Tơdrông Tơ'bôh 7:2 - Sơ̆p Hlabơar Nơ̆r 'Bok Kei-Dei

² Đơ̆ng noh inh 'bôh dơ̆ng minh 'nu linh jang 'lơ̆ng nai sư tŏk đơ̆ng gah hơlĕch chĕp đŏng yâu wă chơ̆m tơ klĕng lu bơngai lui kơ 'Bok Kei-Dei, 'Bok mă arih ling-lang. Na linh jang noh pơma 'bơ̆r re kơ lu linh jang 'lơ̆ng nai mă dơ̆ng tơ puăn pah mum teh đak mă 'Bok Kei-Dei ăn pơrăm teh, đak dơsĭ, lu 'long noh, khan:

Tơdrông Tơ'bôh 7:2 Iomraidhean Croise

II Pot 19:4

Rŏ lăng Kră Yang 'Bok Kei-Dei ih kơtơ̆ng bơih dôm nơ̆r Rapsaka bơngai mă pơtao đe Asiri yŏng sư wơh wă năm pơjăm Kră Yang 'Bok Kei-Dei mă arih ling-lang păng Kră Yang ih gô hil phak dôm nơ̆r mă Sư hlôi kơtơ̆ng. Thoi noh, inh apinh ih krao khan tơgŭm lu bơngai mă oei arih.”

Hơri Hiôk 8:6

Ăn kơ inh jing thoi tơmam klep lăm jơhngơ̆m ih, Thoi tơmam chơ̆m tơ kơkŏng ti ih; Yua kơ tơdrong hơyuh kơtang dang thoi tơdrong lôch, Jơhngơ̆m gar jing kơnê̆ thoi bơsat. Sư khơ̆ng thoi ŭnh. Pla ŭnh khơ̆ng tơtŏ dêh.

Êsai 41:2

Bu râu tơiung bơngai đơ̆ng gah hơlĕch? Kră Yang Krao sư năm bơ̆jang lăm tơdrong 'lơ̆ng tơpăt. Kră Yang jao đĭ teh đak ăn kơ sư, pơjuă lu pơtao tơ ala jơ̆ng sư, sư pơm kơ lu pơtao nhen 'bruih teh hăm đao gưm sư, jao lu pơtao hră sư pơm kơ lu sư thoi hơkam 'ba kial bơbơ̆t pơđông đĭ.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

II Kor 1:22

Sư ăn Yang Bơhngol 'Lơ̆ng oei hơdai hăm nhôn, dang Sư chơ̆m đŏng yâu Sư tơ akâu nhôn, thoi noh na dôm tơdrong Sư pơkă, nhôn băt kơ gô đei tơpă.

Êphêsô 1:13

Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Both 5:26

Hăm đei bu kơtơ̆ng boih nơ̆r Kră Yang 'Bok Kei-Dei oei pơma đơ̆ng lăm ŭnh, nhen thoi lu nhôn, mă-lei oei arih?

I Tes 1:9

Đe kơtơ̆ng thoi noh, đe kư̆m roi kơ nhôn mơ̆n tơdrong iĕm sơng iŏk nhôn păng tơdrong iĕm ưh pă wă kơkuh kơ lu rup yang dơ̆ng, na iĕm lui hloi kơ Kră Yang 'Bok Kei-Dei. 'Bok Kei-Dei Sư Yang tơpă, Sư arih ling-lang.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Tơdrông Tơ'bôh 1:3

Bơngai bu đŏk ăn kơ đe tơdrong 'Bok Kei-Dei âu, bơngai noh sư hiôk boih. Bơngai mă mơ̆ng păng răk dôm nơ̆r pơma lăm hla bơar âu sư kư̆m hiôk mơ̆n, yua kơ ưh pă đunh boih 'Bok Kei-Dei wă tơ'bôh kơ kon bơngai dôm tơdrong Sư mă khan lê̆ adrol âu.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Tơdrông Tơ'bôh 10:4

Inh kơtơ̆ng grơ̆m glaih tơdrăng jơwa re tơpơh 'măng thoi noh inh wă chih iŏk hloi ră, mă-lei đei nơ̆r đơ̆ng plĕnh kuă ăn inh chih iŏk, Sư khan kơ inh thoi âu: “Ih 'nĕ kơ chih iŏk tơdrong grơ̆m glaih jơwa noh, ih ôn đĕch 'nĕ roi kơ đe.”

Tơdrông Tơ'bôh 16:12

Linh jang mă tơdrâu tuh đak pơgang đơ̆ng pơnhan sư tơ krong tih mă đe anăn krong Êphrat, na krong ei jing hrơ̆ hloi jing trong hrĕng 'lơ̆ng ăn kơ lu 'bok pơtao đơ̆ng gah hơlĕch wă năm tơblah.

Tơdrông Tơ'bôh 5:2

Klaih kơ noh inh 'bôh minh 'nu linh jang 'lơ̆ng sư pran tih, sư pơma 'bơ̆r re khan: “Hăm đei bu hơnhŏ wă hek lăng hla bơar mă đêl đe pơklep boih noh?”

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.

Tơdrông Tơ'bôh 9:14

sư pơma kơ linh jang mă tơdrâu thoi âu: “Ih năm yaih achăng puăn 'nu yang mă đe chô̆ kron lu sư tơ jih đak krong Êphrat.”

Tơdrông Tơ'bôh 9:4

Lep noh 'Bok Kei-Dei ưh kơ ăn sư sa 'nhĕt, sa 'ba, dah sa hla 'long ôh. Sư ăn lep noh năm chă sôch kon bơngai mă ưh kơ lui, ưh kơ đei chơ̆m đŏng yâu 'Bok Kei-Dei tơ klĕng sư.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.