Tơdrông Tơ'bôh 7:3 - Sơ̆p Hlabơar Nơ̆r 'Bok Kei-Dei

³ “Iĕm 'nĕ tam pơrăm teh, đak dơsĭ, lu 'long, gô nhôn chơ̆m đŏng yâu tôm kơ klĕng lu đĭch đam Kră Yang bơ̆n 'mơ̆i.”

Tơdrông Tơ'bôh 7:3 Iomraidhean Croise

Le 12:13

Pham pik wă kơnăl tơ hnam lu iĕm oei, tơdah Inh 'bôh pham 'noh, lei gô năm yoh, ưh kơ đei tơdrong jĭ apoh truh pơrăm lu iĕm. Kơplah Inh pơrăm dêh Êyiptơ.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Êsai 27:8

Kŭm thoi noh lăm tơdrong Ih phak lu sư dă 'biơ̆ na puh lu sư năm tơ nai, Ih yua kial tih pơpuh lê̆ lu sư tơ ataih, thoi lăm năr đei kial bah đơ̆ng hơlĕch.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Êsai 65:8

Kră Yang khan: “Thoi đe oei 'bôh đak hơmu lăm hơie hơmu Na khan: ‘'Nĕ kơ pơrăm lê̆, yua kơ lăm plei noh oei đei tơdrong 'lơ̆ng.’ Inh kư̆m gô pơm thoi noh kơ lu đĭch đam Inh, Inh ưh kơ pơrăm đĭ-đăng lu sư ôh.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Êsêkiên 9:6

Athei pơlôch đĭ lu kră, lu hơmuh hơmŏng, lu hơdruh, lu hơ'lơ̆p, lu drŏ-kăn, mă-lei 'nĕ kơ pơlôch lu bơngai bu mă đei chih 'bơ̆t klĕng sư. Năm iŏk đơ̆ng Anih 'lơ̆ng rơgoh Inh.” Thoi noh lu sư pơtơm pơlôch iŏk đơ̆ng lu kră đơ̆ng 'bơ̆t anăp hnam akŭm.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 3:26

Đơ̆ng noh pơtao Nebukatnessar năm nger tơ jê̆ 'măng ŭnh kơdơ̆r noh, krao: Ơ Sadrak, Mêsak, Abetnigo jơ̆ đĭch đam Kră Yang 'Bok Kei-Dei Tih hloh, lĕch păng năm tơ âu bĕ! Sadrak, Mêsak, Abetnigo lĕch đơ̆ng lăm ŭnh noh.

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Jêphania 2:3

Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 3:33

Bơngai bu lui kơ nơ̆r Sư bơtho, bơngai 'noh sư lui kơ 'Bok Kei-Dei pơma sĭt tơpă,

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Tơdrông Tơ'bôh 13:16

Păng sem ei pơgŏ đĭ-đăng măt bơngai 'lơ̆p 'lŏ, nge kră, pơm tih, pơm iĕ, mă mơdrŏng, mă dơnuh, mă rơngei, mă đĭch đe, sư pơgŏ athei chơ̆m đŏng yâu sư 'bơ̆t tơpang ti 'ma dah 'bơ̆t klĕng.

Tơdrông Tơ'bôh 13:17

Tơ̆ng bu ưh kơ chu chơ̆m đŏng yâu sư noh, bơngai noh sư ưh kơ ăn mơdro sa păng ưh kơ ăn chă năm răt tơmam. Đŏng yâu noh đe chih anăn sem mă mônh, phŏ chih pôm kơsô̆ mă trŏ kơ anăn sem mă mônh noh mơ̆n.

Tơdrông Tơ'bôh 14:1

Klaih kơ noh inh hue lăng inh 'bôh Kon Triu dơ̆ng tơ kơpal kông Siôn, Sư dơ̆ng hơdai păng lu đe minh-hrĕng puăn-jĭt puăn-rơbâu 'nu lu bơngai mă đei chơ̆m đŏng yâu Kon Triu păng đŏng yâu 'Bă Kon Triu tơ klĕng lu sư kơdih kơdih.

Tơdrông Tơ'bôh 14:9

Đơ̆ng noh đei linh jang 'lơ̆ng nai dơ̆ng kiơ̆ đơ̆ng rŏng sư pơma 'bơ̆r re kơ đe khan: “Bu chu kơkuh kơ sem păng rup sem noh păng chu chơ̆m đŏng yâu sem noh tơ klĕng dah tơ ti sư,

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.

Tơdrông Tơ'bôh 22:4

Lu sư gô 'bôh muh măt 'Bok Kei-Dei păng đei chơ̆m đŏng yâu 'Bok Kei-Dei tơ klĕng lu sư.

Tơdrông Tơ'bôh 6:6

Păng inh kơtơ̆ng đơ̆ng lăm tŏk-bŏk lu puăn anăn noh đei 'bơ̆r pơma thoi âu: “Phe 'lơ̆ng đe gô tĕch minh kĭ minh năr jên jang, phe ưh kơ gan 'lơ̆ng đe gô tĕch pêng kĭ minh năr jên jang. Mă-lei gah lu đak rơmă, đak sik, sư ưh kơ tĕch kăp dang noh ôh.”

Tơdrông Tơ'bôh 7:1

Klaih kơ noh inh 'bôh puăn 'nu lu linh jang 'lơ̆ng, sư dơ̆ng tơ puăn pah mum teh đak. Lu sư wei puăn pah trong kial tơthu tơ teh đak, na sư wei kuă ăn kial tơthu pơrăm teh, pơrăm đak dơsĭ, pơrăm lu 'long.

Tơdrông Tơ'bôh 7:2

Đơ̆ng noh inh 'bôh dơ̆ng minh 'nu linh jang 'lơ̆ng nai sư tŏk đơ̆ng gah hơlĕch chĕp đŏng yâu wă chơ̆m tơ klĕng lu bơngai lui kơ 'Bok Kei-Dei, 'Bok mă arih ling-lang. Na linh jang noh pơma 'bơ̆r re kơ lu linh jang 'lơ̆ng nai mă dơ̆ng tơ puăn pah mum teh đak mă 'Bok Kei-Dei ăn pơrăm teh, đak dơsĭ, lu 'long noh, khan:

Tơdrông Tơ'bôh 9:4

Lep noh 'Bok Kei-Dei ưh kơ ăn sư sa 'nhĕt, sa 'ba, dah sa hla 'long ôh. Sư ăn lep noh năm chă sôch kon bơngai mă ưh kơ lui, ưh kơ đei chơ̆m đŏng yâu 'Bok Kei-Dei tơ klĕng sư.