Tơdrông Tơ'bôh 6:2 - Sơ̆p Hlabơar Nơ̆r 'Bok Kei-Dei

² Na bơngai hao aseh kok ei năm hloi tơ sư chĕp jŏ hră. Đe ăn kơ sư agăl pơkao wă pơtih gia kơ tơdrong sư blah đe jei sư. Na sư năm tơblah. Sư blah đe jei sư tơpă.

Tơdrông Tơ'bôh 6:2 Iomraidhean Croise

Horiso 110:2

Kră Yang đơ̆ng Siôn gô wơh 'long jra pơtao tơdrong kơtang Sư. Ăn kơ ih pơgơ̆r bĕ lu ayăt kơ Ih.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Sa 1:8

Kơmăng inh 'bôh; thoi 'nâu đei minh 'nu bơngai hao aseh hŭng dơ̆ng 'bơ̆t tơm 'long pơgang tơ anih ala sŭng păng đơ̆ng rŏng kơ sư đei lu aseh hŭng, aseh hơi, aseh hak.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

I Kor 15:25

'Bok Kei-Dei ăn kơ Yêsu pơgơ̆r truh tơ Sư blah rôp ba dôm lu bơngai mă ayăt kơ Yêsu lê̆ tơ kơnơl jơ̆ng Sư.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 11:18

Lu bơngai ala teh mă ưh kơ lui hil areh kơ Ih, mă-lei dang ei kư̆m truh boih tơdrong Ih hil areh kơ lu sư wă phak lu sư păng wă sek tơlang lu bơngai lôch. Gah lu đĭch đam mă pơtruh nơ̆r Ih, lu kon Ih, lu băt lui yom hli kơ Ih, Ih gô apah lu sư mă sư pơm tih pơm iĕ. Gah lu bơngai mă ưh kơ lui chă pơrăm đe tơ ala teh, Ih gô pơrăm lu sư mơ̆n.”

Tơdrông Tơ'bôh 14:14

Đơ̆ng noh inh lăng dơ̆ng na 'bôh hơmơ̆l kok. Kơpal hơmơ̆l kok noh inh đei 'bôh minh 'nu hơbŏ thoi Kon Bơngai. Sư yơ̆l môk maih păng Sư chĕp săng kô han.

Tơdrông Tơ'bôh 15:2

Inh kư̆m 'bôh tơdrong hlĭch thoi đak dơsĭ hlăng chơchơr thoi getchai thoi amĭl, mă kư̆m lăng thoi đei ŭnh mơ̆n. Na lu bơngai mă ưh kơ chu kơkuh kơ rup sem, akâu sem ei păng ưh kơ ăn sem ei chơ̆m đŏng yâu tơ klĕng sư păng kuă kơ iŏk dôm tơmam sem ei, kơsô̆ sư dah anăn sư, jei lu bơngai noh boih. Na đĭ-đăng lu bơngai noh lu sư dơ̆ng kơpal đak dơsĭ ei. Lu sư iŏk brŏ 'Bok Kei-Dei,

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Tơdrông Tơ'bôh 9:7

Lep noh mưh sư wă năm blah sôch đe, sư năm đĭ kơ tơpôl pơrĕng, thoi aseh juăt kơ năm tơblah. Tơ kơ̆l lu sư lăng thoi yơ̆l môk maih ngăl, muh măt lu sư thoi muh măt kon bơngai.