pơlôch Yêsu noh.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 26:9

“Sơ̆ inh kư̆m wă pơrăm tơpă lu bơngai lui kiơ̆ kơ Yêsu, sư bơngai Pơlei Nasaret.

Jang 5:17

Thoi noh na 'bok soi tơm păng lu bôl sư khŭl đe Sađusê areh klai khŭl bơngai jơ̆ng 'bang Yêsu, tah lu sư tơ hnam phak.

Jang 7:9

“Na lu 'bok kơdră bơ̆n ei sơ̆ gar oh sư, na tĕch oh sư Yôsep pơm đĭch đe tơ dêh Êyiptơ. Mă-lei 'Bok Kei-Dei wei-lăng Yôsep mơ̆n.

Rom 1:29

Kon bơngai bơ̆n pơm tôm tơdrong kơnê̆, tôm tơdrong yoch tơpă. Bơ̆n 'nhĕng tơmam đe, bơ̆n areh dih băl, bơ̆n tơgar sa băl, pơlôch dih băl, tơteh dih băl, plơ̆ plĕch kơ bôl buăl; jơhngơ̆m 'maih hil kơ đe, wă bâu roi đe,

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

Rom 2:17

Lu iĕm bơngai Juđê mơ'nah oei pơang bơngai Juđê iĕm, khan iĕm kiơ̆ tơdrong juăt 'Bok Kei-Dei pơkă sơ̆ na khan 'Bok Kei-Dei wei-lăng iĕm ling-lang.

Rom 2:8

Bơngai bu băt 'mêm kơ akâu sư kơdih, ưh kơ 'mêm kơ tơdrong 'Bok Kei-Dei, sư wă kiơ̆ tơdrong kơnê̆ ngăl, bơngai noh 'Bok Kei-Dei gô phak sư kơtang kơtĭt tơpă.

I Kor 13:4

Bơngai bu 'mêm kơ 'Bok Kei-Dei hăm bôl buăl sư, đe pơm kơnê̆ kơ sư, sư hreh đĕch; sư iŏk tơdrong iơ̆m dim ling-lang, sư ưh kơ klai kơ đe, sư huay kơ pơang akâu kơ đe,

I Kor 3:3

yua kơ iĕm oei kiơ̆ kơ sĕch akar thoi bơngai ala teh, iĕm oei tơklai băl, iĕm oei pơjah pơjăng tơhil băl. Iĕm pơm thoi noh dang lĕ oei lei-lăi kơ bơngai kiơ̆ kơ sĕch akar ala teh đĕch.

I Kor 5:2

Sư pơm thoi noh, liơ lu iĕm mơ'nah oei pơma pơang kơ đe khan iĕm oei lui kơjăp? Sư pơm thoi noh trŏ kơ iĕm ơh klai tơpă. Wă kơ mă trŏ iĕm athei pơpuh sư weh tơ nai đĕch 'lơ̆ng hloh.

I Kor 5:6

Tơdrong iĕm pơang akâu kơdih ưh kơ 'lơ̆ng ôh. Iĕm ưh kơ băt ôh hă, tơdrong yoch thoi lĕ kơ 'buih pông? Bơ̆n pơjrâu kơ bre sư 'bĕng tơpŭng lăp tŏ sĕt đĕch mă-lei sư pông đĭ kơ 'bĕng tơpŭng.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

Galati 5:15

Thoi noh iĕm 'nĕ kơ pơrăm dih băl hli kơ hiong đĭ tơdrong lui iĕm. Dah iĕm pơm thoi noh dang lĕ kơ sem bri tơkăp dih băl jing lôch răm akâu kơdih.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Galati 5:21

sư 'nhĕng kơ đe, sư suai sik pơm kư̆ kă, sư pơm lơ tơdrong kơnê̆, lơ tơdrong noh nai dơ̆ng. Inh wă pơma dơ̆ng kơ iĕm thoi inh roi boih kơ iĕm sơ̆: Dôm lu bơngai pơm thoi noh ưh kơ gơh oei hơdai tơ dêh char 'Bok Kei-Dei ôh ning-mônh.

Galati 5:26

Bơ̆n 'nĕ pơang akâu bơ̆n kơdih. Bơ̆n 'nĕ chă tơdrong wă tơhil dih băl păng 'nĕ kơ 'nhĕng dih băl.

Galati 6:13

Lu bơngai wă pơgŏ iĕm noh, sư kăt tơdra akar sư kơdih mơ̆n mă-lei sư ưh kơ kiơ̆ tơdrong juăt Môis tơpă ôh. Lu sư wă kơ iĕm kăt tơdra akar iĕm kơdih đĕch păng sư wă pơma pơang kơ đe khan sư bơtho lơ bơngai chu kăt tơdra akar tơpă.

Philip 1:15

Đei lu mơ'nah bơtho tơdrong Yêsu Krist kư̆m nuih mơ̆n, mă lu sư bơtho tơgar yua kơ lu sư 'nhĕng inh đei bơngai lui lơ. Đei lu mơ'nah bơtho kiơ̆ kơ jơhngơ̆m sư hiôk,

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

I Tim 2:4

Păng Sư wă kơ đĭ-đăng bơngai gơh klaih đơ̆ng pơm yoch păng wă kơ lu sư băt tơdrong 'Bok Kei-Dei:

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

Ya 3:16

Anih ayơ đe 'nhĕng băl păng tơgar băl, anih noh đe pơjah pơjăng băl dêh păng pơm tôm tơdrong kơnê̆.

Ya 5:19

Ơ 'nhŏng oh, dah đei bu lăm lu iĕm jrok trong hiong tơdrong sư lui kơ 'Bok Kei-Dei, na đei bơngai nai pơlung sư wih lui dơ̆ng kơ 'Bok Kei-Dei,