Tơdrông Tơ'bôh 3:17 - Sơ̆p Hlabơar Nơ̆r 'Bok Kei-Dei

¹⁷ Păng iĕm pơang kơ đe khan iĕm mơdrŏng kơ nơ̆r 'Bok Kei-Dei boih, huay pă kăl kơ tơdrong kiơ dơ̆ng. Iĕm ưh kơ băt kơdih, iĕm bơngai pơmat-tat, bơngai răm-'băm, bơngai dơnuh hin, bơngai măt tol, ưh kơ mah hơbĕn ao hrŭk.

Tơdrông Tơ'bôh 3:17 Iomraidhean Croise

Bl 3:7

Đơ̆ng noh na măt măr sư lar, băt kơdih tơlŭnh akâu hoh, na năm gơ̆ hla 'long hơra sĭt pĕng akâu.

Le 32:35

Kră Yang phak kon pơlei pơla hăm tơdrong jĭ apoh, yua kơ lu sư yoch pơm rup kon rơmo maih mă Arôn tuh hling.

Tơdrông Pơđơk 13:7

Đei mơ'nah pơrŏ pơm mơdrŏng, mă-lei ưh kơ đei kiơ. Đei mơ'nah pơm dơnuh hin, mă-lei đei mŭk tơmam lơ.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Êsai 42:19

Bu măt tol, thoi đam Inh? Bu klĭk nhen bơngai mă Inh wơh năm bơih? Bu măt tol nhen bơngai jao Sư đĭ kơ Inh? Bu măt tol nhen đam Kră Yang?

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Hôsia 12:8

Lu bơngai Êphraim pơang akâu kơdih khan: Sĭt tơpă Inh jing bơngai mơdrŏng, inh đei mŭk lơ. Lăm đĭ dôm tơdrong jang mă Inh pơm ưh kơ đe 'bôh minh tơdrong jang kiơ khan yoch kơnê̆.

Sa 11:5

lu bơngai răt triu pơlôch đĭ triu pơm 'nhĕm huay kơ jô̆ khan pơm yoch. Lu bơngai mă tĕch lu sư khan: Kră Yang trŏ kơ ư-ang, yua kơ inh mơdrŏng bơih; păng lăm lu bơngai wei triu ưh kơ đei minh 'nu bơngai bu mă 'mêm kơ lu triu.”

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Mathiơ 9:12

Yêsu kơtơ̆ng hloi lu sư pơma thoi noh na Yêsu khan kơ lu sư thoi âu: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang.

Luka 1:53

Sư 'me lu bơngai pơngot rơwĕt tơmam sa 'lơ̆ng, mă-lei lu bơngai mơdrŏng noh Sư tơbrŏk ti hoh đĕch.

Luka 6:24

“Mă-lei lu iĕm mă mơdrŏng dang ei, ning-mônh iĕm pơmat-tat dêh. Lu iĕm hiôk dang ei đĕch, ning-mônh iĕm ưh pă hiôk boih.

Rom 11:20

Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

Rom 11:25

Ơ 'nhŏng oh, inh ưh kơ wă kơ iĕm pơang kơ đe khan iĕm bơngai hơgei hloh kơ bơngai Isơrael ôh. Na dang ei inh wă tơbăt ăn kơ iĕm minh tơdrong âu mă 'Bok Kei-Dei tam mă tơbăt ăn kơ bơ̆n đơ̆ng sơ̆, tơdrong noh thoi âu: Lu bơngai Isơrael mơ'nah kuă tơpă boih lui kơ 'Bok Kei-Dei, noh na Sư ăn kơ lu bơngai mă kuă noh jing arăng kơ̆l khŏm khŏm truh tơ Sư krao tôm kơ lu khŭl nai bu mă Sư rơih iŏk lui kơ Sư.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

Rom 7:24

Na inh âu boih bơngai ưh kơ yua tơpă, tơdrong kơnê̆ 'bĕnh kơ akâu ling-lang, na inh wă lôch đĕch boih. Dang ei bu gơh dŏng inh âu?

II Pet 1:9

Mă-lei bu ưh kơ pơm kiơ̆ dôm tơdrong noh, bơngai noh sư thoi bơngai măt bơbul, ưh kơ 'bôh hơdah; păng sư thoi bơngai hiơt kơ 'Bok Kei-Dei dŏng pơklaih bơ̆n đơ̆ng tơdrong yoch.

Tơdrông Tơ'bôh 16:15

Inh 'bôh thoi noh boih na inh kơtơ̆ng Kră Yang Yêsu Krist khan: “Inh wă jur kơplah kon bơngai ưh kơ lêng ê thoi bơngai wă năm tơtông. Hiôk dêh bu mă oei kral kơchăng păng đei hơbĕn ao hrŭk wă kơ đe huay kơ 'bôh sư hang-hông.”

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.

Tơdrông Tơ'bôh 3:16

Yua kơ iĕm thoi đak tŏ lăp ŏ-ŏr na Inh gô kơ'môch tŭk đơ̆ng 'bơ̆r Inh.