Tơdrông Tơ'bôh 22:20 - Sơ̆p Hlabơar Nơ̆r 'Bok Kei-Dei

²⁰ 'Bok mă pơm kơdranh kơ dôm tơdrong âu Sư khan: “Inh wă jê̆ jur tơpă.” Tơpă, ơ Kră Yang Yêsu, dah jur bĕ.

Tơdrông Tơ'bôh 22:20 Iomraidhean Croise

Hơri Hiôk 8:14

Adruh Jah brŏk tĕnh bĕ ơ bơngai inh hơyuh. Thoi minh pôm kơtŏng. Dah thoi minh pôm juei dăm tơ kơpal kông 'long 'bâu phu.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Yo 21:25

Tơdrong Yêsu pơm oei lơ tơdrong nai ră mơ̆n. Dah bơ̆n chih roi tôm tơdrong Sư pơm, inh tơchĕng teh âu hrăt ưh kơ gơh 'măn sơ̆p hla bơar ră roi tơdrong Sư pơm.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Hêbrơ 10:37

Yua kơ 'Bok Kei-Dei khan boih kiơ̆ kơ đe chih lăm sơ̆p hla bơar Sư khan sơ̆ thoi âu: “Ưh pă đunh boih tơ'ngla mă wă jur, Sư gô jur tơpă.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 1:2

Na Yôhan chih roi tơpă dôm tơdrong mă đêl sư 'bôh noh; 'nâu boih tơdrong mă 'Bok Kei-Dei ăn kơ Yêsu Krist tơ'bôh kơ sư.

Tơdrông Tơ'bôh 2:16

Na dang ei iĕm athei tơbral kơdih tơdrong yoch. Tơ̆ng iĕm ưh kơ tơbral, lei Inh ưh kơ anat ôh, Inh năm blah hloi dôm lu iĕm mă lui kơ tơdrong Nikôlat noh. Inh blah păng đao mă lĕch đơ̆ng 'bơ̆r Inh noh.’

Tơdrông Tơ'bôh 22:10

Na linh jang 'lơ̆ng ei khan dơ̆ng kơ inh: “Dôm tơdrong 'Bok Kei-Dei tơbăt ăn kơ bơ̆n lăm sơ̆p hla bơar Sư âu, ih 'nĕ kơ ôn, ih athei roi tơbăt ăn kơ đe, yua kơ tơdrong âu wă jê̆ truh tơpă.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.

Tơdrông Tơ'bôh 22:18

Na 'nâu inh Yôhan wă khan lê̆ kơ đe bu mă kơtơ̆ng boih hla bơar 'Bok Kei-Dei chih tơbăt kơ bơ̆n âu: Tơ̆ng bu pơma pơthim nơ̆r sư tơ lăm hla bơar âu, bơngai noh 'Bok Kei-Dei kư̆m pơthim ăn kơ sư tơdrong pơmat kiơ̆ thoi Sư pơkă tơ lăm hla bơar âu.

Tơdrông Tơ'bôh 22:7

Yêsu khan: “Inh wă jê̆ jur boih, bơngai bu lui păng kiơ̆ hloi dôm nơ̆r 'Bok Kei-Dei roi tơbăt ăn tơ lăm sơ̆p hla bơar âu, bơngai noh sư hiôk tơpă.”