Tơdrông Tơ'bôh 9:9 - Sơ̆p Hlabơar Nơ̆r 'Bok Kei-Dei

⁹ Ao lu sư hrŭk thoi ao mam đe hrŭk; lu sư tơtuh pơnăr jơwa dang aseh lơ dui gre năm tơblah.

Tơdrông Tơ'bôh 9:9 Iomraidhean Croise

Jop 39:25

Lăp kơtơ̆ng đe hlôm keng, sư ôr: Heh he, Đơ̆ng ataih sư 'bâu hơyuh tơblah, Sư kơtơ̆ng nơ̆r lu yŏng linh krao tơkĕch thoi grơ̆m.

Jop 40:18

Lu kơting sư arăng nhen thoi đing kong, Jơ̆ng sư thoi bơsei.

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.

Je 47:3

Lăp kơtơ̆ng jơ̆ng aseh kơdâu re mơdrâp mơdrăp, Gre aseh lu ayăt jơwa ơ-ŭr ơ-ăr, Jơ̆ng gre aseh re dơdĭng dơdăng. Mĕ 'bă pă wêr kon sâu lu sư, lu sư jơ̆ng ti lu sư tơtơ̆ tơtuei tơtuônh.

Tơdrông Tơ'bôh 9:17

Lăm tơdrong mă tơ'bôh kơ inh noh, inh đei 'bôh lu linh hao aseh ei tă hrŭk ao mam 'brê thoi pla ŭnh, 'nhui ŭnh, tơmo ŭnh dreng. Kơ̆l aseh ei thoi kơ̆l dăm-brang; sư đei pla ŭnh, 'nhui ŭnh păng tơmo ŭnh dreng lĕch 'nhui 'bâu chhok hơ̆-hang, kon bơngai hơ'nơ̆k lôch yua kơ sư pruih tơlĕch đơ̆ng 'bơ̆r sư.