Tơdrông Tơ'bôh 8:2 - Sơ̆p Hlabơar Nơ̆r 'Bok Kei-Dei

² Klaih kơ noh inh 'bôh tơpơh 'nu linh jang 'lơ̆ng mă juăt kơ dơ̆ng 'bơ̆t anăp 'Bok Kei-Dei, na lu sư dơ̆ng. Đe đei ăn kơ lu sư tơpơh tŏ keng.

Tơdrông Tơ'bôh 8:2 Iomraidhean Croise

Sa 4:10

Yua kơ bu pơ̆n pơjăm kơ năr tơdrong iĕ âu? Sư gô chơt hiôk 'bôh tơlei dăng pơtŏ 'bơ̆t ti Sôrôbabel.* Đei tơpơh tŏ măt 'nâu măt Kră Yang năm tơmang lăng jơ̆p kơ teh đak.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Luka 1:19

Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

I Tes 4:16

Năr ei kơnh 'bok yŏng lu linh jang 'lơ̆ng gô pơma krao pơret đơ̆ng plĕnh ti păng đei linh jang 'lơ̆ng hlôm keng 'Bok Kei-Dei. Na Kră Yang Yêsu Krist jur hloi đơ̆ng plĕnh, na lu bơngai lôch mă lui kơ Yêsu boih sư iung arih 'mơ̆i.

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 15:1

Đơ̆ng noh inh đei 'bôh tơdrong tơ kơpal plĕnh ti hlĭch dêh. Đei tơpơh 'nu linh jang 'lơ̆ng, lu sư wă iŏk tơpơh pơnhan đak pơgang wă pơmat lu bơngai ưh kơ lui. Tơpơh pơnhan đak pơgang noh gô đei tơpơh 'măng pơmat. Tơpơh 'măng đei tơdrong pơmat noh 'Bok Kei-Dei ăn pơmat pơhrăp kon bơngai lu mă Sư hil. Klaih kơ noh Sư huay pă hil dơ̆ng boih.

Tơdrông Tơ'bôh 16:1

Đơ̆ng noh inh kơtơ̆ng 'bơ̆r pơma re đơ̆ng lăm hnam 'Bok Kei-Dei ei khan kơ tơpơh 'nu lu linh jang 'lơ̆ng wă tuh đak pơgang ei thoi âu: “Năm bĕ, tuh tơpơh tŏ pơnhan đak pơgang tơdrong 'Bok Kei-Dei hil tơ teh.”

Tơdrông Tơ'bôh 8:13

Inh 'bôh păng kơtơ̆ng minh pôm sem klang păr tŏk-bŏk rơwơ̆ng ti, sư pơma 'bơ̆r re khan: “Ô glăi, ô glăi, ô glăi, lu bơngai mă oei tơ teh, pă 'biơ̆ pêng 'nu linh jang 'lơ̆ng hlôm keng wă pơrăm iĕm.”

Tơdrông Tơ'bôh 8:6

Đơ̆ng noh na tơpơh 'nu linh jang mă chĕp tơpơh tŏ keng noh hei lu sư kơchăng wă hlôm.

Tơdrông Tơ'bôh 9:1

Lăp linh jang 'lơ̆ng mă pơđăm hlôm keng, inh 'bôh minh pôm sơnglŏng đơ̆ng plĕnh đêl huŏng tơ teh. Đe ăn kơ sơnglŏng noh khuă wă pơih 'măng sơlŭng jrŭ.