Ya 2:15 - Sơ̆p Hlabơar Nơ̆r 'Bok Kei-Dei

¹⁵ Pơtih gia iĕm 'bôh 'nhŏng oh bơngai lui bơ̆n hrŭk hơbĕn ao hiah, tơmam sa ưh kơ đei.

Ya 2:15 Iomraidhean Croise

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Markôs 14:7

Bơngai dơnuh sư oei păng iĕm ling-lang. Dah iĕm wă mơnat kơ sư mă layơ kư̆m gơh, yua kơ Inh âu ưh kơ oei păng iĕm ling-lang ôh.

Luka 3:11

Na Yôhan khan dơ̆ng: “Dah bơngai bu đei 'bar blah ao lei sư athei asong minh blah ao sư kơ lu bơngai mă hoh kơ đei. Dah bơngai bu đei tơmam sa rơkah, lei sư athei chă asong kơ đe lei-lăi mơ̆n.”

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Yo 3:17

Bơngai bu mơdrŏng 'bôh 'nhŏng oh sư dơnuh hin sơmă ưh kơ mơnat ăn tơmam kiơ kơ 'nhŏng oh sư, dah ưh kơ tơdŏng dih băl tơdrong jang, noh thoi yơ khan sư 'mêm kơ 'Bok Kei-Dei lĕ?