Tơdrông Tơ'bôh 3:10 - Sơ̆p Hlabơar Nơ̆r 'Bok Kei-Dei

¹⁰ Inh 'bôh iĕm đei tơdrong gleh pơmat-tat, mă-lei iĕm kư̆m oei adrin kiơ̆ thoi Inh sơ̆. Yua kơ thoi noh na Inh 'mêm kơ iĕm, wei-lăng iĕm kơplah 'Bok Kei-Dei ăn tơdrong gleh truh kơ rim 'nu bơngai jơ̆p kơ teh đak wă pơlong lăng kon bơngai thoi yơ.

Tơdrông Tơ'bôh 3:10 Iomraidhean Croise

Êsai 24:17

Ơ kon bơngai oei lăm teh đak, tơdrong hli tơrơ, sơlŭng jrŭ păng poh-'năk hơnhuăl oei răp gô iĕm.

Da 12:10

Gô đei lơ bơngai pơm kơdih akâu sư rơgoh jing kok păng đei pơhrăm pơmat. Mă-lei lu bơngai kơnê̆ kư̆ hrăn pơm kơnê̆; lăm lu bơngai khĕnh hơwĕng kơnê̆ dêh ưh kơ đei bu hlôh; mă-lei lu bơngai gơh hơgei gô hlôh.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.

Mathiơ 26:41

Inh wă kơ iĕm kral ngôi hơpong kơ Inh păng wă kơ iĕm krao khan kơdih wă kơ iĕm huay kơ lui kơ yang Satan pơhlŭ. Inh băt kơ jơhngơ̆m đon iĕm wă ră, mă-lei akâu iĕm ưh kơ kĕ.”

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Markôs 14:9

Inh khan kơ iĕm tơpă, mă jơ̆p-jang kơ teh đak lu bơngai bơtho tơdrong 'nao 'lơ̆ng, lu sư kư̆m roi kơ đe tơdrong duch noh pơm kơ Inh wă kơ đe ư-ang kơ tơdrong sư pơm.”

Luka 2:1

Lăm sơnăm noh 'bok pơtao tơm đe Rôm, anăn sư Ôgut, chih hla bơar athei đe chă chih măt rim kon bơngai jơ̆p kơ tơring sư pơgơ̆r.

Yo 17:6

“Inh roi tơbăt tôm tơdrong Ih kơ lu bơngai ala teh mă Ih pơjao ăn kơ Inh boih. Lu sư bơngai Ih, mă Ih pơjao ăn kơ Inh. Lu sư răk dôm nơ̆r Ih.

Rom 1:8

Hơdrol kơ inh wă pơma, inh đei tơdrong bơnê kơ 'Bok Kei-Dei hơdrol 'mơ̆i. Yua kơ Yêsu Krist lôch tang bơ̆n na bơ̆n băt krao khan bơnê kơ 'Bok Kei-Dei. Inh bơnê kơ Sư yua kơ Sư ăn kơ iĕm lui kơjăp. Đĭ kơ bơngai lui jơ̆p kơ teh đak kư̆m băt kơ iĕm lui kơjăp tơpă.

I Kor 10:13

Gah tơdrong đe pơhlŭ wă kơ iĕm kiơ̆ sư pơm yoch, lu 'nhŏng oh bơ̆n nai đe kư̆m pơhlŭ mơ̆n. Mă-lei 'Bok Kei-Dei wei-lăng bơ̆n, Sư ưh kơ ăn đe pơhlŭ bơ̆n truh tơ bơ̆n pơm tơdrong yoch ôh, Sư gô tơgŭm bơ̆n tơpă wă kơ bơ̆n huay kơ lui kơ đe pơhlŭ.

Êphêsô 6:13

Thoi noh na bơ̆n athei gơnang kơ 'Bok Kei-Dei tơgŭm bơ̆n lăm tôm tơdrong, wă kơ bơ̆n đei jơhngơ̆m pran huay kơ hiong răm kơplah bơ̆n đei tơdrong tơblah hăm yang kơnê̆. Bơ̆n athei adrin pơjăng pơjăr dĭng truh năr tôch.

