Tơdrông Tơ'bôh 7:12 - Sơ̆p Hlabơar Nơ̆r 'Bok Kei-Dei

¹² “Trŏ boih lu sư khan thoi noh. Bơnê kơ Ih Kră Yang nhôn 'Bok Kei-Dei. Ih 'lơ̆ng rŏ mơsêh mơyang pran tih hlôh wao tôm tơdrong, na trŏ kơ nhôn lui yom păng ư-ang Ih ling-lang ưh kơ layơ tôch. A-men.”

Tơdrông Tơ'bôh 7:12 Iomraidhean Croise

Ne 12:46

Yua kơ lăm chăl Đawit păng Asap sơ̆, đei minh 'nu kră pơgơ̆r wei-lăng lu bơngai hơri, đei 'bai hơri bơnê kơkuh ư-ang kơ Kră Yang 'Bok Kei-Dei.

Ne 12:8

Lu bơngai Lêwi: Jêsua, Binnui, Katmiêl, Serêbia, Juđa păng Matania, bơngai pơgơ̆r tơdrong hơri hơdai hăm lu 'nhŏng oh sư.

Horiso 100:4

Athei bơnê na mơ̆t lăm 'măng jang Sư, bơnê ư-ang bĕ na mơ̆t lăm cham Sư. Bơnê bĕ kơ Sư păng hơri ư-ang kơ anăn Sư.

Horiso 106:48

Kơkuh bơnê kơ Kră Yang 'Bok Kei-Dei Isơrael. Đơ̆ng blŭng-a adrol kơ đĭ-đăng dĭng truh tơ ning-mônh ling-lang! Đĭ kon pơlei pơla gô khan “A-men”! Halêluya!

Horiso 107:22

Ăn kơ sư pơyơ̆r tơmam soi bơnê iŏk 'bai hơri chơt hiôk na roi pơdah tơdrong jang Sư.

Horiso 116:17

Inh gô pơyơ̆r tơmam soi bơnê kơ Ih Kră Yang. Păng krao apinh hăm anăn Kră Yang.

Horiso 147:7

Hơri bơnê bĕ kơ Kră Yang. Reh brŏ Dung bơnê kơ Kră Yang 'Bok Kei-Dei lu bơ̆n.

Horiso 41:13

Trŏ kơkuh bơnê kơ Kră Yang Kră Yang 'Bok Kei-Dei Isơrael Đơ̆ng âu truh tơ ning-mônh ling-lang A-men, A-men!

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Horiso 89:52

Hơri bơnê ư-ang kơ Kră Yang ling-lang! A-men! A-men!

Horiso 95:2

Bĕ bơ̆n năm 'bơ̆t anăp Sư hăm nơ̆r bơnê. Chơt hiôk 'nă hal hăm nơ̆r hơri bơnê kơ Sư.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Rom 11:36

Yua kơ Sư gơh pơjing kơdih tôm tơdrong păng Sư gơh pơgơ̆r wei-lăng tôm tơdrong. Tôm tơdrong noh wă kơ đĭ-đăng bơngai ư-ang kơ Sư. Na bĕ bơ̆n ư-ang kơ Sư ưh kơ layơ tôch. A-men.”

I Kor 14:16

Dah bu krao khan bơnê kơ 'Bok Kei-Dei yua nơ̆r hlĭch pơhiôk lăm jơhngơ̆m sư kơdih đĕch, lei thoi yơ bôl bơ̆n mă ưh kơ hlôh hơdai wang bơnê kơ 'Bok Kei-Dei tơdrong sư ưh kơ hlôh?

II Kor 4:15

Dôm tơdrong nhôn adrin jang wă pơyua iĕm păng wă kơ tơdrong 'Bok Kei-Dei 'mêm mơnat kơ kon bơngai rai jơ̆p teh, wă kơ kon bơngai bơnê hăm pơang anăn Sư rai lơ.

Kôlôsê 2:7

Sư pơm tơm kơ bơ̆n na iĕm athei gơnang kơ Sư mă tơpă wă kơ lui kơjăp kiơ̆ thoi đe bơtho iĕm sơ̆, na tơdrong lui iĕm rai đunh rai wơ̆. Mă tôm tơdrong kiơ kiơ athei bơnê kơ 'Bok Kei-Dei ngăl.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 19:4

Na 'bar-jĭt puăn 'nu lu đe kră, hăm puăn anăn lu kon sem brem ei lu sư 'nap 'bơ̆t anăp 'Bok Kei-Dei oei tơ tang-dŏ sư kơkuh khan: “A-men trŏ boih tơdrong iĕm khan Halêluya ư-ang kơ 'Bok Kei-Dei noh.”