Tơdrông Tơ'bôh 4:11 - Sơ̆p Hlabơar Nơ̆r 'Bok Kei-Dei

¹¹ “Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”

Tơdrông Tơ'bôh 4:11 Iomraidhean Croise

Bl 1:1

Blŭng-a Kră Yang 'Bok Kei-Dei pơjing plĕnh păng teh.

II Sam 22:4

Ơ Kră Yang, inh hơri ư-ang kơ ih; inh krao apinh Ih, na inh gơh klaih đơ̆ng lu bơngai ayăt kơ inh.

Ne 9:5

Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Jop 36:3

Inh chă pơpôi tơdrong gơh hơgei đơ̆ng lơ anih. Wă tơ'bôh Tơ'ngla pơjing inh 'lơ̆ng tơpăt.

Horiso 18:3

Kră Yang trŏ kơ bơ̆n kơkuh bơnê; inh gô krao apinh Sư, Na Sư gô pơklaih inh đơ̆ng lu ayăt.a

Horiso 68:34

Athei pôk pơư pơang tơdrong mơsêh Kră Yang 'Bok Kei-Dei. Tơdrong ư-ang krưp rŏ Sư oei tơ kơpal Isơrael păng tơdrong pran kơtang Sư oei tơ lu tăl plĕnh.

Le 20:11

yua kơ lăm tơdrâu năr Kră Yang đei pơjing plĕnh, teh, đak dơsĭ păng đĭ-đăng tơmam tơ lăm noh, năr tơpơh sư pơdơh: Na Kră Yang sơkat ăn pŭn hiôk kơ năr tơpơh wă 'măn pơm năr giĕng 'lơ̆ng rơgoh.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 17:24

'Bok Kei-Dei pơjing plĕnh teh păng đĭ-đăng sem tơmam oei lăm teh đak. Sư pơgơ̆r plĕnh teh, na Sư ưh kơ oei lăm hnam bơngai pơm ôh.

Rom 11:36

Yua kơ Sư gơh pơjing kơdih tôm tơdrong păng Sư gơh pơgơ̆r wei-lăng tôm tơdrong. Tôm tơdrong noh wă kơ đĭ-đăng bơngai ư-ang kơ Sư. Na bĕ bơ̆n ư-ang kơ Sư ưh kơ layơ tôch. A-men.”

Êphêsô 3:9

Dôm tơdrong Sư wă tơgŭm bơ̆n Sư tơbăt ăn kơ inh, wă kơ inh năm tơbăt ăn kơ đĭ-đăng bơngai. 'Bok Kei-Dei Yang mă pơjing tôm tơdrong Sư wă tơgŭm bơ̆n tơpă tơdrong noh, mă ưh tam mă tơbăt ăn kơ đe đơ̆ng sơ̆.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Hêbrơ 1:10

'Bok Kei-Dei khan dơ̆ng kơ Sư thoi âu: “Ơ Kră Yang, blŭng-a sơ̆ Ih pơjing plĕnh pơjing teh, Ih pơjing kơdih ưh kơ đei bu nai pơjing.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Tơdrông Tơ'bôh 1:6

Sư pơjao bơ̆n kơ 'Bok Kei-Dei wă wei-lăng bơ̆n păng pơgơ̆r bơ̆n, na lu bơ̆n jing bơngai jang kơ 'Bă Sư 'Bok Kei-Dei thoi lu 'bok soi. Thoi noh na bĕ bơ̆n ư-ang Yêsu Krist yua kơ Sư gô pơgơ̆r ling-lang ưh kơ đei layơ tôch. A-men.

Tơdrông Tơ'bôh 10:6

na sư pơma pơsĭt kơ đe 'bơ̆t anăp 'Bok Kei-Dei Kră Yang arih ling-lang ưh kơ đei layơ tôch, sư pơjing plĕnh tôm tơdrong kơpal plĕnh, pơjing teh tôm tơdrong kơpal teh, pơjing đak dơsĭ tôm tơdrong lăm đak dơsĭ. Na tơdrong sư pơma pơsĭt kơ đe noh khan: “'Bok Kei-Dei ưh pă wă gô dơ̆ng boih.

Tơdrông Tơ'bôh 14:7

Na sư pơma 'bơ̆r re kơ đe wă kơ đe kơtơ̆ng, sư khan thoi âu: “Iĕm athei băt hli kơ 'Bok Kei-Dei păng ư-ang kơ Sư, yua kơ Sư wă sek tơlang iĕm boih. Kơkuh kơ Sư bĕ, yua kơ Sư Yang pơjing plĕnh teh, pơjing đak dơsĭ, pơjing tôm kơ tu đak.”

Tơdrông Tơ'bôh 19:1

Đơ̆ng noh inh kơtơ̆ng tơ plĕnh ti thoi lĕ kơ 'bơ̆r bơngai tơpôl lơ pơma 'bơ̆r re khan: “Halêluya, ư-ang kơ 'Bok Kei-Dei dŏng pơklaih kon bơngai. Sư mơsêh mơyang tih-tin tơpă.

Tơdrông Tơ'bôh 5:12

Đĭ-đăng kơ lu sư hơri minh nơ̆r hơdai. Tơdrong lu sư hơri ei thoi âu: “Ih Kon Triu mă đe pơlôch, Ih mơsêh mơyang, Ih mơdrŏng tih hơgei tôm tơdrong păng pran tih hloh kơ đĭ-đăng, na trŏ kơ nhôn lui yom păng ư-ang Ih tơpă.”

Tơdrông Tơ'bôh 5:2

Klaih kơ noh inh 'bôh minh 'nu linh jang 'lơ̆ng sư pran tih, sư pơma 'bơ̆r re khan: “Hăm đei bu hơnhŏ wă hek lăng hla bơar mă đêl đe pơklep boih noh?”

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.