Tơdrông Tơ'bôh 4:4 - Sơ̆p Hlabơar Nơ̆r 'Bok Kei-Dei

⁴ Tăp dăr kơ tang-dŏ 'Bok Pơtao ei đei 'bar-jĭt puăn tŏ tang-dŏ nai, đei 'bar-jĭt puăn 'nu lu đe kră oei tơ tang-dŏ ei. Lu sư tă hrŭk ao tai kok păng yơ̆l môk maih.

Tơdrông Tơ'bôh 4:4 Iomraidhean Croise

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Horiso 21:3

Yua kơ hăm tơdrong 'lơ̆ng rŏ na năm sơng iŏk sư, Pơyơ̆l ăn tơ kơ̆l sư môk pơtao 'maih rang.

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Luka 22:30

Iĕm gô sŏng sa hơdai păng Inh kơplah Inh pơgơ̆r ning-mônh păng iĕm kư̆m pơm pơtao sek tơlang kơ mơjĭt-'bar khŭl bơngai Isơrael.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Tơdrông Tơ'bôh 11:16

'Bar-jĭt puăn 'nu lu đe kră mă oei tơ tang-dŏ tăp dăr kơ 'Bok Kei-Dei 'nap kơkuh kơ 'Bok Kei-Dei,

Tơdrông Tơ'bôh 14:3

Lu sư hơri minh tơdrong 'nao 'bơ̆t anăp tang-dŏ 'Bok Kei-Dei, 'bơ̆t anăp puăn anăn păng 'bơ̆t anăp lu đe kră. Pôm lu minh-hrĕng puăn-jĭt puăn-rơbâu 'nu noh đĕch gơh hơri tơdrong 'nao ei, lu nai ưh kơ đei bu gơh ôh, yua kơ lu bơngai noh 'Bok Kei-Dei huai iŏk lu sư đơ̆ng khŭl bơngai ala teh âu boih.

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 19:4

Na 'bar-jĭt puăn 'nu lu đe kră, hăm puăn anăn lu kon sem brem ei lu sư 'nap 'bơ̆t anăp 'Bok Kei-Dei oei tơ tang-dŏ sư kơkuh khan: “A-men trŏ boih tơdrong iĕm khan Halêluya ư-ang kơ 'Bok Kei-Dei noh.”

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu:

Tơdrông Tơ'bôh 4:6

'Bơ̆t anăp tang-dŏ 'Bok Pơtao ei kư̆m đei đak, mă thoi đak dơsĭ hlăng chơchơr thoi getchai thoi amĭl. Tăp dăr kơ tang-dŏ 'Bok Pơtao ei, đei puăn anăn lu sem brem. Lu sư đei klong măt rŏng anăp lơlap.

Tơdrông Tơ'bôh 5:11

Đơ̆ng noh inh 'bôh dơ̆ng tăp dăr kơ tang-dŏ 'Bok Pơtao păng tăp dăr puăn anăn hăm 'bar-jĭt puăn 'nu lu đe kră ei, inh 'bôh lơlang lơlap ưh kơ băt dôm yơ rơbâu hơngan trĭu 'nu lu linh jang 'lơ̆ng.

Tơdrông Tơ'bôh 5:14

Na puăn anăn lu sem brem 'noh khan: “Trŏ boih iĕm khan thoi noh.” Na 'bar-jĭt puăn 'nu lu đe kră kư̆m wang 'nap kơkuh kơ 'Bok Kei-Dei hăm Kon Triu.

Tơdrông Tơ'bôh 5:6

Inh kơtơ̆ng sư pơma thoi noh na inh chă lăng 'bôh minh pôm Kon Triu oei jê̆ tang-dŏ 'Bok Pơtao, tŏk-bŏk puăn anăn lu sem brem noh păng tŏk-bŏk 'bar-jĭt puăn 'nu lu đe kră. Na Kon Triu ei Sư iung dang dơ̆ng, inh 'bôh rơka Sư đêl đe 'bet pơlôch sơ̆. Kon Triu ei đei tơpơh tŏ ake, tơpơh tŏ măt, 'noh wă kơ đe băt kơ 'Bok Kei-Dei ăn Yang Bơhngol 'Lơ̆ng Sư nơnăm jơ̆p-jang kơ teh đak.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.

Tơdrông Tơ'bôh 6:11

Đơ̆ng noh đe ăn rim 'nu kơ lu sư ao tai kok păng khan kơ lu sư thoi âu: “Gô 'biơ̆, gô tôm kơ lu bơngai mă trŏ kơ lôch thoi iĕm năm ră roi tơdrong 'Bok Kei-Dei, lu sư lôch 'mơ̆i, na phak lu bơngai mă pơlôch iĕm noh.”

Tơdrông Tơ'bôh 7:11

Klaih kơ noh đĭ kơ lu linh jang 'lơ̆ng dơ̆ng tăp dăr kơ tang-dŏ 'Bok Pơtao, tăp dăr kơ 'bar-jĭt puăn 'nu lu đe kră păng tăp dăr kơ puăn anăn sem noh, đĭ lu sư 'nap kơkuh kơ 'Bok Kei-Dei mă oei tơ tang-dŏ khan:

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.

Tơdrông Tơ'bôh 9:7

Lep noh mưh sư wă năm blah sôch đe, sư năm đĭ kơ tơpôl pơrĕng, thoi aseh juăt kơ năm tơblah. Tơ kơ̆l lu sư lăng thoi yơ̆l môk maih ngăl, muh măt lu sư thoi muh măt kon bơngai.