Ya 1:22 - Sơ̆p Hlabơar Nơ̆r 'Bok Kei-Dei

²² Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.

Ya 1:22 Iomraidhean Croise

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Je 11:6

Kră Yang khan kơ inh: “Roi bĕ đĭ dôm nơ̆r pơma âu tơ lăm đĭ-đăng pơlei lăm char Juđa hăm tơ rok trong tih lăm pơlei Jêrusalem: ‘Mơ̆ng păng pơm kiơ̆ bĕ nơ̆r pơgơ̆p âu.

Ob 1:3

Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.

Mathiơ 12:50

Bu pơm kiơ̆ kơ 'Bă Inh mă oei tơ plĕnh ti, bơngai 'noh dang 'nhŏng oh Inh păng mĕ Inh.”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Rom 2:13

'Bok Kei-Dei jô̆ bơ̆n bơngai 'lơ̆ng, ưh kơ sĭ yua kơ bơ̆n kơtơ̆ng tơdrong Sư pơkă đĕch ôh, yua kơ bơ̆n kiơ̆ tơdrong noh.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

I Kor 3:18

Iĕm 'nĕ khan akâu iĕm kơdih, khan iĕm hơgei. Dah bu lăm lu iĕm tơchĕng khan sư hơgei tơdrong ala teh âu, bơngai 'noh athei hŭt lê̆ dôm tơdrong sư hơgei noh, na iŏk tơdrong hơgei 'lơ̆ng tơpăt 'Bok Kei-Dei.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

Galati 6:3

Mă-lei dah bơngai bu lui ưh kơjăp na sư roi kơ đe khan sư lui kơjăp, bơngai 'noh bơngai hơlĕnh.

Galati 6:7

Iĕm 'nĕ tơchĕng khan iĕm gơh hơlĕnh kơ 'Bok Kei-Dei, yua kơ Sư băt tôm tơdrong. Bơ̆n pơtăm găr kiơ gô đei plei 'nei tơpă.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

Ya 4:11

Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.

Ya 4:17

Dang ei iĕm băt boih, na bơngai bu băt boih kơ tơdrong 'lơ̆ng tơdrong trŏ mă sư ưh kơ wă kiơ̆, bơngai noh yoch tơpă.

II Pet 2:13

'Bok Kei-Dei wă phak lu sư tơpă, yua kơ lu sư pơm kơnê̆ dang ei. Lu sư lăp đon kơ tơdrong ngôi kư̆ kă kơ'năr kư̆m bưh ưh kơ băt mơlâu kơ đe. Năr iĕm sŏng sa tih, lu sư kư̆m năm sŏng sa hơdai iĕm. Mă-lei lu sư sa dư dêh, wă kơ mă hrăp kơ hơlŏng klak kơdih, ưh kơ băt kơ mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao mă sư mơgrĭ.

I Yo 1:8

Dah bơ̆n khan bơ̆n ưh kơ đei tơdrong yoch, 'noh bơ̆n kư̆m hơlĕnh kơdih bơ̆n mơ̆n păng 'bơ̆r bơ̆n kư̆m ưh kơ gơh pơma tơpăt tŏ sĕt.

I Yo 2:3

Dah bơ̆n răk dôm tơdrong Sư pơkă lei noh bơ̆n lui kơ Sư tơpă.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

III Yo 1:11

Ơ oh, ih 'nĕ kơ pơm rok lu bơngai mă pơm kơnê̆ thoi noh hŏ, ih pơm rok lu bơngai pơm 'lơ̆ng đĕch. Bơngai bu pơm 'lơ̆ng, bơngai 'noh lĕch đơ̆ng 'Bok Kei-Dei. Bơngai bu pơm kơnê̆, bơngai 'noh ưh kơ lĕch đơ̆ng 'Bok Kei-Dei ôh.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 22:7

Yêsu khan: “Inh wă jê̆ jur boih, bơngai bu lui păng kiơ̆ hloi dôm nơ̆r 'Bok Kei-Dei roi tơbăt ăn tơ lăm sơ̆p hla bơar âu, bơngai noh sư hiôk tơpă.”