Tơdrông Tơ'bôh 5:9 - Sơ̆p Hlabơar Nơ̆r 'Bok Kei-Dei

⁹ Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Tơdrông Tơ'bôh 5:9 Iomraidhean Croise

Horiso 144:9

Ơ Kră Yang 'Bok Kei-Dei, inh gô hơri kơ Ih minh 'bai hơri 'nao. Reh brŏ dung mơjĭt dăng tơlei.

Horiso 149:1

Halêluya! Hơri bĕ kơ Kră Yang minh 'bai hơri 'nao! Hơri bĕ kơ Sư lăm khŭl bơngai 'lơ̆ng rơgoh Sư akŭm.

Horiso 33:3

Hơri bĕ Kơ Sư minh 'bai hơri 'nao, reh brŏ tơlei mă hiôk păng hơri nơ̆r re chơt hiôk.

Horiso 40:3

Sư ăn kơ 'bơ̆r inh đei 'bai hơri 'nao, Hơri bơnê kơkuh kơ Kră Yang 'Bok Kei-Dei lu bơ̆n. Lơ bơngai gô 'bôh păng hli, Păng gơnang kơ Kră Yang.

Horiso 96:1

Hơri bĕ kơ Kră Yang; minh tơdrong hơri 'nao Ơ đĭ-đăng kon bơngai jơ̆p-jang kơ teh đak hơri bĕ kơ Kră Yang.

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Da 3:4

'Bơ̆t ei na đei minh 'nu bơngai bơ̆jang pơih pơma, pơma 'bơ̆r re roi tơbăt khan: Đĭ kon pơlei đĭ dêh char, đĭ nơ̆r pơma 'nâu nơ̆r pơkă athei iĕm.

Da 4:1

Pơtao Nebukatnessar roi tơbăt ăn kơ đĭ-đăng kon pơlei, lu dêh char, rim nơ̆r pơma, oei tơ jơ̆p kơpal teh thoi âu: Hơpơi kơ iĕm đei hiôk-hian rai dêh!

Da 5:19

Yua kơ Kră Yang 'Bok Kei-Dei đei ăn boih kơ sư đei pơgơ̆r tih, na đĭ-đăng kon pơlei pơla jơ̆p kơ dêh char, đĭ khŭl bơngai rim kơ adrĕch tă kơ hli yom ngăl 'bơ̆t anăp sư păng hli yom kơ sư, sư pơlôch bu pơlôch, sư wă kơ bu arih, lê̆ arih. Wă pôk bu kơjung, dah tơjur bu kơđeh mơ̆ng kơ sư wă.

Da 6:25

Đơ̆ng noh, pơtao Đarius chih tơbăt ăn kơ đĭ-đăng kon pơlei pơla, tơ jơ̆p dêh char, tơ rim adrĕch, rim nơ̆r pơma kơpal teh thoi âu: Hơpơi kơ lu iĕm đei tơdrong pŭn hiôk rai dêh.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Mathiơ 26:28

đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

I Kor 7:23

'Bok Kei-Dei huai iŏk bơ̆n păng tơmam gĭt na bơ̆n jing rơngei boih, thoi noh bơ̆n 'nĕ pă pơm tôm tơdrong thoi lĕ đĭch kon bơngai dơ̆ng.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 5:19

Păng bơ̆n athei hơri bơnê kơ Kră Yang hăm đĭ jơhngơ̆m, mă bơ̆n hơri tơdrong 'Bok Kei-Dei hơdai hăm bơngai tơpôl, mă bơ̆n hơri tơdrong lu bơngai kră sơ̆, mă bơ̆n hơri tơdrong lu bơngai dang ei, mă bơ̆n hơri kiơ̆ kơ đon bơ̆n tơchĕng kơdih.

Kôlôsê 1:14

Kon Sư noh boih huai iŏk bơ̆n, pơklaih bơ̆n đơ̆ng tơdrong yoch.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 11:14

Lu sư pơma thoi noh, bơ̆n băt kơ lu sư 'maih chă teh đak hiôk wă oei.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Tơdrông Tơ'bôh 10:11

Na sư khan kơ inh dơ̆ng thoi âu: “Ih athei pơtruh kơ lơ dêh char, teh đak, nơ̆r pơma khŭl kon bơngai păng lu 'bok pơtao kơ tơdrong wă truh kơ lu sư.”

Tơdrông Tơ'bôh 11:9

Đĭ-đăng kon tơring tơrang rim dêh, rim teh đak, rim nơ̆r pơma wang luh năm lăng bre sư lôch, kuă ăn 'bŭ bre sư truh tơ pêng năr minh puăt.

Tơdrông Tơ'bôh 13:7

Sư năm blah lu kon 'Bok Kei-Dei na jei sư tơpă. Na sư pơgơ̆r iŏk rim kơ adrĕch adrung kon bơngai, rim kơ dêh char, rim kơ teh đak, rim kơ nơ̆r pơma kon bơngai. Mă tơdrong noh yua kơ 'Bok Kei-Dei ưh kơ pơgăn đĕch na sư gơh.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

Tơdrông Tơ'bôh 17:15

Na linh jang hei khan kơ inh dơ̆ng thoi âu: “Glung đak mă ih 'bôh bơngai drŏ-kăn oei hei noh, 'noh wă pơtih gia kơ tôm kơ adrĕch adrung khŭl kon bơngai lăm teh đak mă sư pơgơ̆r.

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”

Tơdrông Tơ'bôh 5:12

Đĭ-đăng kơ lu sư hơri minh nơ̆r hơdai. Tơdrong lu sư hơri ei thoi âu: “Ih Kon Triu mă đe pơlôch, Ih mơsêh mơyang, Ih mơdrŏng tih hơgei tôm tơdrong păng pran tih hloh kơ đĭ-đăng, na trŏ kơ nhôn lui yom păng ư-ang Ih tơpă.”

Tơdrông Tơ'bôh 5:6

Inh kơtơ̆ng sư pơma thoi noh na inh chă lăng 'bôh minh pôm Kon Triu oei jê̆ tang-dŏ 'Bok Pơtao, tŏk-bŏk puăn anăn lu sem brem noh păng tŏk-bŏk 'bar-jĭt puăn 'nu lu đe kră. Na Kon Triu ei Sư iung dang dơ̆ng, inh 'bôh rơka Sư đêl đe 'bet pơlôch sơ̆. Kon Triu ei đei tơpơh tŏ ake, tơpơh tŏ măt, 'noh wă kơ đe băt kơ 'Bok Kei-Dei ăn Yang Bơhngol 'Lơ̆ng Sư nơnăm jơ̆p-jang kơ teh đak.