Tơdrông Tơ'bôh 3:2 - Sơ̆p Hlabơar Nơ̆r 'Bok Kei-Dei

² Na dang ei iĕm adrin pơjăng 'biơ̆ bĕ, yua kơ iĕm rơdu tơpă dang bơngai jê̆ kơtĕch jơhngơ̆m wă lôch. Iĕm athei hơmet ming tơdrong lui iĕm mă kơjăp dơ̆ng, yua kơ Inh băt 'Bok Kei-Dei lăng dôm tơdrong iĕm pơm ưh kơ 'blep ngăl.

Tơdrông Tơ'bôh 3:2 Iomraidhean Croise

I Pot 11:4

Truh tơ Sôlômôn kră pă kĕ lu akăn sư pơhlŭ pơlung sư kiơ̆ yang lu sư; jơhngơ̆m sư ưh pă chu yom kơ Kră Yang 'Bok Kei-Dei thoi jơhngơ̆m đon Đawit 'bă sư.

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

II Ho 25:2

Sư bơngai pơm 'lơ̆ng 'bơ̆t anăp Kră Yang, mă-lei ưh kơ đĭ jơhngơ̆m.

Jop 16:5

Mă-lei inh gô pơma pơhiôk jơhngơ̆m iĕm, pơlung iĕm wă kơ jĭ jăn iĕm rai dă 'biơ̆.

Êsai 35:3

Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

Êsai 56:10

Lu bơngai Isơrael gak tă kơ măt tol, ưh kơ băt tơdrong kiơ. Đĭ-đăng lu sư thoi kŏ kơmlo, ưh kơ băt kơ kuăl, 'maih 'bĭch ling-lang păng tep blêk apo kư̆ kă đĕch;

Êsai 57:12

Inh gô tơ'bôh pơdah tơdrong 'lơ̆ng iĕm tơdrong iĕm jang. Păng tơdrong noh tă ưh kơ đei yua kơ iĕm ngăl.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Da 5:27

Tekel wă khan: Pơtao đei kŏng boih kơpal 'long kŏng păng 'bôh ưh kơ tôm.

Sa 11:16

Yua kơ âu, Inh gô tơiung ăn minh 'nu bơngai plơ̆ng jing bơngai wei-lăng triu kơpal teh âu. Mă-lei sư ưh kơ hiơ̆k kơ triu ôh, kư̆m ưh kơ chơchă lu triu hiong, ưh kơ wă ming lu triu rơka, ưh kơ wă rong lu triu bek jăng, mă-lei 'buh sa lu triu mă bek 'lơ̆ng noh păng hek lê̆ kơchôp lu sư.

Mathiơ 23:5

“Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Mathiơ 25:13

Yêsu pơtih gia tơdrong noh đang boih na Sư khan: “Iĕm athei kơchăng mă tơpă, yua kơ iĕm ưh kơ băt năr ayơ, jơ ayơ Inh wă jur tơ iĕm.”

Mathiơ 25:7

Na mơjĭt 'nu adruh noh iung đơ̆ng tep hơmet ŭnh kơđeng lu sư.

Jang 18:23

Sư oei tơ ei kư̆m đunh năr 'biơ̆ mơ̆n. Đơ̆ng noh sư năm tơ dêh char Galati păng dêh char Phiji bơtho păng tơgŭm lu bơngai lui athei lu sư lui mă kơjăp.

Both 3:28

Mă-lei athei jao bĕ kơ Jôsuê, tơgŭm jơhngơ̆m sư mă kơjăp, yua kơ sư gô chông ba kon pơlei 'nâu, tŏk blah iŏk dêh mă ih đei lăng 'bôh noh.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

I Pet 5:8

Bơ̆n athei chơ̆n jơhngơ̆m păng kơchăng kơdih, yua kơ yŏng pơgơ̆r yang kơnê̆ mă ayăt kơ bơ̆n, sư nơnăm jơ̆p-jang arum thoi kiĕk wă rôp sa bơ̆n.

Tơdrông Tơ'bôh 16:15

Inh 'bôh thoi noh boih na inh kơtơ̆ng Kră Yang Yêsu Krist khan: “Inh wă jur kơplah kon bơngai ưh kơ lêng ê thoi bơngai wă năm tơtông. Hiôk dêh bu mă oei kral kơchăng păng đei hơbĕn ao hrŭk wă kơ đe huay kơ 'bôh sư hang-hông.”

Tơdrông Tơ'bôh 2:4

Mă-lei inh sơ'ngon kơ iĕm minh tơdrong âu: Iĕm ưh pă 'mêm kơ Inh hăm 'mêm kơ bôl buăl dang iĕm 'mêm tơm hmơm iĕm lui sơ̆.

Tơdrông Tơ'bôh 3:1

“Na dang ei dơ̆ng ih chih kơthơ ăn kơ kră wei-lăng hnam akŭm 'Bok Kei-Dei tơ Pơlei Sadis, ih chih kơ sư thoi âu: Âu boih 'Bok mă đei minh 'nu Yang Bơhngol 'Lơ̆ng mă dang tơpơh 'nu, mă Sư chĕp tơpơh tŏ sơnglŏng tơ tơpang ti Sư noh, na dang ei Sư wă pơma kơ iĕm thoi âu: ‘Inh băt mơ̆n dôm tơdrong lui iĕm thoi yơ. Đĭ-đăng bơngai ư-ang kơ iĕm khan iĕm bơngai lui kơjăp; mă tơpă iĕm rơdu dêh dang bơngai wă kơtĕch jơhngơ̆m wă lôch.

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.