Tơdrông Tơ'bôh 3:1 - Sơ̆p Hlabơar Nơ̆r 'Bok Kei-Dei

¹ “Na dang ei dơ̆ng ih chih kơthơ ăn kơ kră wei-lăng hnam akŭm 'Bok Kei-Dei tơ Pơlei Sadis, ih chih kơ sư thoi âu: Âu boih 'Bok mă đei minh 'nu Yang Bơhngol 'Lơ̆ng mă dang tơpơh 'nu, mă Sư chĕp tơpơh tŏ sơnglŏng tơ tơpang ti Sư noh, na dang ei Sư wă pơma kơ iĕm thoi âu: ‘Inh băt mơ̆n dôm tơdrong lui iĕm thoi yơ. Đĭ-đăng bơngai ư-ang kơ iĕm khan iĕm bơngai lui kơjăp; mă tơpă iĕm rơdu dêh dang bơngai wă kơtĕch jơhngơ̆m wă lôch.

Tơdrông Tơ'bôh 3:1 Iomraidhean Croise

Luka 15:24

yua kơ kon inh nhen lĕ lôch boih, mă-lei arih dơ̆ng. Sư hiong boih, mă-lei dang ei 'bôh sư dơ̆ng.’ Thoi noh lu sư ngôi pơchơt băl hloi.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Yo 1:16

Sư 'mêm mơnat đĭ-đăng kơ bơ̆n, pơklaih bơ̆n đơ̆ng tơdrong yoch păng tơgŭm bơ̆n lăm tôm tơdrong tơpă.

Yo 1:33

Hơdrol kơ 'noh ki inh kư̆m tam mă băt kơ Sư mơ̆n, sơmă 'Bok Kei-Dei wơh inh pơm kơ đe 'batem păng đak păng Sư đei khan kơ inh thoi âu: ‘Ih gô 'bôh Yang Bơhngol 'Lơ̆ng jur oei kơpal minh 'nu bơngai, bơngai 'noh boih pơm kơ đe 'batem phara yua kơ Sư ăn Yang Bơhngol 'Lơ̆ng oei hơdai păng kon bơngai.’

Yo 20:22

Đang kơ Sư pơma thoi noh, Yêsu dơhlu hơyuh mơsêh kơ lu bơngai pơhrăm păng akhan: “Sơng iŏk Yang Bơhngol 'Lơ̆ng bĕ.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

Êphêsô 2:1

Sơ̆ iĕm dang lôch yua kơ tơdrong yoch hăm dôm tơdrong kơnê̆ iĕm oei juăt kơ pơm.

Êphêsô 2:5

mă khan bơ̆n bơngai dang lôch yua kơ tơdrong yoch, mă-lei dang ei bơ̆n kư̆m dang Sư tơiung lu bơ̆n thoi Yêsu Krist boih. Bơ̆n gơh klaih đơ̆ng tơdrong yoch yua kơ Sư mơnat ăn.

Kôlôsê 2:13

Iĕm bơngai khŭl nai, sơ̆ iĕm oei gơh pơm lơ tơdrong yoch, tơdrong kơnê̆, bơngai oei arih ră dang lĕ kơ bơngai lôch boih. Păng iĕm ưh kơ trŏ kơ bơngai 'Bok Kei-Dei wă tơgŭm thoi lu bơngai Juđê ôh. Mă-lei 'Bok Kei-Dei tơiung arih Yêsu Krist đơ̆ng lôch boih, dang Sư tơiung arih iĕm mơ̆n, Sư huay pă jô̆ yo boih dôm tơdrong yoch bơ̆n juăt kơ pơm sơ̆.

I Tim 5:6

Dah đei drŏ-kăn adro pơm đi chă mơdro akâu sư kơ lu bơngai drŏ-nglo, mă sư oei arih ră mă-lei lăng sư dang lĕ kơ lôch đĕch 'noh.

Ya 2:26

Na tơdrong lui bơ̆n, tơ̆ng bơ̆n ưh kơ pơm kiơ̆ kơ nơ̆r 'Bok Kei-Dei pơkă, ưh kơ yua kiơ ôh; bơ̆n kư̆m thoi akâu kon bơngai bơ̆n, ưh pă đei bơhngol, jing kơtĕch jơhngơ̆m lôch.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

Ju 1:12

Kơplah iĕm sŏng sa tih, iĕm sa hơpong wă tơbăt kơ đe tơdrong iĕm 'mêm băl, lu sư kư̆m sŏng sa hơdai iĕm mơ̆n, mă-lei lu sư sa dư dêh wă kơ mă hrăp kơ hơlŏng klak lu sư kơdih, ưh kơ băt mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao, mă sư mơgrĭ. Lu sư jing bơngai ưh kơ yua, thoi hơmơ̆l păr tơ rơwơ̆ng ưh kơ đei 'mi, kial thu jơ̆p-jang; kư̆m thoi 'long ưh kơ plei, trŏ bơyan plei mă sư jing thoi 'long lôch, jing tơbuch đĭ rơh sư hloi.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 1:20

Gah tơdrong tơpơh tŏ sơnglŏng mă ih 'bôh Inh chĕp tơ ti 'ma Inh 'noh hei păng tơpơh tŏ jơ̆ng kơđeng maih noh, na dang ei Inh wă roi tơblang ăn kơ ih. Tơpơh tŏ sơnglŏng noh wă khan tơpơh 'nu kră wei-lăng hnam akŭm 'Bok Kei-Dei. Tơpơh tŏ jơ̆ng kơđeng maih noh wă khan tơpơh tŏ hnam akŭm 'Bok Kei-Dei.”

