Ya 2:1 - Sơ̆p Hlabơar Nơ̆r 'Bok Kei-Dei

¹ Ơ lu 'nhŏng oh inh, iĕm lui boih kơ Kră Yang Yêsu Krist, Kră Yang mơsêh mơyang lu bơ̆n, iĕm 'nĕ kơ lăng bơngai phara yua kơ sư mơdrŏng dah dơnuh hŏ.

Ya 2:1 Iomraidhean Croise

II Ho 19:7

Thoi noh, na hli yom bĕ kơ Kră Yang athei sek tơlang mă 'lơ̆ng, yua kơ Kră Yang lu bơ̆n Sư tơpăt, ưh kơ mơ̆t minh pah, ưh kơ đei pơdê bu kư̆m ưh kơ đei iŏk jên đe răt.”

Tơdrông Pơđơk 24:23

Nơ̆r 'nâu gơh đei lĕch đơ̆ng bơngai hơgei pơma; Sek tơlang 'nĕ kơ mơ̆t minh pah ưh kơ 'lơ̆ng.

Tơdrông Pơđơk 28:21

Mơ̆t dŏng đe noh ưh kơ 'lơ̆ng. Mă đơ̆ng minh pôm 'bĕng mi ră mă-lei gô pơm glăi.

Lêwi 19:15

Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.

Jang 10:34

Na Pêtrôs pơma thoi âu: “Dang ei inh băt tơpă boih 'Bok Kei-Dei jô̆ đĭ-đăng bơngai lei-lăi đĕch.

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Jang 24:24

Đunh 'biơ̆ dang 'bar pêng năr đơ̆ng noh 'bok kuan tih Phêlik năm tơ ei dơ̆ng. Akăn sư kư̆m năm hơdai hăm sư mơ̆n. Anăn sư Drusil. Sư bơngai Juđê. Phêlik krao Pôl năm tơ sư. Na bre sư mơ̆ng Pôl bơtho gah tơdrong lui kơ Kră Yang Yêsu Krist.

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

Rom 1:11

Inh 'maih năm tơ iĕm dêh, wă kơ inh gơh tơgŭm iĕm lui kơ 'Bok Kei-Dei rai kơjăp hloh.

I Kor 2:8

Tơdrong 'noh lu bơngai pơgơ̆r ala teh âu lu sư ưh kơ đei bu băt; dah lu sư băt sơ̆ lei lu sư ưh kơ pơ̆ng pơlôch Kră Yang mơsêh tih-tin tơ 'long pơglang ôh.

Both 1:17

Lăm tơdrong jang sek tơlang, lu iĕm 'nĕ kơ mơ̆t minh pah; athei mơ̆ng mă bơngai iĕ dah bơngai pơm tih, 'nĕ hli kơ bơngai bu, yua kơ tơdrong sek tơlang âu kiơ̆ kơ Kră Yang 'Bok Kei-Dei, tơdah đei tơdrong kiơ anat kơ lu iĕm, athei chông ba tơ inh, inh gô mơ̆ng lăm tơdrong noh.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Kôlôsê 1:4

yua kơ nhôn kơtơ̆ng tơdrong iĕm lui kơ Yêsu Krist kơjăp, hăm băt 'mêm mơnat kơ đĭ-đăng lu kon 'Bok Kei-Dei.

I Tim 1:19

păng wă kơ ih lui kơjăp khŏm khŏm pơm đon 'lơ̆ng tơpăt kơ 'Bok Kei-Dei hăm đĭ-đăng bơngai. Đei lu bơngai mơ'nah hŭt lê̆ đon 'lơ̆ng sư kơdih na jing hŭt lê̆ tơdrong lui sư mơ̆n.

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

Tit 1:1

Pôl chih hơpong kơ Tĭt. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu đơ̆ng inh bơtho ih sơ̆. Inh boih đĭch đam 'Bok Kei-Dei păng jơ̆ng 'bang Yêsu Krist. 'Bok Kei-Dei wơh inh bơtho kon bơngai đêl Sư rơih iŏk wă kơ lu sư lui kơ Sư păng wă tơbăt ăn kơ lu sư tơdrong Sư, na lu sư gơh pơm tơdrong 'lơ̆ng tơpăt. Thoi noh na lu sư gô arih ling-lang. 'Bok Kei-Dei ưh kơ hơlĕnh ôh. Đơ̆ng blŭng-a sơ̆, đơ̆ng Sư tam mă pơjing plĕnh teh, đơ̆ng noh boih Sư pơkă khan gô ăn kơ bơ̆n arih ling-lang. Na truh sơnăm Sư boih, na Sư pơtruh ăn kơ bơ̆n tơdrong 'nao 'lơ̆ng Sư wă ăn kơ bơ̆n arih ling-lang. Thoi noh boih 'Bok Kei-Dei dŏng pơklaih bơ̆n. Kư̆m Sư boih athei inh bơtho tơdrong 'nao 'lơ̆ng Sư. Ơ dăm, inh krao khan apinh 'Bă tơm bơ̆n 'Bok Kei-Dei hăm 'Bok Dŏng Pơklaih bơ̆n Yêsu Krist wei-lăng ih tôm tơdrong wă kơ Sư ăn kơ ih hiôk-hian ling-lang.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Ya 1:16

Ơ lu 'nhŏng oh mă inh 'mêm kơeng, dang ei iĕm băt boih tơdrong 'noh, na iĕm 'nĕ pă tơchĕng khan 'Bok Kei-Dei pơhlŭ bơ̆n pơm yoch.

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Ya 2:3

Na iĕm lăp đon kơ bơngai mơdrŏng mă hrŭk hơbĕn ao 'lơ̆ng rŏ na iĕm khan kơ sư khan: “Apinh ih ngôi tơ anih 'lơ̆ng âu bĕ.” Mă gah bơngai dơnuh iĕm khan: “Dơ̆ng 'bơ̆t e noh, dah tơoei 'bơ̆t hơdrơh noh.”

Ya 2:9

Mă inh hli kơ iĕm ưh kơ pơm thoi noh tơpă ôh. Tơ̆ng iĕm lăng bơngai phara, mơ'nah iĕm 'mêm mơ'nah iĕm ưh, iĕm pơm thoi noh yoch tơpă; păng 'Bok Kei-Dei jô̆ iĕm bơngai pơhloh kơ tơdrong juăt Sư.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

Ju 1:16

Lu bơngai mă wă pơlung iĕm noh, lu sư pran kơ pơma mơmơnh dêh, pơma hơwĕng ưh kơ băt hrăp. Lu sư kiơ̆ kơ jơhngơ̆m kơdih hưch hanh 'maih pơm tơdrong kư̆ kă, pơma re 'bơ̆r, pơang akâu kơdih; sư pơma kơ bơ̆n hơlom, wă pơyua akâu sư kơdih.

Tơdrông Tơ'bôh 14:12

Yua kơ thoi noh boih na lu bơ̆n bơngai lui kơ Yêsu păng kiơ̆ tơdrong 'Bok Kei-Dei pơkă, bơ̆n athei adrin lui khŏm khŏm 'nĕ kơ achăng lê̆ Sư, mă đe pơmat bơ̆n dang yơ.