Ya 2:26 - Sơ̆p Hlabơar Nơ̆r 'Bok Kei-Dei

²⁶ Na tơdrong lui bơ̆n, tơ̆ng bơ̆n ưh kơ pơm kiơ̆ kơ nơ̆r 'Bok Kei-Dei pơkă, ưh kơ yua kiơ ôh; bơ̆n kư̆m thoi akâu kon bơngai bơ̆n, ưh pă đei bơhngol, jing kơtĕch jơhngơ̆m lôch.

Ya 2:26 Iomraidhean Croise

Horiso 104:29

Layơ Ih ôn muh măt, lu sư rŭng răng. Layơ Ih pơdrâu kial dui jơhngơ̆m. Lu sư lôch păng brŏk tơ 'mui teh.

Horiso 146:4

Bơhngola lĕch boih, akâu lu sư brŏk hơlơ̆k tơ teh, Lăm năr noh hloi dôm tơdrong lu sư wă pơm kư̆m hiong đĭ

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Luka 23:46

Yêsu pơma 'bơ̆r re khan: “Ơ 'Bă, Inh pơjao ăn kơ Ih Bơhngol Inh.” Na lăp Sư pơma đang boih, na Yêsu kơtĕch jơhngơ̆m hloi.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Ya 2:14

Ơ lu 'nhŏng oh inh, bơngai bu khan sư lui boih, mă-lei sư ưh kơ pơm kiơ̆ tơdrong 'lơ̆ng tơdrong trŏ, lui thoi sư noh ưh kơ yua kiơ ôh, sư ưh kơ klaih đơ̆ng tơdrong yoch 'Bok Kei-Dei wă phak ning-mônh ôh.

Ya 2:17

Kư̆m thoi noh mơ̆n, bơngai bu khan sư lui boih, mă-lei sư ưh kơ pơm 'lơ̆ng pơm trŏ, sư lui thoi noh ưh kơ yua kiơ kơ sư.

Ya 2:20

Ơ lu bơngai kơhlôh, iĕm ưh tam băt 'mơ̆i hă, tơdrong bơngai mă khan sư lui boih mă sư ưh kơ pơm kiơ̆, na iĕm wă kơ inh tơ'bôh kơ iĕm tơdrong bơngai mă lui ưh kơ yua noh hă?