Ya 2:25 - Sơ̆p Hlabơar Nơ̆r 'Bok Kei-Dei

²⁵ Na tơdrong yă Rahap sơ̆ kư̆m lei-lăi, sư bơngai đi mă-lei đơ̆ng rŏng 'Bok Kei-Dei kư̆m jô̆ sư bơngai 'lơ̆ng, yua kơ sư kiơ̆ tơdrong lui, sư sơng iŏk lu bơngai Isơrael đơ̆ng Jôsuê wơh năm dăr kơleng teh đak sư păng bơtho tơ'bôh kơ lu sư brŏk trong nai wă kơ lu buăl sư huay kơ rôp lu bơngai noh.

Ya 2:25 Iomraidhean Croise

Mathiơ 1:5

Salmôn hăm akăn sư Rahap pơjing đei kon drŏ-nglo, anăn sư Bôas. Bôas hăm akăn sư Rut kư̆m pơjing đei kon drŏ-nglo anăn sư Ôbêt, Ôbêt pơjing Jesê.

Mathiơ 21:31

Thoi noh boih na iĕm tơchĕng lăng, 'bar 'nu kon noh, kon ayơ chu kơ nơ̆r 'bă sư?” Lu sư khan: “Kon kơdră chu.” Na Yêsu khan: “Inh khan kơ iĕm tơpă, lu bơngai iŏk jên thuê̆, lu drŏ-kăn pơm đi, lu sư chu thoi kon kơdră noh boih. Lu sư băt ăn kơ 'Bok Kei-Dei pơgơ̆r lu sư boih mă-lei gah lu iĕm tam mă chu 'mơ̆i.

Hêbrơ 11:31

Yă Rahap sơ̆ sư bơngai đi, đơ̆ng rŏng sư đei đon lui, na sư huay kơ lôch hơdai hăm lu bôl sư bơngai mă ưh kơ lui kơ 'Bok Kei-Dei, yua kơ sư sơng iŏk lu bơngai Isơrael, lu mă năm lăng tông pơlei sư ki.

Ya 2:18

Pơtih gia đei 'bar 'nu bơngai pơma dih băl khan: “Ih khan ih klaih yua kơ ih lui. Inh klaih yua kơ inh kư̆m pơm 'lơ̆ng kơ tơdrong juăt 'Bok Kei-Dei.” 'Bar tơdrong noh, tơdrong ayơ wă kơ đe băt kơ bơ̆n lui tơpă? Bơ̆n athei pơm 'lơ̆ng tôm tơdrong na đe băt kơ bơ̆n lui tơpă.

Ya 2:22

Tơdrong 'noh bơ̆n băt boih, ưh kơ sĭ yua kơ sư lui đĕch ôh, yua kơ sư pơm kiơ̆ kơ nơ̆r 'Bok Kei-Dei akhan. Yua kơ sư pơm kiơ̆ na bơ̆n băt kơ sư bơngai lui kơjăp tơpă.

Ya 2:24

Thoi noh iĕm kư̆m băt mơ̆n 'Bok Kei-Dei jô̆ bơ̆n bơngai 'lơ̆ng tơpăt yua kơ bơ̆n lui păng pơm kiơ̆ hloi dôm tơdrong Sư pơkă, ưh kơ sĭ khan yua kơ bơ̆n lui đĕch ôh.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 2:15

Thoi noh Rahap iŏk minh dăng tơlei giĕn tơjur bre 'bar 'nu âu trong 'măng-'mŏk yua kơ hnam sư oei noh pơm lăm dur.

Jôsuê 2:16

Rahap khan: Năm tŏk tơ kông bĕ, kơnh hli kơ lu bơngai druh 'moi tam măr iĕm, măr iĕm athei ôn tơ noh pêng năr, truh tơ lu bơngai druh măr iĕm wih brŏk, đơ̆ng rŏng noh măr iĕm yak.

Jôsuê 2:4

Mă-lei Rahap năm chông ôn lê̆ bre 'bar 'nu bơngai drŏ-nglo noh păng khan: Tơpă đei bre sư truh tơ hnam inh, mă-lei inh ưh kơ băt ôh bre sư đơ̆ng yơ.

Jôsuê 2:6

Mă-lei Rahap athei bre sư tŏk hao kơpal bơbŭng hnam, ôn lê̆ bre sư lăm bơmreh brang mă sư đei sơ̆k dan lê̆ kơpal bơbŭng,

Jôsuê 6:17

Pơlei păng tôm tơmam lăm noh, athei pơyơ̆r kơ Kră Yang nhen thoi tơmam trŏ kơ pơlôch pơrăm; lăp minh 'nu Rahap drŏ-kăn đi păng đĭ-đăng bơngai oei lăm hnam sư đĕch gô arih, yua kơ sư đei ôn boih bre 'bar 'nu bơngai năm chop lăng mă inh đei wơh.