Tơdrông Tơ'bôh 8:5 - Sơ̆p Hlabơar Nơ̆r 'Bok Kei-Dei

⁵ Klaih kơ noh sư kep iŏk ŭnh ngar đơ̆ng chơnang soi tah lăm kơlăm maih klơ̆m hloi tơ teh, na đei grơ̆m glaih tơdrăng kơmlat kơchêr kơchar păng đei teh adrŏ mơ'nưt mơ'nat.

Tơdrông Tơ'bôh 8:5 Iomraidhean Croise

I Pot 19:11

Kră Yang khan: “Lĕch bĕ păng dơ̆ng 'bơ̆t anăp Kră Yang tơ kơpal kông, yua kơ Kră Yang wă năm trong 'noh.” Đei hloi kial tih tơthu kơtang 'bơ̆t anăp Kră Yang, kial tơthu pơm kơ kông 'noh đah lang păng lu tơmo pơchah đĭ, mă-lei Kră Yang ưh kơ đei lăm kial 'noh. Đơ̆ng rŏng kơ kial hơbŭt 'noh đei teh tơdrŏ, mă-lei Kră Yang kư̆m ưh kơ đei lăm teh tơdrŏ.

Horiso 18:13

Kră Yang Sư pơm grơ̆m glaih tơ kơpal plĕnh. Kră Yang kơpal hloh ăn kơ đe kơtơ̆ng nơ̆r Sư. Tơ lăm 'mi prĕl hăm ngar ŭnh ngŭr

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Êsai 29:6

Kră Yang Tih Hloh gô yua grơ̆m glaih, teh pơpơ̆, jơwa re, păng pla ŭnh soh phak lu sư.

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsai 66:6

Đei re jơwa lăm pơlei tih; đei re jơwa đơ̆ng hnam akŭm noh re jơwa nơ̆r Kră Yang pơm tơwih kơ lu bơngai ayăt kơ Sư.

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Lêwi 16:12

Sư iŏk bô̆i kep ngar ŭnh ngŭr 'brê kơpal chơnang soi 'bơ̆t anăp Kră Yang păng iŏk 'bar chup tah tơmam 'bâu phu hĕch, na chĕp ba tơ gah lăm kơ che pĕng.

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Mathiơ 24:7

Đei dêh âu iung blah dêh to, dêh to iung blah dêh nai. Đei teh adrŏ păng tơdrong pơngot rơwĕt lơ tơring âu tơring to.

Luka 12:49

“Dang ei Inh jur dang lĕ wă soh teh âu, na Inh ưh kơ hiôk tơ̆p truh ŭnh sa.

Jang 16:26

'Bơ̆t ei teh pơpơ̆ hloi kơkiơ̆ng. Hơyuh teh ei pơpơ̆ truh tơ hnam ei mah kyĭng kiơ̆ng. 'Măng tơpơih đĭ, glang mam tơyaih đĭ đơ̆ng lu bơngai phak lăm ei.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 4:5

Păng 'bôh kơchêr kơchar kơmlat lĕch đơ̆ng tang-dŏ 'Bok Pơtao mă oei tŏk-bŏk. Păng inh kơtơ̆ng grơ̆m glaih tơdrăng. 'Bơ̆t anăp tang-dŏ 'Bok Pơtao ei, đei tơpơh tŏ ŭnh kơđeng sư khơ̆ng ling-lang. Kơđeng ei wă pơtih gia kơ Yang Bơhngol 'Lơ̆ng Sư. Yang Bơhngol 'Lơ̆ng minh 'nu đĕch, mă-lei dang tơpơh 'nu.

Tơdrông Tơ'bôh 6:12

Kon Triu hek dơ̆ng tơdra mă tơdrâu, na inh 'bôh teh adrŏ tih mơ'nưt mơ'nat, măt 'năr mah jing măng mu suek dang che găm, măt khei lăp pơnil mah jing thoi pham.

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.