Tơdrông Tơ'bôh 9:4 - Sơ̆p Hlabơar Nơ̆r 'Bok Kei-Dei

⁴ Lep noh 'Bok Kei-Dei ưh kơ ăn sư sa 'nhĕt, sa 'ba, dah sa hla 'long ôh. Sư ăn lep noh năm chă sôch kon bơngai mă ưh kơ lui, ưh kơ đei chơ̆m đŏng yâu 'Bok Kei-Dei tơ klĕng sư.

Tơdrông Tơ'bôh 9:4 Iomraidhean Croise

Jop 1:10

“Yua kơ Ih war dur tăp dăr wei-lăng sư, hnam dơnŏ sư păng dôm tơmam sư đei. Ih tuh ăn pŭn kơ tơdrong jang sư păng ăn kơ sư tơmam rai lơ lăm teh.

Jop 1:12

Kră Yang khan kơ Satan: “Âu dôm tơmam sư đei pơjao đĭ lăm tơpang ti e; mă-lei e 'nĕ hơtŭt 'bơm akâu sư.” Na Satan weh hloi đơ̆ng anăp Kră Yang.

Jop 2:6

Kră Yang khan kơ Satan: “'Nâu e gơh pơm kơ Jop mă-lei e 'nĕ kơ pơlôch sư.”

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Êsêkiên 9:6

Athei pơlôch đĭ lu kră, lu hơmuh hơmŏng, lu hơdruh, lu hơ'lơ̆p, lu drŏ-kăn, mă-lei 'nĕ kơ pơlôch lu bơngai bu mă đei chih 'bơ̆t klĕng sư. Năm iŏk đơ̆ng Anih 'lơ̆ng rơgoh Inh.” Thoi noh lu sư pơtơm pơlôch iŏk đơ̆ng lu kră đơ̆ng 'bơ̆t anăp hnam akŭm.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Tơdrông Tơ'bôh 14:1

Klaih kơ noh inh hue lăng inh 'bôh Kon Triu dơ̆ng tơ kơpal kông Siôn, Sư dơ̆ng hơdai păng lu đe minh-hrĕng puăn-jĭt puăn-rơbâu 'nu lu bơngai mă đei chơ̆m đŏng yâu Kon Triu păng đŏng yâu 'Bă Kon Triu tơ klĕng lu sư kơdih kơdih.

Tơdrông Tơ'bôh 6:6

Păng inh kơtơ̆ng đơ̆ng lăm tŏk-bŏk lu puăn anăn noh đei 'bơ̆r pơma thoi âu: “Phe 'lơ̆ng đe gô tĕch minh kĭ minh năr jên jang, phe ưh kơ gan 'lơ̆ng đe gô tĕch pêng kĭ minh năr jên jang. Mă-lei gah lu đak rơmă, đak sik, sư ưh kơ tĕch kăp dang noh ôh.”

Tơdrông Tơ'bôh 7:1

Klaih kơ noh inh 'bôh puăn 'nu lu linh jang 'lơ̆ng, sư dơ̆ng tơ puăn pah mum teh đak. Lu sư wei puăn pah trong kial tơthu tơ teh đak, na sư wei kuă ăn kial tơthu pơrăm teh, pơrăm đak dơsĭ, pơrăm lu 'long.

Tơdrông Tơ'bôh 8:7

Lăp linh jang 'lơ̆ng mă mônh hlôm keng, na đei hloi 'mi prĕl tih tơpă. Păng đei ŭnh hăm pham huŏng đơ̆ng plĕnh truh tơ teh, ŭnh sa pơđĭ minh lăm pêng pah teh đak. Lu 'long, ŭnh sa đĭ minh lăm pêng pah, tôm kơ 'nhĕt kư̆m lei-lăi sa pơgoh hloi.