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.

Tơdrông Tơ'bôh 2:19

‘Inh băt tơdrong lui iĕm, iĕm 'mêm kơ Inh hăm 'mêm kơ bôl buăl, iĕm lui kơjăp, iĕm jang tơdrong Inh ling-lang, iĕm đei tơdrong gleh truh iĕm oei adrin khŏm khŏm, tơdrong lui iĕm tŏk rai đunh rai kơjăp mơ̆n.

Tơdrông Tơ'bôh 2:2

‘Inh băt mơ̆n tơdrong lui iĕm, Inh băt mơ̆n iĕm jang gleh, Inh băt mơ̆n đe areh kơ iĕm, iĕm oei lui kơjăp. Inh băt mơ̆n iĕm kuă kơ lu bơngai kơnê̆ oei hơdai iĕm. Lu sư hơlĕnh khan sư pơm jơ̆ng 'bang Inh mă-lei iĕm pơlong lăng lu sư boih, na iĕm băt boih kơ sư bơngai hơlĕnh.

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.

Tơdrông Tơ'bôh 3:15

‘Inh băt tôm tơdrong iĕm. Tơdrong sơngah kuă kơ lui kơ Inh iĕm kư̆m ưh, tơdrong adrin iĕm kư̆m ưh kơ adrin mơ̆n, lăp mơlôh mơlônh; wă jing đak sơngiĕo kư̆m ưh, wă jing đak tŏ kư̆m ưh mơ̆n, lăp mơlôh mơlônh. Inh wă kơ iĕm thoi âu: Tơ̆ng iĕm wă kơ jing đak tŏ, iĕm athei jing thoi đak tŏ mă tơpă. Tơ̆ng wă jing thoi đak sơngiĕo, iĕm athei jing thoi đak sơngiĕo.

Tơdrông Tơ'bôh 3:2

Na dang ei iĕm adrin pơjăng 'biơ̆ bĕ, yua kơ iĕm rơdu tơpă dang bơngai jê̆ kơtĕch jơhngơ̆m wă lôch. Iĕm athei hơmet ming tơdrong lui iĕm mă kơjăp dơ̆ng, yua kơ Inh băt 'Bok Kei-Dei lăng dôm tơdrong iĕm pơm ưh kơ 'blep ngăl.

Tơdrông Tơ'bôh 3:8

‘Inh băt mơ̆n tơdrong lui iĕm thoi yơ. Bơngai lui tơ pơlei iĕm ưh kơ gan lơ ră, mă-lei iĕm oei kiơ̆ dôm nơ̆r Inh pơkă kơ iĕm. Păng iĕm ưh kơ đei sơngah khan ưh kơ lui kơ Inh ôh. Na dang ei Inh pơih ăn kơ iĕm 'măng mơ̆t lĕch boih, ưh kơ đei bu gơh tang chơkăl kuă ăn iĕm mơ̆t lĕch.

Tơdrông Tơ'bôh 4:5

Păng 'bôh kơchêr kơchar kơmlat lĕch đơ̆ng tang-dŏ 'Bok Pơtao mă oei tŏk-bŏk. Păng inh kơtơ̆ng grơ̆m glaih tơdrăng. 'Bơ̆t anăp tang-dŏ 'Bok Pơtao ei, đei tơpơh tŏ ŭnh kơđeng sư khơ̆ng ling-lang. Kơđeng ei wă pơtih gia kơ Yang Bơhngol 'Lơ̆ng Sư. Yang Bơhngol 'Lơ̆ng minh 'nu đĕch, mă-lei dang tơpơh 'nu.

Tơdrông Tơ'bôh 5:6

Inh kơtơ̆ng sư pơma thoi noh na inh chă lăng 'bôh minh pôm Kon Triu oei jê̆ tang-dŏ 'Bok Pơtao, tŏk-bŏk puăn anăn lu sem brem noh păng tŏk-bŏk 'bar-jĭt puăn 'nu lu đe kră. Na Kon Triu ei Sư iung dang dơ̆ng, inh 'bôh rơka Sư đêl đe 'bet pơlôch sơ̆. Kon Triu ei đei tơpơh tŏ ake, tơpơh tŏ măt, 'noh wă kơ đe băt kơ 'Bok Kei-Dei ăn Yang Bơhngol 'Lơ̆ng Sư nơnăm jơ̆p-jang kơ teh đak.