Tơdrông Tơ'bôh 7:4 - Sơ̆p Hlabơar Nơ̆r 'Bok Kei-Dei

⁴ Inh kơtơ̆ng đe khan sư wă chơ̆m đŏng yâu tơ klĕng rim kơ adrĕch adrung lu bơngai Isơrael truh kơ minh-hrĕng puăn-jĭt puăn-rơbâu 'nu đĭ-đăng.

Tơdrông Tơ'bôh 7:4 Iomraidhean Croise

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Le 28:21

Gô đei đĭ-đăng mơjĭt-'bar găr, kiơ̆ kơ lu anăn kon drŏ-nglo Isơrael; tơ kơpal rim kơ găr tơmo rang 'noh đe chrek anăn minh 'nu lăm mơjĭt-'bar adrĕch adrung lu kon drŏ-nglo Isơrael, nhen thoi đe pơm tơmam tơdra kơtĭt 'noh.

Êsêkiên 47:13

Kră Yang khan thoi âu: Âu jing hơdral wă kơ lu iĕm klah asong teh jang sa kơ mơjĭt-'bar adrĕch Isơrael. Asong kơ Jôsep 'bar lăm noh.

Êsêkiên 48:19

Lu bơngai mă bơ̆jang lăm pơlei tih, đơ̆ng rim adrĕch Isơrael gô choh pơtăm lăm teh âu.

Êsêkiên 48:31

Lu 'măng jang pơlei krao anăn kiơ̆ kơ anăn adrĕch Isơrael pêng tŏ 'măng jang gah yă-nơ̆m noh krao: 'Măng jang Rubên, 'măng jang Juđa păng 'măng jang Lêwi.

Sa 9:1

Nơ̆r Kră Yang hil kơ char Hadrak, sư gô oei tơ pơlei Đamas. Yua kơ măt bơngai Isơrael păng đĭ-đăng kon bơngai tă kơ lăng tơ Kră Yang ngăl.

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Luka 14:22

Na đam 'nei hơloh yak chă krao đe hloi. Lăp chă krao đe đang boih na sư wih tơ hnam khan kơ tơ'ngla sư 'nei: ‘Ơ 'bok, inh chă krao lu đe noh hei boih, đĭ-đăng lu sư năm boih ră, mă-lei anih oei rơhơi 'mơ̆i.’

Luka 22:30

Iĕm gô sŏng sa hơdai păng Inh kơplah Inh pơgơ̆r ning-mônh păng iĕm kư̆m pơm pơtao sek tơlang kơ mơjĭt-'bar khŭl bơngai Isơrael.

Jang 26:7

Đĭ-đăng mơjĭt-'bar khŭl adrĕch bơngai Juđê bơ̆n chang gô 'Bok Kei-Dei ăn tơdrong Sư pơkă 'noh. Yua kơ thoi noh lu bơ̆n ling-lang oei kơkuh kơ 'Bok Kei-Dei hăm đĭ jơhngơ̆m bơ̆n. Ơ 'bok pơtao, yua kơ inh kư̆m chang gô tơdrong pơkă 'noh mơ̆n, lu bơngai Juđê jâu inh.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

Tơdrông Tơ'bôh 14:1

Klaih kơ noh inh hue lăng inh 'bôh Kon Triu dơ̆ng tơ kơpal kông Siôn, Sư dơ̆ng hơdai păng lu đe minh-hrĕng puăn-jĭt puăn-rơbâu 'nu lu bơngai mă đei chơ̆m đŏng yâu Kon Triu păng đŏng yâu 'Bă Kon Triu tơ klĕng lu sư kơdih kơdih.

Tơdrông Tơ'bôh 14:3

Lu sư hơri minh tơdrong 'nao 'bơ̆t anăp tang-dŏ 'Bok Kei-Dei, 'bơ̆t anăp puăn anăn păng 'bơ̆t anăp lu đe kră. Pôm lu minh-hrĕng puăn-jĭt puăn-rơbâu 'nu noh đĕch gơh hơri tơdrong 'nao ei, lu nai ưh kơ đei bu gơh ôh, yua kơ lu bơngai noh 'Bok Kei-Dei huai iŏk lu sư đơ̆ng khŭl bơngai ala teh âu boih.

Tơdrông Tơ'bôh 7:5

Đơ̆ng adrĕch adrung Juđa mơjĭt-'bar rơbâu 'nu; đơ̆ng adrĕch adrung Rubên mơjĭt-'bar rơbâu 'nu; đơ̆ng adrĕch adrung Gat mơjĭt-'bar rơbâu 'nu;

Tơdrông Tơ'bôh 9:16

Puăn 'nu yang ei đei linh lơ tơpă tă hao aseh ngăl, đe khan đei 'bar-hrĕng trĭu 'nu.