II Tim 2:12

Dah bơ̆n đei tơdrong gleh pơmat-tat, bơ̆n oei adrin kiơ̆ Sư khŏm khŏm, lei bơ̆n kư̆m pơgơ̆r hơdai hăm Sư ning-mônh mơ̆n. Dah bơ̆n achăng Sư dang ei, lei pă jor Sư kư̆m achăng bơ̆n ning-mônh.

Ya 3:12

Ơ 'nhŏng oh, bĭ 'long hơra hăm gơh pơjing plei hơmu, 'long hơmu hăm gơh pơjing plei hơra? Ưh ôh. Na tu đak kư̆m lei-lăi, đak 'băt 'boh ưh kơ gơh pơjing đak sơngiĕo 'lơ̆ng ôh. Na thoi yơ bơngai kơnê̆ gơh pơma tơdrong 'lơ̆ng?

I Pet 4:12

Ơ lu 'nhŏng oh mă inh 'mêm kơeng, iĕm đei boih tơdrong gleh truh wă pơlong lăng tơdrong lui iĕm, mă iĕm 'nĕ kơ lăng hlĭch tơdrong kiơ hŏ, yua kơ tơdrong noh gô truh rim 'nu kơ lu bơngai lui.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

Tơdrông Tơ'bôh 13:10

Bơngai bu trŏ kơ đe wă tah sư tơ lăm hnam phak sư athei chu kơ đe tah đĕch. Bơngai bu trŏ kơ đe pơlôch păng đao sư athei chu lôch kơ pla đao đĕch. Iĕm băt kơ thoi noh boih, na lu bơngai mă lui athei adrin gơnang kơ 'Bok Kei-Dei đĕch.

Tơdrông Tơ'bôh 13:14

Sem ei pơm tơ'bôh kơ đe tơdrong hlĭch kiơ̆ sem mă mônh ăn, thoi noh na sư pơhlŭ lu kon pơlei pơla oei tơ ala teh âu pơm minh pôm rup sem mă mônh, sem mă đei rơka đêl đe 'bet mă oei arih.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Tơdrông Tơ'bôh 14:12

Yua kơ thoi noh boih na lu bơ̆n bơngai lui kơ Yêsu păng kiơ̆ tơdrong 'Bok Kei-Dei pơkă, bơ̆n athei adrin lui khŏm khŏm 'nĕ kơ achăng lê̆ Sư, mă đe pơmat bơ̆n dang yơ.

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.

Tơdrông Tơ'bôh 16:14

Pêng 'nu yang noh yang kơnê̆ ngăl, lu sư kư̆m gơh pơm tơdrong hlĭch hlăch mơ̆n. Păng lu sư năm jơ̆p kơ teh đak krao akŭm lu 'bok pơtao tơblah hăm 'Bok Kei-Dei kơplah năr 'Bok Kei-Dei hăt kơ tơblah tơblŭng hơlŭng pơdang, mơsêh tăp pang mơyang tăp dăr tôch 'bơ̆t Sư boih.

Tơdrông Tơ'bôh 17:2

Lu 'bok pơtao jơ̆p kơ teh đak kư̆m ngôi pơyô hăm sư mơ̆n, sư boih pơm pơyô kư̆ kă tơ'bôh kơ đe jơ̆p kơ teh đak adrol, dang sư ăn kơ đe et sik suai.”

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 3:8

‘Inh băt mơ̆n tơdrong lui iĕm thoi yơ. Bơngai lui tơ pơlei iĕm ưh kơ gan lơ ră, mă-lei iĕm oei kiơ̆ dôm nơ̆r Inh pơkă kơ iĕm. Păng iĕm ưh kơ đei sơngah khan ưh kơ lui kơ Inh ôh. Na dang ei Inh pơih ăn kơ iĕm 'măng mơ̆t lĕch boih, ưh kơ đei bu gơh tang chơkăl kuă ăn iĕm mơ̆t lĕch.

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

Tơdrông Tơ'bôh 8:13

Inh 'bôh păng kơtơ̆ng minh pôm sem klang păr tŏk-bŏk rơwơ̆ng ti, sư pơma 'bơ̆r re khan: “Ô glăi, ô glăi, ô glăi, lu bơngai mă oei tơ teh, pă 'biơ̆ pêng 'nu linh jang 'lơ̆ng hlôm keng wă pơrăm iĕm.”