Tơdrông Tơ'bôh 7:10 - Sơ̆p Hlabơar Nơ̆r 'Bok Kei-Dei

¹⁰ Lu sư pơma hơdai đĭ kơ minh tơpôl khan: “Ư-ang Kră Yang bơ̆n mă oei tơ tang-dŏ hăm ư-ang Kon Triu. Sư boih pơklaih bơ̆n ăn kơ bơ̆n hiôk-hian.”

Tơdrông Tơ'bôh 7:10 Iomraidhean Croise

Horiso 115:1

Ưh kơ trŏ kơ lu nhôn, ơ Kră Yang, ưh kơ trŏ kơ lu nhôn. Mă-lei trŏ kơ ư-ang kơ Ih. Yua kơ tơdrong 'mêm mơnat păng tơdrong 'lơ̆ng tơpăt Ih.

Horiso 3:8

Tơdrong dŏng pơklaih đơ̆ng Kră Yang, Apinh Ih ăn tơdrong pŭn hiôk tih kơ kon pơlei pơla Ih. Sêla

Horiso 37:39

Tơdrong dŏng tơgŭm lu bơngai tơpăt truh đơ̆ng Kră Yang gô; Sư jing anih kơjăp lăm năr anat anot.

Êsai 43:11

Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Êsai 45:15

Sĭt tơpă Ih Kră Yang 'Bok Kei-Dei ôn akâu Ih, Ơ Kră Yang 'Bok Kei-Dei Ih, jơ̆ Kră Yang dŏng pơklaih đe Isơrael.

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Je 3:23

Tơpă tơdrong dŏng pơklaih đơ̆ng groi lăp chă hơlĕnh, ôr krao dơ̆ng kông chă pơhlŭ đĕch; sĭt tơpă tơdrong dŏng pơklaih bơngai Isơrael đơ̆ng Kră Yang, 'Bok Kei-Dei lu nhôn.

Hôsia 13:4

Inh boih Kră Yang 'Bok Kei-Dei lu iĕm dŏng iĕm lĕch đơ̆ng char Êyiptơ. Lăp minh Inh đĕch, iĕm 'nĕ kơ đei yang nai; 'nguaih kơ Inh ưh kơ đei yang kiơ nai mă gơh dŏng pơklaih iĕm!

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Luka 3:6

Na đĭ-đăng kon bơngai gô 'bôh tơdrong 'Bok Kei-Dei wă pơklaih bơ̆n đơ̆ng tơdrong yoch tơpă.’ ”

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Yo 1:36

Na lu sư 'bôh Yêsu yak brih lu sư. Na Yôhan khan: “Sư 'noh boih Kon Triu 'Bok Kei-Dei”

Yo 4:22

Lu iĕm bơngai Samari, iĕm khan kơkuh kơ 'Bok Kei-Dei mơ̆n mă-lei lu iĕm ưh kơ hlôh tơdrong 'Bok Kei-Dei thoi yơ. Pôm lu nhôn bơngai Juđê đĕch hlôh tơpă gah tơdrong 'Bok Kei-Dei. Thoi noh yơh na lu bơngai Juđê tơpă đei bơngai wă pơklaih kon bơngai.

Êphêsô 2:8

Bơ̆n klaih đơ̆ng tơdrong yoch oei hiôk hăm 'Bok Kei-Dei, yua kơ 'Bok Kei-Dei 'mêm mơnat kơ bơ̆n na Sư pơklaih, yua kơ bơ̆n lui păng gơnang kơ Yêsu tơpă na Sư mơnat. Ưh kơ sĭ bơ̆n gơh klaih kơdih ôh, mă-lei tơdrong noh Sư ăn đĕch.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

Tơdrông Tơ'bôh 19:1

Đơ̆ng noh inh kơtơ̆ng tơ plĕnh ti thoi lĕ kơ 'bơ̆r bơngai tơpôl lơ pơma 'bơ̆r re khan: “Halêluya, ư-ang kơ 'Bok Kei-Dei dŏng pơklaih kon bơngai. Sư mơsêh mơyang tih-tin tơpă.

Tơdrông Tơ'bôh 21:5

'Bok Kei-Dei mă oei tơ tang-dŏ khan: “Inh pơjing tôm tơdrong 'nao.” Sư wih khan dơ̆ng kơ inh thoi âu: “Ih chih răk lê̆ dôm tơdrong Inh pơma, yua kơ tơdrong âu sĭt gô đei tơpă iĕm gơh lui.”

Tơdrông Tơ'bôh 22:3

Tôm tơdrong kiơ 'Bok Kei-Dei jô̆ khan kơnê̆ ưh kơ 'bôh lăm pơlei noh. Pôm 'Bok Kei-Dei hăm Kon Triu đĕch oei hơdai hăm kon pơlei pơla lăm noh. Lu đĭch đam Sư gô kơkuh kơ Sư tơ noh.

Tơdrông Tơ'bôh 4:6

'Bơ̆t anăp tang-dŏ 'Bok Pơtao ei kư̆m đei đak, mă thoi đak dơsĭ hlăng chơchơr thoi getchai thoi amĭl. Tăp dăr kơ tang-dŏ 'Bok Pơtao ei, đei puăn anăn lu sem brem. Lu sư đei klong măt rŏng anăp lơlap.

Tơdrông Tơ'bôh 5:7

Na Kon Triu ei Sư năm iŏk hla bơar đơ̆ng ti 'Bok Kei-Dei mă oei tơ tang-dŏ.