Tơdrông Tơ'bôh 3:14 - Sơ̆p Hlabơar Nơ̆r 'Bok Kei-Dei

¹⁴ “Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu:

Tơdrông Tơ'bôh 3:14 Iomraidhean Croise

Bl 49:3

Rubên! Kon kơdră inh, Jơhngơ̆m pran inh blŭng-a tơdrong pran kơtang inh Đei tơdrong pơyom păng mơsêh.

Tơdrông Pơđơk 14:5

Bơngai pơm kơdranh tơpăt ưh kơ băt pơma hơlĕnh; Mă-lei bơngai pơm kơdranh hơlĕnh 'bôh lĕch pơma pơdăr.

Tơdrông Pơđơk 8:22

Kră Yang pơjing Inh adrol hloh. Mă blŭng-a Sư pơjing sơ̆.

Êsai 55:4

'Nâu, Inh ăn kơ sư jing bơngai pơm kơdranh ăn kơ lơ bơngai, pơm yŏng păng pơm bơngai wei-lăng lơ kon pơlei.

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.

Je 42:5

Lu sư pơkă hloi khan kơ Jêrêmi: “Hơpơi kơ Kră Yang lăng lu nhôn mă tơpăt sĭt phak lu nhôn tơdah lu nhôn ưh kơ pơm kiơ̆ thoi nơ̆r mă Kră Yang 'Bok Kei-Dei ih đei wơh ih roi tơbăt kơ lu nhôn.

Yo 1:3

na Sư kư̆m gơh pơjing tôm tơdrong. Ưh kơ đei bu nai pơjing ôh, 'Bă Sư pơjao ăn kơ Sư pơjing tôm tơdrong.

Yo 8:14

Yêsu khan kơ lu sư: “Mă Inh pơma tơdrong Inh kơdih, Inh pơma trŏ tơpă, yua kơ Inh băt kơdih Inh bơngai đơ̆ng yơ, wă wih tơ yơ. Mă-lei lu iĕm ưh kơ hlôh Inh bơngai đơ̆ng yơ, gô wih tơ yơ noh ôh.

II Kor 1:20

Dôm tơdrong 'Bok Kei-Dei pơkă wă tơgŭm, Yêsu Krist năm hloi. Thoi noh na dôm tơdrong bơ̆n krao khan bơ̆n pơma A-men, noh wă khan bơnê kơ 'Bok Kei-Dei tơpăt ling-lang ăn Yêsu Krist jur tơgŭm tơpă.

Both 21:17

Bơngai noh athei iŏk kon drŏ-nglo akăn mă sư areh noh pơm kon kơdră, klah asong 'bar gah dôm tơmam sư đei hloh kơ lu kon nai. Kon kơdră drŏ-nglo noh đơ̆ng jơhngơ̆m pran 'bă, na jing kon kơdră noh sư boih.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

Kôlôsê 2:1

Inh wă kơ iĕm băt kơ inh tơchĕng kơ iĕm hăm tơchĕng kơ lu bơngai lui tơ Pơlei Laodisê hăm dôm lu bơngai lui nai tam mă tơ'bơ̆p inh. Tơpă, đon inh tơchĕng ling-lang thoi noh.

Kôlôsê 4:16

Iĕm đŏk lăng kơthơ âu, tôm kơ lu buăl iĕm kơtơ̆ng boih, na iĕm chĕp kơthơ noh pơtruh kơ lu bơngai lui tơ Pơlei Laodisê dơ̆ng hŏ, wă kơ lu sư hơdai đŏk lăng. Na kơthơ đơ̆ng inh chih kơ Pơlei Laodisê, iĕm kư̆m chĕp pơtruh kơ pơlei iĕm đŏk lăng.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu:

Tơdrông Tơ'bôh 21:6

Na 'Bok Kei-Dei khan dơ̆ng kơ inh thoi âu: “Inh pơm tôm tơdrong keh boih. Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh. Thoi noh bu ol kơ đak, inh asong nhă đĕch đơ̆ng tu đak ăn kơ kon bơngai gơh arih ling-lang.

Tơdrông Tơ'bôh 22:13

Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

Tơdrông Tơ'bôh 22:6

Linh jang ei khan dơ̆ng kơ inh: “Tôm tơdrong âu gô đei tơpă bơ̆n gơh lui. Sơ̆ 'Bok Kei-Dei wơh lu bơngai pơtruh nơ̆r Sư, mă dang ei kư̆m thoi noh Sư kư̆m wơh inh mă linh jang 'lơ̆ng Sư hai, năm chă pơtruh kơ lu đĭch đam Sư tơdrong wă jê̆ truh noh.”

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu: