Tơdrông Tơ'bôh 7:16 - Sơ̆p Hlabơar Nơ̆r 'Bok Kei-Dei

¹⁶ Lu sư ưh pă layơ pơngot dah ol kơ đak, ưh pă layơ hli kơ bơyan tŏ bơyan phang.

Tơdrông Tơ'bôh 7:16 Iomraidhean Croise

Horiso 121:5

Kră Yang Tơ'ngla wei-lăng ih. Kră Yang yơ̆p pơyơ̆l kơ ti 'ma ih.

Horiso 121:6

Măt 'năr ưh kơ đei pơm kơ ih tŏ ôh kơ 'năr, măt khei kư̆m ưh kơ đei pơrăm ih kơmăng.

Horiso 143:6

Inh yơ̆r ti inh gah Ih; Jơhngơ̆m inh rơhing kơ Ih thoi teh hrĕng kro. Sêla

Horiso 42:2

Bơhngol inh rơhing kơ Kră Yang 'Bok Kei-Dei jơ̆ Kră Yang 'Bok Kei-Dei arih ling-lang. Layơ inh gô tơ'bơ̆p Kră Yang 'Bok Kei-Dei.

Horiso 63:1

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Hơri Hiôk 1:6

'Nĕ kơ pơglăn tơ inh, yua kơ inh jơmăng, Yua kơ đơ̆ng tŏ sa. Lu kon tơdăm mĕ inh areh kơ inh, Jao inh wei-lăng pơgar hơmu lu sư; Na pră lê̆ pơgar hơmu inh ưh kơ đei bu wei-lăng!

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsai 65:13

Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Jôna 4:8

Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!

Mathiơ 13:21

Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Mathiơ 13:6

Lăp 'năr tŏ boih sư jô na lôch hloi, yua kơ rơh sư chăt ưh kơ jrŭ.

Mathiơ 5:6

“Pŭn dêh lu bơngai 'maih pơm 'lơ̆ng thoi 'Bok Kei-Dei wă, 'Bok Kei-Dei gô ăn kơ sư jing 'lơ̆ng thoi noh.

Markôs 4:17

Kư̆m đei ră tơnơm 'ba, mă-lei rơh sư chăt ưh kơ jrŭ, sư jing jô lôch hloi. 'Noh wă khan lu sư dang đei ră đon lui, mă-lei ưh kơ đunh, lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Markôs 4:6

Lăp 'năr tŏ boih sư jô jing lôch hloi yua kơ rơh sư chăt ưh kơ jrŭ.

Luka 1:53

Sư 'me lu bơngai pơngot rơwĕt tơmam sa 'lơ̆ng, mă-lei lu bơngai mơdrŏng noh Sư tơbrŏk ti hoh đĕch.

Luka 6:21

“Pŭn dêh lu iĕm mă pơngot rơwĕt dang ei, iĕm gô phĭ jơnap. Pŭn dêh lu iĕm mă nhơ̆m hmoi dang ei, iĕm gô hiĕk, gô chơt.

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Ya 1:11

Pơkao 'long bri brah, mưh truh kơ 'năr tŏ dêh, hla sư jing jô, pơkao sư hơlŭng hơliĕng, lăng sư ưh pă 'lơ̆ng rŏ thoi 'năr rơngơp boih. Bơngai mơdrŏng kư̆m lei-lăi, sư hăt dêh kơ chă mŭk tơmam wă kơ mơdrŏng, mă sư gô lôch hiong hloi.

Tơdrông Tơ'bôh 21:4

'Bok Kei-Dei sut pơgoh đak măt lu sư, lu sư ưh pă lôch dơ̆ng, lu sư ưh pă đei tơdrong nhơ̆m hmoi ơh sơ'ngon dơ̆ng ôh, ưh pă đei tơdrong jĭ jăn păn hnong, yua kơ chăl arih so hiong tôch boih.”