Ya 2:14 - Sơ̆p Hlabơar Nơ̆r 'Bok Kei-Dei

¹⁴ Ơ lu 'nhŏng oh inh, bơngai bu khan sư lui boih, mă-lei sư ưh kơ pơm kiơ̆ tơdrong 'lơ̆ng tơdrong trŏ, lui thoi sư noh ưh kơ yua kiơ ôh, sư ưh kơ klaih đơ̆ng tơdrong yoch 'Bok Kei-Dei wă phak ning-mônh ôh.

Ya 2:14 Iomraidhean Croise

Je 7:8

Mă-lei, lu iĕm oei lui gơnang kơ nơ̆r hơlĕnh ưh kơ đei yua ôh.

Mathiơ 5:20

Lu thây bơtho tơdrong juăt đe Juđê păng lu bơngai Juđê mă lui kơ 'Bok Kei-Dei kiơ̆ kơ tơdrong Pharisi, lu sư ưh kơ kiơ̆ tơdrong juăt tơpă ôh. Na Inh khan kơ iĕm tơpă, dah iĕm ưh kơ adrin kiơ̆ tơdrong juăt hloh kơ lu đe noh, lei iĕm ưh kơ gơh mơ̆t tơ dêh char 'Bok Kei-Dei ôh.

Luka 3:11

Na Yôhan khan dơ̆ng: “Dah bơngai bu đei 'bar blah ao lei sư athei asong minh blah ao sư kơ lu bơngai mă hoh kơ đei. Dah bơngai bu đei tơmam sa rơkah, lei sư athei chă asong kơ đe lei-lăi mơ̆n.”

Luka 6:49

Bơngai bu mơ̆ng nơ̆r Inh bơtho, mă-lei ưh kơ pơm kiơ̆ thoi Inh bơtho, bơngai noh thoi bơngai pơm hnam kơpal teh pŭk đĕch. Na lăp đak krong tih blŭng pŭng hơlŭng pơchah hoch đĭ.”

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Jang 8:13

Simôn kư̆m lui mơ̆n păng iŏk 'batem. Klaih kơ noh sư oei păng Philip ling-lang. Sư 'bôh tơdrong mơsêh mơyang đơ̆ng 'Bok Kei-Dei ăn kơ Philip pơm, na sư sơleng kơ đon ưh kơ băt thoi yơ dơ̆ng.

Jang 8:21

'Bok Kei-Dei ưh kơ ăn kơ ih tơdrong âu ôh yua kơ Sư 'bôh jơhngơ̆m ih ưh kơ 'lơ̆ng păng Sư.

Rom 2:25

Lu iĕm bơngai Juđê kăt tơdra akar khan kăl tơpă wă tơbăt kơ đe iĕm kiơ̆ tơdrong juăt 'Bok Kei-Dei pơkă truh um. Trŏ mơ̆n dah iĕm kiơ̆ tơdrong juăt 'Bok Kei-Dei pơkă truh um, lei tơdrong iĕm kăt tơdra akar noh kư̆m kăl mơ̆n. Mă-lei iĕm ưh kơ kiơ̆ tơdrong 'Bok Kei-Dei tơpă ôh, thoi noh tơdrong iĕm kăt tơdra akar dang ưh kơ yua ôh.

I Kor 15:2

Yua kơ tơdrong 'nao 'lơ̆ng 'nâu, na iĕm gơh klaih. Dang ei đĭ kơ iĕm hăm oei răk tơdrong 'nao 'lơ̆ng mă đêl inh bơtho kơ lu iĕm dah ưh? Tơ̆ng ưh, tơdrong lu iĕm lui ưh kơ đei yua kiơ ôh.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

Hêbrơ 11:17

Abraham đei đon lui tơpă. 'Bok Kei-Dei pơlong lăng sư đĕch, athei sư soi kơ 'Bok Kei-Dei kon pôm sư Isăk, sư chu hloi,

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

Ya 1:16

Ơ lu 'nhŏng oh mă inh 'mêm kơeng, dang ei iĕm băt boih tơdrong 'noh, na iĕm 'nĕ pă tơchĕng khan 'Bok Kei-Dei pơhlŭ bơ̆n pơm yoch.

Ya 2:16

Mă-lei iĕm khan kơ sư: “Brŏk mă 'lơ̆ng, sŏng sa mă phĭ, hrŭk hơbĕn ao mă 'lơ̆ng bĕ wă kơ tơnŏ.” Iĕm khan kơ sư thoi noh mă-lei iĕm ưh kơ tơgŭm sư minh tơdrong kiơ, tơmam sa dah hơbĕn ao hrŭk, wă kơ sư hiôk; iĕm khan kơ sư 'bơ̆r hoh đĕch, noh ưh kơ 'lơ̆ng ôh, sư ưh kơ đei yua kiơ đơ̆ng iĕm.

Ya 2:18

Pơtih gia đei 'bar 'nu bơngai pơma dih băl khan: “Ih khan ih klaih yua kơ ih lui. Inh klaih yua kơ inh kư̆m pơm 'lơ̆ng kơ tơdrong juăt 'Bok Kei-Dei.” 'Bar tơdrong noh, tơdrong ayơ wă kơ đe băt kơ bơ̆n lui tơpă? Bơ̆n athei pơm 'lơ̆ng tôm tơdrong na đe băt kơ bơ̆n lui tơpă.

Ya 2:26

Na tơdrong lui bơ̆n, tơ̆ng bơ̆n ưh kơ pơm kiơ̆ kơ nơ̆r 'Bok Kei-Dei pơkă, ưh kơ yua kiơ ôh; bơ̆n kư̆m thoi akâu kon bơngai bơ̆n, ưh pă đei bơhngol, jing kơtĕch jơhngơ̆m lôch.

II Pet 1:5

Yua kơ thoi noh na dang ei iĕm lui kơ Yêsu Krist boih, iĕm athei adrin pơm 'lơ̆ng, pơm tơpăt păng pơhrăm iŏk dôm tơdrong 'Bok Kei-Dei.