Ya 3:12 - Sơ̆p Hlabơar Nơ̆r 'Bok Kei-Dei

¹² Ơ 'nhŏng oh, bĭ 'long hơra hăm gơh pơjing plei hơmu, 'long hơmu hăm gơh pơjing plei hơra? Ưh ôh. Na tu đak kư̆m lei-lăi, đak 'băt 'boh ưh kơ gơh pơjing đak sơngiĕo 'lơ̆ng ôh. Na thoi yơ bơngai kơnê̆ gơh pơma tơdrong 'lơ̆ng?

Ya 3:12 Iomraidhean Croise

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Mathiơ 12:33

“Iĕm băt boih, tơnơm 'lơ̆ng ling-lang pơjing plei 'lơ̆ng. Tơnơm kơnê̆ pơjing plei kơnê̆. Bơ̆n băt kơ 'long 'lơ̆ng dah ưh, bơ̆n lăng plei sư.

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Ya 3:11

Na iĕm mơ̆ng lăng tơdrong pơtih gia âu: Minh pôm tu đak hăm gơh jing phara, mơ'nah sơngiĕo 'lơ̆ng mơ'nah 'băt 'boh? Ưh ôh.