Ya 1:19 - Sơ̆p Hlabơar Nơ̆r 'Bok Kei-Dei

¹⁹ Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Ya 1:19 Iomraidhean Croise

Ne 8:18

Rim năr, đơ̆ng năr blŭng-a truh tơ năr tuch-luch, sư đŏk lăm sơ̆p hla bơar khôi juăt Kră Yang 'Bok Kei-Dei. Lu sư pơm giĕng sŏng sa lăm tơpơh năr; truh năr mă tơhngam đei akŭm pơm giĕng tih, pơm kiơ̆ thoi đei tơtă boih.

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Ne 9:3

Lu sư iung dơ̆ng kơtă anih, đŏk lăm sơ̆p hla bơar khôi juăt Kră Yang 'Bok Kei-Dei lu sư kơdih đunh dang minh lăm puăn lăm năr noh, minh lăm puăn dơ̆ng, lu sư tơbral tơdrong yoch păng kơkuh kơ Kră Yang 'Bok Kei-Dei lu sư.

Jop 32:16

Inh hăm wă gô dơ̆ng, lu sư đĭ pă pơma bơih, Lu sư oei tơ noh đĭ ưh pă đei tơl nơ̆r bơih?

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Tơdrông Pơđơk 13:3

Bơngai bu gơh wei nơ̆r kơdih, bơngai noh gơh wei tơdrong arih sư; Bơngai bu ha 'bơ̆r kư̆ kă tă kơ răm ngăl.

Tơdrông Pơđơk 14:17

Bơngai bu 'bônh kơ blĕk pơm tơdrong kơtul kơwao. Lu bơngai hơlĕnh pơdăr đe gô areh.

Tơdrông Pơđơk 14:29

Bu mă hiơ̆ kơ hil noh đei tơdrong hơgei tih. Mă-lei bu đei 'bônh kơ hil noh tơ'bôh tơdrong kơhlôh kơwao sư.

Tơdrông Pơđơk 15:18

Bơngai 'bônh kơ blĕk jing tơhil băl. Mă-lei bơngai bu hiơ̆ kơ blĕk, pơm kơ jơhngơ̆m hil 'bônh kơ ngach.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 16:32

Bơngai bu hiơ̆ kơ blĕk Pran hloh kơ bơngai nuih kơtang. Bơngai bu kĕ wei jơhngơ̆m sư, 'Lơ̆ng hloh kơ bơngai mă nuih blah iŏk pơlei tih.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 17:27

Bơngai bu wei nơ̆r sư pơma noh gơh hơgei; Lei bu tơchĕng kĕ ĕnh noh wă jing bơngai hlôh wao.

Tơdrông Pơđơk 18:13

Bu tơl adrol kơ kơtơ̆ng. Noh mơlâu kơdih akâu kơwao tơpă.

Tơdrông Pơđơk 18:21

Đơ̆ng hơpiĕt gơh pơm kơ bơ̆n arih dah lôch; Bu 'mêm kơ sư gô yua sa đơ̆ng plei noh.

Tơdrông Pơđơk 19:11

Bơngai gơh hơgei đei đon huay 'bônh kơ blĕk. Păng huay kơ jô̆ yo mă đe pơm yoch kơ sư.

Tơdrông Pơđơk 19:19

Bơngai bu hil dêh gô pŭ đe phak. Tơdah ih dŏng sư, Ih athei dŏng pơklaih sư dơ̆ng.

Tơdrông Pơđơk 21:23

Bu gơh wei 'bơ̆r hơpiĕt, Gơh wei bơhngol klaih đơ̆ng pơmat-tat.

Tơdrông Pơđơk 25:28

Bơngai bu ưh kơ băt pơgơ̆r jơhngơ̆m sư kơdih. Bơngai noh thoi minh pôm pơlei tih dur đĭ păk.

Tơdrông Pơđơk 29:20

Ih hăm 'bôh bơngai hăt pơma? Bơngai kơhlôh kơwao ră mă-lei đei đe hơmĕng hloh kơ sư.

Jo 22:27

Aseh 'bôh Linh jang Kră Yang na sư drap drum ala Balaam. Na Balaam blĕk hil, teh aseh sư hăm 'long jra.

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Markôs 12:37

Đawit krao kơ 'Bok Krist Yŏng Kơdră sư, na lơliơ dang ei khan 'Bok Krist jing kon sâu Đawit lĕ?” Lu bơngai tơpôl mơ̆ng kiơ̆ ei lăp đon tơpă tôm tơdrong Sư bơtho.

Markôs 2:2

na mă lơ bơngai năm tơ hnam Sư păng kiơ̆ 'ngoaih 'măng Sư kư̆m ưh kơ đei anih rơwơn. Na Sư bơtho nơ̆r 'Bok Kei-Dei kơ đe ei.

Luka 15:1

Đei lơ bơngai iŏk jên thuê̆ păng lơ bơngai yoch năm mơ̆ng Yêsu.

