Ya 1:10 - Sơ̆p Hlabơar Nơ̆r 'Bok Kei-Dei

¹⁰ Bơngai bu mơdrŏng jing dơnuh hin sư kư̆m hiôk bĕ, yua kơ tơdrong mơdrŏng sư ưh kơ kăl ôh. Lu bơngai mơdrŏng gô hiong hiach thoi pơkao 'long bri brah.

Ya 1:10 Iomraidhean Croise

Jop 14:2

Chăl arih kon bơngai thoi pơkao, pơgê tơlang kơsơ̆ jô kro, Sư hloh hlôi thoi ngôi, ưh kơ dơ̆ng.

Horiso 102:11

Khei năr inh oei arih nhen thoi yơ̆p wă kơsơ̆ măng. Inh jô kro thoi 'nhĕt,

Horiso 103:15

Chăl arih kon bơngai thoi 'nhĕt. Sư arih thoi pơkao tơ lăm mir

Horiso 37:2

Thoi 'nhĕt lu sư gô jô kro păng thoi 'nhĕt hơdrih lu sư gô jô hŏnh.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Êsai 40:6

Đei nơ̆r khan: “Krao ôr bĕ!” Inh jet: “Inh gô krao lơliơ?” “Đĭ-đăng kon bơngai nhen thoi 'nhĕt. Tơdrong 'lơ̆ng sư nhen thoi pơkao tơ bri brah.

Êsai 40:7

'Nhĕt kro, pơkao hơlŭng, mưh hơyuh Kră Yang tơthu. Tơpă kon bơngai thoi 'nhĕt 'nhot đĕch:

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Mathiơ 6:30

Tơdrong lui iĕm rơdu dêh, iĕm kuă kơ kiơ tơchĕng kơ lu pơkao 'nhĕt bri brah: Sư 'bônh kơ hơlŭng, klaih hơlŭng đe soh hŭt lê̆ lăm ŭnh, mă-lei 'Bok Kei-Dei kư̆m ăn kơ sư 'lơ̆ng dang noh, pơma kiơ kơ iĕm kon bơngai kăl hloh kơ sư, 'Bok Kei-Dei gô ăn kơ iĕm hơbĕn ao tơpă.

I Kor 7:31

Lu bơngai hăt kơ tơdrong ala teh âu 'nĕ pă tơchĕng dêh gah tơdrong ala teh âu yua kơ đĭ dôm tơdrong ala teh âu gô hiong hiach hach răm tôch đĕch.

Philip 3:8

Mă tơdrong kiơ đe khan yua, inh lăng ưh pă yua boih, yua kơ dôm tơdrong inh sơđơ̆ng kơ Yŏng inh Yêsu Krist kăl hloh kơ đĭ-đăng tơdrong noh. Inh hăt kơ kiơ̆ Sư lê̆ đĭ dôm tơdrong akâu inh sơđơ̆ng thoi lĕ kơ hla đuih đăm, wă kơ inh gơh sơng iŏk Yêsu Krist,

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

Ya 4:14

Mă-lei iĕm ưh kơ băt kơ năr dơning iĕm thoi yơ, băt kơ iĕm oei arih băt kơ thoi yơ. Tơdrong arih bơ̆n thoi lĕ kơ tŭk, dang ei bơ̆n oei 'bôh sư gom kông, pă 'biơ̆ kơ 'noh ưh pă 'bôh kiơ dơ̆ng.

I Pet 1:24

Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,

I Yo 2:17

Ala teh âu dôm tơdrong kon bơngai 'maih iŏk gô răm, mă-lei dah bơngai bu pơm trŏ thoi 'Bok Kei-Dei wă, bơngai 'noh gô arih ling-lang.