Tơdrông Tơ'bôh 8:12 - Sơ̆p Hlabơar Nơ̆r 'Bok Kei-Dei

¹² Linh jang mă puăn hlôm keng, đei minh pah lăm pêng pah măt 'năr, đei minh pah lăm pêng pah măt khei, đei minh pah lăm pêng pah lu sơnglŏng jing măng mu minh pah. Đĭ lu sư jing ưh pă gan hơdah boih; 'noh jĭ kơ'năr ră, rai kơmăng rai loi.

Tơdrông Tơ'bôh 8:12 Iomraidhean Croise

Êsai 13:10

Lu sơnglŏng păng khŭl sơnglŏng rang tơ kơpal plĕnh ti ưh pă pơchrang hơdah dơ̆ng bơih. Măt 'năr lĕch ră mă kư̆m oei măng mu, măt khei kư̆m ưh pă pơchrang hơdah dơ̆ng mơ̆n.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Je 4:23

Inh lăng tơ teh, răm đĭ ưh pă đei kiơ, hoh-hoy. Inh lăng dơ̆ng tơ plĕnh ti; kư̆m ưh pă 'bôh đei hơdah tơ yơ.

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Jôel 3:15

Măt 'năr măt khei jing măng mu, lu sơnglŏng pă hơdah dơ̆ng.

Am 8:9

Kră Yang khan: Lăm năr noh gô đei tơdrong truh, inh gô pơm ăn kơ măt 'năr mơ̆t kơplah măt 'năr dơ̆ng păng pơm kơ teh măng mu kơplah 'năr oei đei.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Mathiơ 27:45

Lăp 'năr dơ̆ng, glĭp măng mu jơ̆p kơ teh đak truh tơ pêng jơ kơsơ̆.

Markôs 13:24

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah.

Markôs 15:33

Lăp 'năr dơ̆ng, glĭp măng mu jơ̆p kơ teh đak truh tơ pêng jơ kơsơ̆.

Luka 21:25

“Iĕm gô 'bôh tơdrong hlĭch hlăch tơ măt 'năr, tơ măt khei păng lu sơnglŏng mơ̆n. Tơ ala teh âu lu teh đak đei tơdrong gleh tơpă. Lu sư hli kơ jơwa đak dơsĭ poh-yă tih.

Jang 2:20

Măt 'năr jing măng mu, măt khei wă jing thoi pham, hơdrol kơ năr 'lơ̆ng, năr đe pơư pơang anăn 'Bok Kei-Dei tam mă truh.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Tơdrông Tơ'bôh 12:4

Kiĕng sư hor ba lu sơnglŏng đơ̆ng plĕnh huŏng tơ teh minh pah lăm pêng. Klaih kơ noh na sư năm 'bơ̆t anăp bơngai drŏ-kăn mă jĭ anăp wă tơpŭ noh, sư răp gô bơngai noh tơpŭ wă luŏn sa kon nge sư.

Tơdrông Tơ'bôh 16:10

Linh jang mă pơđăm tuh đak pơgang đơ̆ng pơnhan sư tơ kơpal tang-dŏ sem brem mă kơnê̆ ei, na jơ̆p kơ teh đak sem ei pơgơ̆r jing măng mu. Đĭ-đăng kon bơngai nhơ̆m hmoi tơkăp hơpiĕt kơdih kơdih yua kơ lu sư jĭ dêh trŏ hơkăm pơgang noh.

Tơdrông Tơ'bôh 6:12

Kon Triu hek dơ̆ng tơdra mă tơdrâu, na inh 'bôh teh adrŏ tih mơ'nưt mơ'nat, măt 'năr mah jing măng mu suek dang che găm, măt khei lăp pơnil mah jing thoi pham.

Tơdrông Tơ'bôh 9:15

Na linh jang mă tơdrâu ei năm yaih achăng hloi puăn 'nu yang mă đe chô̆ kron ei. Puăn 'nu yang ei wă chă pơlôch pơrăm đe. Na tơdrong sư wă pơlôch pơrăm đe noh sư hơmet lê̆ đơ̆ng sơ̆ boih, sư khŏm wă pơlôch pơrăm kon bơngai rim adrĕch adrung truh kơ minh pôm teh đak kơdih lăm pêng tŏ teh đak, dang ei khei âu sơnăm âu hloi.

Tơdrông Tơ'bôh 9:18

Pêng tơdrong sơmôch pơlôch pơrăm kon bơngai noh gơh pơlôch dang minh pah lăm pêng pah teh đak, kon bơngai lôch.