Tơdrông Tơ'bôh 6:10 - Sơ̆p Hlabơar Nơ̆r 'Bok Kei-Dei

¹⁰ Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

Tơdrông Tơ'bôh 6:10 Iomraidhean Croise

Bl 4:10

Kră Yang jet dơ̆ng: “Ih pơm kiơ thoi noh? Inh 'bôh pham oh ih ôr đơ̆ng teh păng nơ̆r sư krao kơtơ̆ng truh tơ Inh.

Horiso 119:84

Đĭch đam Ih oei gô dĭng dang yơ dơ̆ng. Layơ Ih wă sek tơlang kơ bơngai pơm kơnê̆ kơ inh?

Horiso 13:1

Ơ Kră Yang, Ih gô hiơt kơ inh dĭng dang yơ? Wă hiơt hlŏng hloi hă? Dĭng dang yơ Ih ôn muh măt Ih kơ inh?

Horiso 35:17

Ơ Kră Yang! Ih wă gô lăng dĭng dang yơ? Apinh Ih pơklaih bơhngol inh đơ̆ng lu sư wă pơrăm. Păng dui iŏk tơdrong arih inh đơ̆ng dăm-brang.

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Horiso 9:12

Yua kơ Tơ'ngla iung kơting pham 'blŏk kơ lu bơngai mă pơmat-tat. Sư ưh kơ đei hiơt ôh tơdrong lu sư nhơ̆m ôr.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Nhom 3:64

Ơ Kră Yang, Ih gô pơm tơwih kơ lu sư thoi tơdrong đêl lu sư pơm.

Da 12:6

Minh 'nu bơngai apinh bơngai hrŭk ao che brai se oei dơ̆ng kơpal đak glung, thoi âu: Truh năr tôch lu tơdrong hlĭch 'nâu hăm pă đunh?

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Sa 1:12

Đơ̆ng noh linh jang Kră Yang khan: “Ơ Kră Yang Tih hloh! Ih gô ưh pă 'mêm kơ pơlei Jêrusalem păng lu pơlei lăm char Juđa dĭng truh dang yơ? Noh boih lu pơlei tih mă Ih đei hil kơ lu sư tơpơh-jĭt sơnăm kơ âu?”

Luka 2:29

“Ơ Kră Yang, dang ei Ih ăn kơ inh mă đĭch Ih âu lôch achăng lê̆ teh đak âu hiôk-hian. Kiơ̆ thoi Ih khan kơ inh sơ̆,

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

Tơdrông Tơ'bôh 11:18

Lu bơngai ala teh mă ưh kơ lui hil areh kơ Ih, mă-lei dang ei kư̆m truh boih tơdrong Ih hil areh kơ lu sư wă phak lu sư păng wă sek tơlang lu bơngai lôch. Gah lu đĭch đam mă pơtruh nơ̆r Ih, lu kon Ih, lu băt lui yom hli kơ Ih, Ih gô apah lu sư mă sư pơm tih pơm iĕ. Gah lu bơngai mă ưh kơ lui chă pơrăm đe tơ ala teh, Ih gô pơrăm lu sư mơ̆n.”

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 18:24

“'Bok Kei-Dei phak pơlei noh yua kơ đei pham lu bơngai pơtruh nơ̆r Sư, pham lu kon Sư păng pham dôm lu bơngai mă đe pơlôch jơ̆p kơ teh đak ro lăm pơlei noh.”

Tơdrông Tơ'bôh 19:2

Sư sek tơlang trŏ tơpă. Sư phak boih bơngai đi mă pơm jơ̆p kơ teh đak jing kơnê̆ 'mê̆-'mach, yua kơ tơdrong sư pơm kư̆ kă păng yua kơ sư pơlôch lu đĭch đam 'Bok Kei-Dei.”

Tơdrông Tơ'bôh 3:10

Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu:

Lu 16:28

Samsơn krao khan: Ơ Kră Yang Tih Hloh, apinh Ih 'blŏk kơ inh. Ơ Kră Yang 'Bok Kei-Dei, inh apinh Ih ăn kơ inh đei jơhngơ̆m pran pă minh 'măng wă kơ inh pơm tơwih 'mong plơ̆ kơ lu bơngai Philistin yua kơ 'bar pah măt inh.

I Sam 24:12

Apinh Kră Yang gô sek tơlang ih păng inh. Kră Yang gô pơm 'mong kơ ih ăn kơ inh, mă-lei gah inh ưh kơ đei pơm kiơ truh kơ akâu jăn ih.