Tơdrông Tơ'bôh 5:3 - Sơ̆p Hlabơar Nơ̆r 'Bok Kei-Dei

³ Ưh kơ đei bu hơnhŏ wă hek lăng ôh, mă lu oei tơ plĕnh, mă lu oei tơ teh, mă lu lôch oei trôm teh kư̆m ưh kơ đei bu hơnhŏ wă hek lăng hla bơar noh.

Tơdrông Tơ'bôh 5:3 Iomraidhean Croise

Êsai 41:28

Inh chă lăng, mă-lei ưh kơ đei bu, lăm lu rup Yang kư̆m ưh kơ đei Yang kiơ gơh chă đon, wă kơ mưh Inh jet sư gơh tơl tơwih kơ Inh minh nơ̆r.

Rom 11:34

Tơdrong noh kư̆m thoi đe chih lăm hla bơar 'Bok Kei-Dei thoi âu: “Bơ̆n kon bơngai ưh kơ băt ôh tơdrong 'Bok Kei-Dei tơchĕng thoi yơ, păng ưh kơ đei bu bơtho Sư tăm.

Philip 2:10

Mă đĭ-đăng lu oei tơ kơpal plĕnh ti, mă oei tơ teh âu, mă lu oei tơ ala teh sŭng, đĭ-đăng gô sơtơ̆p kŭl-tăng kơkuh kơ Sư.

Tơdrông Tơ'bôh 5:13

Na inh kơtơ̆ng dơ̆ng pă minh khŭl tôm kơ đĭ-đăng anăn đơ̆ng 'Bok Kei-Dei pơjing plĕnh hăm teh sơ̆, tôm kơ anăn lu bơngai lôch, tôm kơ anăn kon sem lăm đak dơsĭ, đĭ lu sư hơri minh nơ̆r hơdai thoi âu: “Bơnê kơ 'Bok Pơtao mă oei tơ tang-dŏ, hăm bơnê kơ Kon Triu, mơsêh mơyang 'lơ̆ng rŏ trŏ kơ nhôn lui yom păng ư-ang ling-lang ưh kơ layơ tôch.”

Tơdrông Tơ'bôh 5:4

Inh băt kơ thoi noh boih na inh nhơ̆m hmoi ơh kơdih, yua kơ ưh kơ đei bu hơnhŏ wă hek lăng hla bơar noh lăm to sư thoi yơ.