Tơdrông Tơ'bôh 5:13 - Sơ̆p Hlabơar Nơ̆r 'Bok Kei-Dei

¹³ Na inh kơtơ̆ng dơ̆ng pă minh khŭl tôm kơ đĭ-đăng anăn đơ̆ng 'Bok Kei-Dei pơjing plĕnh hăm teh sơ̆, tôm kơ anăn lu bơngai lôch, tôm kơ anăn kon sem lăm đak dơsĭ, đĭ lu sư hơri minh nơ̆r hơdai thoi âu: “Bơnê kơ 'Bok Pơtao mă oei tơ tang-dŏ, hăm bơnê kơ Kon Triu, mơsêh mơyang 'lơ̆ng rŏ trŏ kơ nhôn lui yom păng ư-ang ling-lang ưh kơ layơ tôch.”

Tơdrông Tơ'bôh 5:13 Iomraidhean Croise

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

Êsai 24:14

Lu sư gô jreo 'nă hal đơ̆ng đak dơsĭ gah bơmơ̆t, lu sư ư-ang tơdrong hơbŏ rŏ Kră Yang.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Rom 11:36

Yua kơ Sư gơh pơjing kơdih tôm tơdrong păng Sư gơh pơgơ̆r wei-lăng tôm tơdrong. Tôm tơdrong noh wă kơ đĭ-đăng bơngai ư-ang kơ Sư. Na bĕ bơ̆n ư-ang kơ Sư ưh kơ layơ tôch. A-men.”

Rom 16:27

'Bok Kei-Dei arih ling-lang, minh 'nu Sư đĕch Kră Yang hlôh wao tôm tơdrong. Bơ̆n sơđơ̆ng kơ Yêsu Krist na bơ̆n băt ư-ang kơ 'Bok Kei-Dei ling-lang ưh kơ layơ tôch. A-men.

Rom 9:5

Lu yă 'bok lu sư sơ̆ lui kơ 'Bok Kei-Dei hơdrol kơ đĭ-đăng lu bơngai nai. Na 'Bok Krist mă 'Bok Kei-Dei wơh dŏng pơklaih kon bơngai Sư kư̆m bơngai Isơrael mơ̆n tơ̆ng kiơ̆ kơ mĕ Sư tơpŭ. 'Bok Krist boih Yang tih hloh gơh pơgơ̆r tôm tơdrong, trŏ kơ kon bơngai ư-ang kơ Sư ling-lang tơpă. A-men.

Êphêsô 3:21

Na bĕ đĭ-đăng kơ lu bơ̆n kon Sư ư-ang anăn Sư, kư̆m thoi Yêsu Krist ư-ang anăn Sư, ling-lang khŏm khŏm ưh kơ layơ tôch. A-men.

Philip 2:10

Mă đĭ-đăng lu oei tơ kơpal plĕnh ti, mă oei tơ teh âu, mă lu oei tơ ala teh sŭng, đĭ-đăng gô sơtơ̆p kŭl-tăng kơkuh kơ Sư.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

I Pet 5:11

Pôm 'Bok Kei-Dei đĕch boih mơsêh mơyang pơgơ̆r ling-lang ưh kơ đei layơ tôch. A-men.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.

Tơdrông Tơ'bôh 1:6

Sư pơjao bơ̆n kơ 'Bok Kei-Dei wă wei-lăng bơ̆n păng pơgơ̆r bơ̆n, na lu bơ̆n jing bơngai jang kơ 'Bă Sư 'Bok Kei-Dei thoi lu 'bok soi. Thoi noh na bĕ bơ̆n ư-ang Yêsu Krist yua kơ Sư gô pơgơ̆r ling-lang ưh kơ đei layơ tôch. A-men.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Tơdrông Tơ'bôh 5:1

Păng inh 'bôh 'Bok Kei-Dei oei tơ tang-dŏ Sư, ti Sư gah 'ma chĕp minh sơnôm hla bơar, hla bơar ei chih 'bar pah rŏng klak na lôm pơklep sư tơpơh 'măng pơklep, wă kơ băt tơdra hli kơ đe hek lăng.

Tơdrông Tơ'bôh 5:12

Đĭ-đăng kơ lu sư hơri minh nơ̆r hơdai. Tơdrong lu sư hơri ei thoi âu: “Ih Kon Triu mă đe pơlôch, Ih mơsêh mơyang, Ih mơdrŏng tih hơgei tôm tơdrong păng pran tih hloh kơ đĭ-đăng, na trŏ kơ nhôn lui yom păng ư-ang Ih tơpă.”

Tơdrông Tơ'bôh 5:3

Ưh kơ đei bu hơnhŏ wă hek lăng ôh, mă lu oei tơ plĕnh, mă lu oei tơ teh, mă lu lôch oei trôm teh kư̆m ưh kơ đei bu hơnhŏ wă hek lăng hla bơar noh.

Tơdrông Tơ'bôh 5:6

Inh kơtơ̆ng sư pơma thoi noh na inh chă lăng 'bôh minh pôm Kon Triu oei jê̆ tang-dŏ 'Bok Pơtao, tŏk-bŏk puăn anăn lu sem brem noh păng tŏk-bŏk 'bar-jĭt puăn 'nu lu đe kră. Na Kon Triu ei Sư iung dang dơ̆ng, inh 'bôh rơka Sư đêl đe 'bet pơlôch sơ̆. Kon Triu ei đei tơpơh tŏ ake, tơpơh tŏ măt, 'noh wă kơ đe băt kơ 'Bok Kei-Dei ăn Yang Bơhngol 'Lơ̆ng Sư nơnăm jơ̆p-jang kơ teh đak.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Tơdrông Tơ'bôh 6:16

Đĭ lu sư khan: “Ơ kông, ơ tơmo, klơ̆p nhôn bĕ wă kơ nhôn huay pă 'bôh muh măt 'Bok Kei-Dei mă oei tơ tang-dŏ, hăm huay pă 'bôh muh măt Kon Triu hil kơ nhôn,