Ya 2:4 - Sơ̆p Hlabơar Nơ̆r 'Bok Kei-Dei

⁴ Dah iĕm pơma kơ đe thoi noh, iĕm yoch tơpă boih, iĕm ưh kơ 'mêm kơ 'nhŏng oh lei-lăi. Iĕm pơm thoi noh iĕm wă kơ yua akâu kơdih đĕch.

Ya 2:4 Iomraidhean Croise

Jop 21:27

'Nâu, inh băt hơđăl đon iĕm tơchĕng, Lu iĕm wă pơrăm inh.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Horiso 109:31

Yua kơ Sư dơ̆ng gah 'ma kơ lu bơngai dơnuh hin, Wă dŏng pơklaih tơdrong arih lu sư đơ̆ng đe jâu sư.

Horiso 58:1

Ơ lu drŏ-nglo kon bơngai, lu iĕm ngăn hăm trŏ pơma 'lơ̆ng tơpăt ưh? Lu iĕm sek tơlang kon bơngai tơpăt hă?

Horiso 82:2

“Lu iĕm gô sek tơlang ưh kơ tơpăt păng mơ̆t lu bơngai kơnê̆ dĭng dang yơ? Sêla

Malachi 2:9

“Yua kơ thoi noh na Inh kư̆m đei pơm ăn kơ lu iĕm rai iĕ jing pă rơ-a 'bơ̆t anăp đĭ kon pơlei pơla, yua kơ lu iĕm ưh kơ kiơ̆ trong Inh pơdah kơ đe khan lu iĕm oei lăm khôi juăt.”

Luka 18:6

Na Kră Yang Yêsu khan dơ̆ng: “Iĕm athei tơchĕng lăng deh. 'Bok sek tơlang noh hei, sư ưh kơ 'lơ̆ng ră, mă-lei yua kơ yă adro 'nei apinh 'bơ'bel na sư kư̆m tơdŏng mơ̆n.

Yo 7:24

Iĕm 'nĕ kơ sek tơlang kiơ̆ kơ jơhngơ̆m iĕm pran. Iĕm athei sek tơlang mă tơpăt, athei tơchĕng mă tôm tơdrong hơdrol 'mơ̆i.”

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

Ya 4:11

Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.