Luka 19:48

Mă-lei lu sư ưh kơ gơh rôp thoi yơ, yua kơ lu sư hli kơ kon bơngai 'bĕnh-'bang hưch hanh wă mơ̆ng Sư bơtho tơpă.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 10:33

Na inh athei bơngai jang kơ inh năm krao ih hloi. Na ih năm hloi tơ âu. Inh bơnê kơ ih tơpă. Nhôn akŭm tơ âu 'bơ̆t anăp 'Bok Kei-Dei mơ̆ng đĭ đơ̆ng nơ̆r Kră Yang 'Bok Kei-Dei athei ih bơtho.”

Jang 13:48

Pôl pơma thoi noh boih, na lu bơngai lăm noh mơ̆n mă ưh kơ bơngai Juđê, lu sư kơtơ̆ng thoi noh jơhngơ̆m lu sư chơt hiôk tơpă. Lu sư khan: “Nơ̆r 'Bok Kei-Dei hiôk 'lơ̆ng tơpă iih?” Na lu bơngai 'Bok Kei-Dei rơih wă kơ sư arih ling-lang, lu sư lui kơ Kră Yang Yêsu.

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Êphêsô 4:26

Dah iĕm đei tơdrong ơh, iĕm 'nĕ kơ pơm kơnê̆ kơ sư, 'nĕ tơhil băl đunh truh kơ măng,

Êphêsô 4:31

Iĕm athei lê̆ đĭ dôm tơdrong tơhil pơma ôr pơret, tơdrong ơh lăm jơhngơ̆m pơma kơnê̆ kơ đe, hăm đĭ dôm tơdrong khĕnh hơwĕng.

Kôlôsê 3:15

Yêsu Krist ăn kơ bơ̆n hiôk hơiă dih băl, na bơ̆n athei adrin kiơ̆ thoi noh, yua kơ 'Bok Kei-Dei rơih iŏk bơ̆n wă kơ bơ̆n pôm đon. Păng ling-lang 'nĕ kơ hiơt pơma bơnê kơ 'Bok Kei-Dei.

Kôlôsê 3:8

Mă-lei dang ei iĕm athei tŭk bĕ. 'Nĕ kơ hil areh kơ đe, 'nĕ pơm kơnê̆ kơ đe, 'nĕ kơ pơjăm đe blei hiap đe.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

Ya 1:16

Ơ lu 'nhŏng oh mă inh 'mêm kơeng, dang ei iĕm băt boih tơdrong 'noh, na iĕm 'nĕ pă tơchĕng khan 'Bok Kei-Dei pơhlŭ bơ̆n pơm yoch.

Ya 1:2

Ơ lu 'nhŏng oh inh, mă iĕm đei tơdrong gleh kiơ truh kơ iĕm, iĕm athei hiôk đĕch hŏ,

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

Ya 2:1

Ơ lu 'nhŏng oh inh, iĕm lui boih kơ Kră Yang Yêsu Krist, Kră Yang mơsêh mơyang lu bơ̆n, iĕm 'nĕ kơ lăng bơngai phara yua kơ sư mơdrŏng dah dơnuh hŏ.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Ya 3:10

Lăp pôm 'bơ̆r đĕch băt kơ ư-ang 'Bok Kei-Dei, băt kơ blei hiap bôl buăl. Ơ lu 'nhŏng oh, bơ̆n pơma thoi noh ưh kơ trŏ boih.

Ya 4:11

Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.

Ya 5:12

Ơ 'nhŏng oh, mă loi inh wă pơkă kơ iĕm tơdrong âu kăl dêh: Tơdrong kiơ iĕm pơkă kơ đe wă kơ đe băt kơ iĕm gô pơm, iĕm 'nĕ pă pơkă pao anăn 'Bok Kei-Dei, anăn plĕnh, anăn teh, dah anăn kiơ kiơ nai; iĕm wă pơkă kơ đe tơdrong kiơ, iĕm athei pơkă mă tơpăt hăm 'bơ̆r hoh đĕch. Thoi noh 'Bok Kei-Dei huay kơ hil kơ iĕm.

Ya 5:19

Ơ 'nhŏng oh, dah đei bu lăm lu iĕm jrok trong hiong tơdrong sư lui kơ 'Bok Kei-Dei, na đei bơngai nai pơlung sư wih lui dơ̆ng kơ 'Bok Kei-Dei,

I Yo 2:21

Inh chih ăn kơ iĕm kơthơ âu ưh kơ sĭ khan iĕm ưh kơ băt tơdrong 'Bok Kei-Dei ôh. Inh chih ăn kơ iĕm kơthơ âu yua kơ iĕm băt tơdrong 'Bok Kei-Dei tơpă păng iĕm kư̆m băt tơdrong 'Bok Kei-Dei ưh kơ hơlĕnh ôh.